Ko te Goethe-Institut te māngai tikanga o Tiamana e totoro haere nei i te ao.
Ka whakatairangatia te reo Tiamana ki tāwāhi ka manaaki hoki i ngā tikanga ā-iwi puta noa i te ao. Ka whakatairangatia Tiamana mā te tukutuku whakamārama mō ngā tikanga ā-iwi, ā-nohonga tāngata, ā-tōrangapū hoki o Tiamana.
Mā te tūhono i ngā rōpū Goethe-Institutes, i ngā Pokapū Goethe, i ngā rōpū tikanga me ngā rūma pānuitanga, ki te taha tonu o ngā pokapū whakamātautau me te akoako reo, ka tinana ngā kaupapa matua o te tikanga ā-iwi me te mahi akoako ki tāwāhi. Ka mahi ngātahi nei hoki me ngā rōpū tikanga ā-iwi tūmatanui tūmataiti hoki, ngā roherohenga me ngā wehewehenga o Tiamana, ā, me ngā kamupene anō hoki.
Ka ahu mai ā mātou mahi i ngā mata tini me ngā tikanga ā-iwi o Tiamana. Ka tūhonoa ngā pūkenga hoa mahi ki Tiamana ki tāwāhi hoki ki ō mātou pūkenga kia puta ai he kaupapa mahi tahi. Mā konei mātou noho ai hei kaituku ratonga hei hoa mahi hoki mō te hunga aronui ki Tiamana me te reo me ngā tikanga Tiamana, ā, motuhake ake mātou kāhore kē nei he herenga tōrangapū.
Ka ahu atu mātou ki ngā wero tikanga o te ao ipurangi, kia hua ake he hanga hou mō te ao mārama, e mana anō ai te whānuitanga o ngā tikanga ā-iwi puta noa.
Ki ngā wāhi e āhei ana ko te hōtaka tikanga ā-iwi mō Aotearoa ka aronui ki te mahi ngātahi i ngā kaupapa pūkenga. Kei te āhua tonu o te whenua mō te taha whakahaere arā kāore he pokapū kotahi, engari, nui ngā kaupapa tikanga ā-iwi ka whakaritea ki ētahi atu rohe, arā nui tonu ki Tāmaki, ki Ngāmotu, ki Ōtautahi me Otepoti. Ko te kaupapa matua ko te whakaaturanga i ngā mahi toi me ngā mahi rauhanga o nāianei ki Tiamana, ko ngā hiringa me ngā tauwhitihanga atāmira whakaari Tiamana me ngā mahi kanikani, ko ngā mahi pikitia o nāianei me ngā hangarau whakawhiti kōrero i Tiamana, ā, ko te tikanga ā-iwi Tiamana anō hoki ki ngā hui nui.
