Կոնցեպտը եվ Գաղափարը

Գերմանիա՝ գյուտարարների երկիր - «Հետազոտություններ» մոդուլ

Ավտոմեքենա, հեռուստացույց, թե համակարգիչ․ գերմանացի գիտնականների գյուտերը փոխում են աշխարհը։



Ներկայումս Գերմանիան գիտության և հետազոտության բնագավառում արտոնագրերի և գիտաշխատողների թվով աշխարհի երեք առաջատար պետություններից մեկն է։ Այսպիսով նորարարական երկրում նորարարական ապագայի հիանալի հեռանկարներ են նշմարվում, նաև այլ երկրների երիտասարդ գիտնականների համար, ովքեր հետաքրքրված են Գերմանիայում սովորելով և հետազոտական գործունեությամբ։

Ֆրաունհոֆերի ընկերակցության և Մաքս Պլանկի ընկերակցության հետ համագործակցությամբ՝ Գյոթե-Ինստիտուտը առանձին ցուցահանդես է նվիրում գերմանական գյուտերին և գերմանացի գյուտարարներին։

Հիմնական գաղափարը
ԳԵՐՄԱՆԻԱ՝ ԳՅՈՒՏԱՐԱՐՆԵՐԻ ԵՐԿԻՐ –«ՀԵՏԱԶՈՏՈՒԹՅՈՒՆՆԵՐ» ՄՈԴՈՒԼԸ նվիրված է բնական գիտությունների բնագավառում հեղափոխական գյուտերին։ Ուշադրության կենտրոնում են գտնվում ինչպես պատմական հայտնագործությունները, այնպես էլ ինովացիոն տեխնոլոգիաները։ Այն նաև հայացք է գցում Գերմանիայի գիտահետազոտական լանդշաֆտին։

Կառուցվածքը
Հայտնի գիտնականների հետաքրքրաշարժ մտքերը այցելուներին ծանոթացնում են յոթ թեմատիկ բնագավառների հետ՝ ինֆորմատիկա, էներգետիկա, կապի միջոցներ, տրանսպորտ, բժշկություն, օպտիկա և նյութեր։ Յուրաքանչյուր կատեգորիայում ներկայացված է հինգից վեց ցուցանմուշ, որոնք ուղեկցվում են տեղեկատվական ստենդներով՝ պատկերներով և բացատրական տեքստերով։ Ինտերակտիվ տարրերը այցելուներին խրախուսում են ինքնուրույն գործողությունների։ Ֆիլմերը և աուդիո սարքավորումները լրացնում են ցուցահանդեսը։ Ընթացքում այցելուները տեղեկատվություն են ստանում Գերմանիայում ուսում ստանալու և հետազոտական ​​հնարավորությունների մասին։

Աշխատանքի սկզբունքը
ԳԵՐՄԱՆԻԱ՝ ԳՅՈՒՏԱՐԱՐՆԵՐԻ ԵՐԿԻՐ –«ՀԵՏԱԶՈՏՈՒԹՅՈՒՆՆԵՐ» ՄՈԴՈՒԼԸ մի քանի տարի է, ինչ շրջագայում է աշխարհով մեկ Գյոթե Ինստիտուտներով։ Այն նախատեսված է հիմնականում 15-25 տարեկան երիտասարդների համար, ովքեր սովորում են դպրոցներում և համալսարաններում։ Ցուցահանդեսը երկլեզու է՝ գերմաներեն և համապատասխան երկրի լեզվով։
Մասնակիցներ
Նախագծի ղեկավար/կոորդինատոր
Գյոթե Ինստիտուտ / Զիգրիդ Զավելսբերգ
www.goethe.de

Գիտաշխատող/խորհրդատու
Մաքս Պլանկի ընկերակցություն / դր․ Անդրեա Վեգեներ
ww.mpg.de
Ֆրաունհոֆերի ընկերակցություն / Պետրա Մայներսs
www.fraunhofer.de

Ցուցահանդեսի նախագծումը
krafthaus /Պատրիցիա Վիդրիցկի

Գեղարվեստական ձևավորումը
krafthaus /Պատրիցիա Վիդրիցկի

Գրաֆիկա
krafthaus/ Աննա Գեմեկե

Ցուցանմուշների ձևավորումը և տեղադրումը
designatics / Միխաել Կինցլեր

Վեբ ձևավորում
<i-D> internet + Design GmbH & Co. KG

Համատեղ ձևավորումը և իրականացումը
eskima design und allesweisz



Ուզում ենք խորին շնորհակալություն հայտնել բոլոր նրանց, ովքեր աջակցել են մեզ իրենց խորհուրդներով, տրամադրել են լուսանկարներ, ֆիլմեր, ինչպես նաև ցուցանմուշներ՝ դրանով իսկ նպաստելով ցուցահանդեսի հաջողությանը։