ინფორმატიკა

„ღრუბლოვანი გამოთვლები“ (‘Cloud Computing) საინფორმაციო ტექნოლოგიებს უფრო იაფსა და მარტივს ხდის. „ღრუბელში“ იმდენი წარმადობის, მეხსიერების მოცულობისა და პროგრამული უზრუნველყოფის დაქირავება შეგიძლია, რამდენსაც მოისურვებ. თუმცა, მრავალი კერძო პირი და კომპანიაც სკეპტიკურადაა განწყობილი: მათ თავისი მონაცემების უსაფრთხოება ადარდებთ. ამიტომაც უწყობს ხელს გერმანიის ეკონომიკისა და ტექნოლოგიის სამინისტრო სხვადასხვა კვლევით პროგრამას, რომელთა მიზანია ‘Cloud Computing’-ის საიმედოობისა და უსაფრთხოების გაუმჯობესება.

ფრაუნჰოფერის საზოგადოების მკვლევარები მუშაობენ უსაფრთხო „ინდუსტრიულ მონაცემთა სივრცის“ („Industrial Data Space“) კონცეფციაზე. სამომავლოდ, მონაცემთა ამ ღია სივრცეში კომპანიებს შეეძლებათ დარგების მიხედვით ერთ ქსელში გაერთიანება ისე, რომ საკუთარ მონაცემებზე კონტროლი არ დაკარგონ.

საკრედიტო ბარათები, საბანკო ბარათები, სადაზღვევო ბარათები, კლიენტის ბარათები - ჩიპიანი ბარათების გარეშე დღეს ცხოვრება წარმოუდგენლად გვეჩვენება. პირველი, ვისაც აზრად მოსდის, ინფორმაციის ბარათებზე დამახსოვრება, გახლავთ რადიომექანიკოსი იურგენ დეთლოფი (Jürgen Dethloff).

1969 წელს იგი აპატენტებს ინტეგრირებულ მიკროსქემიან პლასტიკურ ბარათს. 1977 წელს მას მოსდევს მიკროპროცესორიანი ბარათი, რომელსაც დღეს ვიყენებთ. პირველი ჩიპიანი ბარათები ბაზარზე სატელეფონო ბარათების სახით ჩნდება, 1990-იანების ბოლოს მას მოსდევს საბანკო ბარათები, რომელთა გამოყენება მსოფლიოს მრავალ მაღაზიაშია შესაძლებელია. პარალელურად, ციცქნა მიკროპროცესორები სულ უფრო მეტი მონაცემის შენახვის და დამუშავების უნარს იძენს, ჩიპიანი ბარათები მინიკომპიუტერებად იქცევა.

შრომის სამყარომ სამი რევოლუციური ცვლილება განიცადა: ორთქლის მანქანა, კონვეიერი, საინფორმაციო ტექნოლოგიები. ახლა მეოთხეს წინაშე ვდგავართ. ინდუსტრია 4.0.-ის ხედვა ჭკვიანი ფაბრიკაა: მანქანა-დანადგარები, ნაწარმი და სატრანსპორტო საშუალებები ერთმანეთთან და ინტერნეტთან ერთ ქსელშია ჩაბმული სენსორების, ამძრავი ელემენტების და ციცქნა გამომთვლელების მეშვეობით, რაც ინფორმაციის მუდმივად გაცვლის შესაძლებლობას იძლევა. წარმოება და ლოგისტიკა უფრო ოპტიმალური ხდება, პროდუქტი ინდივიდუალურად კლიენტის სურვილებზეა მორგებული. აღნიშნული მიზნის მისაღწევად მანქანათმშენებლები, საინფორმაციო ტექნოლოგიების ექსპერტები და ლოგისტიკის სპეციალისტები დისციპლინათშორის თანამშრომლობას ეწევიან.

გადასვლა ვიდეოზე: ‘მომვალის ფაბრიკა - ინდუსტია 4.0.“

3D- ტექნიკა ფილმის სრულიად ახლებურ აღქმას უზრუნველყოფს. უწინ მაყურებელს სპეციალური სათვალე უნდა მოერგო, ვინაიდან სივრცის შეგრძნება ჩნდება მხოლოდ მაშინ, როდესაც მარჯვენა და მარცხენა თვალი განსხვავებულ პერსპექტივას აღიქვამს. მართალია, ახალი ტელევიზორები 3D-პროექციას შესაძლებელს ხდის უსათვალოდ, მაგრამ გარჩევადობა დაბალია, ვინაიდან ეკრანმა რამდენიმე, პერსპექტივის თვალსაზრისით წანაცვლებული ხედი ერთდროულად უნდა გვიჩვენოს.

ამ პრობლემის მოსაგვარებლად, გამოსახულების დამუშავების ახალ მეთოდებზე ბერლინელთა ერთი ჯგუფი მუშაობს. სენსორულმა ტექნიკამ უნდა მოიცვას მაცქერალთა პოზიცია, პროგრამულმა უზრუნველყოფამ კი იმავდროულად უნდა იზრუნოს, რომ თითოეულ მაყურებელს უნაკლო 3D- გამოსახულება ჰქონდეს თვალწინ, მაშინაც კი, თუ ის თავად მოძრაობს.