BULATS Deutsch-Test für den Beruf

BULATS Deutsch-Test für den Beruf është i përshtatshëm për të gjithë ata që kërkojnë një vend të lirë në tregun ndërkombëtar të punës. BULATS teston brenda 60 minutave njohuritë tuaja gjuhësore lidhur me profesionin. Menjëherë pas provimit do të merrni rezultatin dhe një përshkrim të nivelit tuaj gjuhësor. Provimin e gjuhës gjermane mund ta jepni në mbarë botën në një nga qendrat tona të provimeve. Oferta për provimin BULATS është ende në fazë përpilimi dhe për këtë arsye nuk është e disponueshme në të gjitha qendrat e provimeve. Për këtë ju lutemi të informoheni paraprakisht me telefon ose me shkrim.

BULATS. Funksionon kështu.

BULATS është një provim me kompjuter. Në sajë të teknologjisë moderne programi vlerëson shpejt dhe në mënyrë individuale njohuritë tuaja gjuhësore.

Të gjithë pjesëmarrësit e nisin provimin nga i njëjti nivel. Gjatë ecurisë së testit programi e përzgjedh çdo ushtrim në bazë të përgjigjes së dhënë më parë. Kështu, shkalla e vështirësisë i përshtatet automatikisht nivelit tuaj gjuhësor.

Provimi BULATS është në përputhje me Kuadrin e Përbashkët Evropian të Referencave për Gjuhët.

Informacione të mëtejshme dhe materiale ushtrimore
BULATS Deutsch-Test für den Beruf

Vendet, Çmimet, Datat, Regjistrimi.

Provimin mund ta jepni në Gjermani si dhe në përfaqësitë e Goethe-Institut, Goethe-Zentrum dhe pranë qendrave tona partnere të provimeve. Oferta për provimin BULATS është ende në fazë përpilimi dhe për këtë arsye nuk është e disponueshme në të gjitha qendrat e provimeve. Për këtë ju lutemi të informoheni paraprakisht me telefon ose me shkrim.
Vendet ku mund të jepni provimin

Për firmat

Provimi BULATS përshtatet veçanërisht nëse doni të testoni në mënyrë të shpejtë dhe precize njohuritë gjuhësore të kandidatëve tuaj, ose nëse doni t’i përzgjidhni punonjësit tuaj për një mjedis ndërkombëtar biznesi.

BULATS është një provim online fleksibël dhe i njohur në rang ndërkombëtar. Ai mund të jepet në mbarë botën në një nga qendrat tona të provimeve ose direkt pranë firmës suaj. Rezultatet jepen menjëherë pas mbarimit të provimit.
Për informacione dhe oferta të mëtejshme ju lutemi të shkruani në:
bulats@goethe.de

Cilat sipërmarrje e njohin provimin BULATS?

Adidas
Siemens
Lufthansa
Deutsche Bahn AG
Turkish Airlines
World Health Organization (WHO)
etj.

Zhvillimi

Goethe-Institut, University of Cambridge ESOL Examinations, Allianca française dhe Universidad de Salamanca kanë krijuar në bashkëpunim me njëri-tjetrin këtë version kompjuterik të provimit. Ky provim njihet në rang ndërkombëtar me emrin BULATS (Business Language Testing Service).