Kriteret

Provimet e Insitutit Gëte janë në dispozicion të të gjithë të interesuarve dhe mund të jepen pavarësisht mbushjes së një moshe minimale apo faktit nëse zotëron nënshtetësinë gjermane.

Për provimin Zertifikat Deutsch für den Beruf këshillohet mosha 18 vjeç e lart.

Zertifikat Deutsch für den Beruf nënkupton njohuri të gjuhës në nivelin e katërt (B2) të Referencës së Përbashkët Evropiane për Gjuhët.

Orët mësimore

Për të arritur këtë nivel ju nevojiten, në varësi të njohurive të mëparshme dhe kushteve të të mësuarit, 600 deri në 800 orë mësimore 45-minutëshe. Përveç këtyre, duhet të keni ndjekur rreth 100-120 orë mësimi (45-minutëshe) për gjuhën profesionale.

Përgatitja

Nëse mendoni që i përmbushni kushtet gjuhësore, mund të regjistroheni në çdo kohë për provimin. Gjithsesi, ne ju këshillojmë të ndiqni ndonjë nga kurset tona parapërgatitore. Në to mund të mësoni shprehi gjuhësore apo specifike, të cilat jua lehtësojnë sa më shumë të jetë e mundur dhënien e provimit.