Бібліятэка
Onleihe

Goethe-Institut Onleihe Foto: Goethe-Institut/Loredana La Rocca

Дыгітальная бібліятэка

З дапамогай электроннага абанемента «Onleihe» Вы можаце ўзяць у карыстанне на пэўны час, не выходзячы з уласнага дому, такія дыгітальныя носьбіты інфармацыі, як электронныя кнігі, газеты альбо аўдыёфайлы.

Onleihe – электронны бібліятэчны анлайн-абанемент бібліятэкі Інстытута імя Гётэ. Сервіс дае Вам магчымасць карыстацца электроннымі выданнямі – электроннымі кнігамі, аўдыё- і відэазапісамі, электроннай прэсай, г. зн. атрымліваць на пэўны час файлы праз анлайн-абанемент Onleihe.

Вяртаць носьбіты інфармацыі ў такую бібліятэку не трэба: пасля сканчэння тэрміна карыстання атрыманы файл не будзе адчыняцца. З дапамогай анлайн-абанемента Onleihe Вы маеце магчымасць атрымліваць выданні дахаты 24 гадзіны ў суткі 7 дзён на тыдзень, усяго толькі некалькі разоў пстрыкнуўшы мышкай.

Сервісам Onleihe могуць карыстацца ўсе зацікаўленыя чытачы, якія стала пражываюць ў Беларусі. Рэгістрацыя і карыстанне сервісам Onleihe бясплатныя.

Рэгістрацыя, якая дазваляе карыстацца электронным абанементам Onleihe, вельмі простая:
  1. Увайдзіце ў сервіс «Mein Goethe.de». Калі ў Вас яшчэ няма акаўнта ў «Mein Goethe.de», то, калі ласка, зарэгіструйцеся (рэгістрацыя і карыстанне «Mein Goethe.de» а таксама абанементам «Onleihe» бясплатныя).

    Заўвага: карыстацца абанементам «Onleihe» могуць толькі карыстальнікі, якія жывуць за мяжой Германіі. Каб карыстацца сервісам у нямецкамоўных краінах, звяртайцеся, калі ласка, у бібліятэкі, якія знаходзяцца непадалёк ад Вас.
  2. Пасля ўваходу ў сервіс «Mein Goethe.de», перайдзіце да пункта меню «Мой Onleihe» і націсніце там на кнопку «Увайсці». Цяпер Вы можаце карыстацца электроннымі выданнямі абанемента «Onleihe»!

Тэхнічныя перадумовы Onleihe

Перад тым, як зарэгістравацца ў электронным абанеменце Onleihe, высветліце, калі ласка, ці адпавядае Ваша прылада (камп’ютар, смартфон, планшэт, электронная кніга і пад.) неабходным тэхнічным патрабаванням. Падрабязную інфармацыю па гэтай тэме і некаторыя ўказанні Вы знойдзеце на старонцы Onleihe.
 
Паколькі выданні ў Onleihe абаронены аўтарскім правам, то неабходна, каб некаторыя сістэмы ўзаемадзейнічалі міжсобку. Не ўсе яны ўваходзяць у склад Onleihe. Таму мы загадзя просім з паразуменнем паставіцца да таго, што з тэхнічных прычын наш сервіс не можа быць сумяшчальным з усімі сістэмамі, прадстаўленымі на рынку.
 
Важнае ўказанне: Амазон прапануе закрытую сістэму «Кайндль». З дапамогай прыстасаванняў для чытання «Кайдль», на жаль, нельга карыстацца электронным абанементам Onleihe.
 
Калі ў Вас з’явяца пытанні, то, калі ласка, звяртайцеся наўпрост у Інстытут імя Гётэ ў Вашай краіне.
 
Больш інфармацыі па тэме:
ЧЗП і інструкцыі па карыстанню Onleihe