Падтрымка перакладаў
Праграма Інстытута імя Гётэ ў Мінску «Пераклады нямецкіх кніг на замежныя мовы» мае на мэце аказанне замежным выдавецтвам падтрымкі ў справе выдання нямецкай літаратуры. Яна накіравана на тое, каб прадаставіць доступ да твораў сучаснай літаратуры, кніг для дзяцей і моладзі, важных навуковых публікацый і навукова-папулярных выданняў колу чытачоў, якое не валодае нямецкай мовай.
Праграма служыць мэтам культурнай палітыкі і з’яўляецца важным інструментам кіравання ў сферы міжнароднай культурнай і адукацыйнай палітыкі Федэратыўнай Рэспублікі Германія.
У выпадку прыняцця рашэння аб патрымцы якога-небудзь выдавецкага праекта Інстытут імя Гётэ кампенсуе замежнаму выдавецтву пасля выхаду выдання на замежнай мове частку выдаткаў на параклад. Кампенсацыя выдаткаў на пераклад у поўным памеры, а таксама фінансаванне выдаткаў на друк і рэдагаванне не прадугледжаны.
За амаль 40 гадоў існавання праграмы фінансавая падтрымка была аказана выданню каля 6.000 кніг на 45 мовах.
Рашэнне па вашай заяўцы прымае Інстытут імя Гётэ ў вашай краіне. Калі прынята станоўчае рашэнне наконт падтрымкі вашага праекта, то ён накіроўвае дакументы разам з уласнай рэкамендацыяй у Галоўную дырэкцыю Інстытута імя Гётэ ў Мюнхене. Адборачная камісія прымае там рашэнне аб прадастаўленні гранта і яго памеры.
Камісія збіраецца на паседжанні чатыры разы на год у наступныя тэрміны:
Канец студзеня: мастацкая літаратура, літаратура для дзяцей і моладзі
Апошні тэрмін падачы заявак: 15 снежня
Канец красавіка: усе тэматычныя накірункі
Апошні тэрмін падачы заявак: 15 снежня – для навуковых выданняў*,
15 сакавіка – для ўсіх іншых
Канец ліпеня: мастацкая літаратура, літаратура для дзяцей і моладзі
Апошні тэрмін падачы заявак: 15 чэрвеня
Канец кастрычніка: усе тэматычныя накірункі
Апошні тэрмін падачы заявак: 15 чэрвеня – для навуковых выданняў*,
15 верасня – для ўсіх іншых
* Што тычыцца навуковых выданняў, то ў гэтым выпадку запрашваецца рэкамендацыя Нямецкага даследчага таварыства. Таму на прыняцё рашэння аб аказанні падтрымкі патрабуецца больш часу.
ВАЖНАЯ ІНФАРМАЦЫЯ:
Выдавецтвы Беларусі знаходзяцца ў абсягу кампетэнцыі Інстытута імя Гётэ ў Мінску. Калі ласка, звяжыцеся з намі перад тым, як падаваць заяўку, для таго, каб абсудзіць ваш праект.
- Фінансавая падтрымка ажыццяўляецца ў адносінах перакладаў твораў нямецкіх аўтараў, якія былі апублікаваны якім-небудзь выдавецтвам нямецкамоўнай прасторы.
- Пераклад павінен быць зроблены з тэкста нямецкага арыгінала.
- Падтрыманы могуць быць толькі тыя пераклады, якія не будуць знаходзіцца ў стадыі падрыхтоўкі да друку падчас заключэння дагавора.
- Замежнае выдавецтва абавязуецца пазначыць у выходных дадзеных кнігі Інстытут імя Гётэ як спонсара і размясціць яго лагатып. Калі гэта не будзе выканана, то Інстытут імя Гётэ пакідае за сабой права адмовіць у выплаце гранта, які быў ухвалены.
- У выпадку выдзялення фінансавай дапамогі гаворка падчас вызначэння памеру гранта можа ісці толькі аб тых ганарарах, якія перакладчык атрымае самае позняе ў час выхаду пераклада ў свет.