Хуткі ўваход:
Перайсці наўпрост да кантэнту (Alt 1)Перайсці наўпрост да другога ўзроўню навігацыі (Alt 3)Перайсці наўпрост да першага ўзроўню навігацыі (Alt 2)

Айя Сакава раіць
«запісвай ўсё што ёсць праўдай»

„schreib alles was wahr ist auf“ – Der Briefwechsel Ingeborg Bachmann – Hans Magnus Enzensberger © Suhrkamp Verlag, Berlin, 2018 Перапіска аўстрыйкі Інгеборг Бахман (1926 – 1973) і немца Ганса Магнуса Энцэнсбергера (нар. у 1929 г.) на працягу 1957 – 1972 гадоў, якая налічвае 130 пісем, у аднолькавай ступені адлюстроўвае тагачаснае літаратурнае жыццё  і адчуванне жыцця двух узорных аўтараў. На працягу гадоў прасочваецца пераўтварэнне адносін з флірту-гульні праз лёгкую закаханасць у глыбокае сяброўства калег. Бахман і Энцэнсбергер знаёмяцца ў кастрычніку 1955 г.  на паседжанні «Групы 47» у Цюбінгене. Іх абодвух аб'ядноўвае любоў да мовы, цвёрдая вера ў міжнародную мову паэзіі, цікавасць да падарожжаў  і пэўная жыццёвая мужнасць.

Гэтыя пісьмы сапраўды сведчаць пра мужнасць і чалавечнасць і пра здольнасць прыслухоўвацца, нягледзячы на ўсе разыходжанні ў думках, што ў нашы дні стала ўжо рэдкасцю. Пісьмы паказваюць, якое значэнне мае сяброўства і якую вялікую вартасць мае добрае слова і прызнанне з боку іншага, добрага знаёмага, калегі. Інгеборг піша Мангу – так ён галоўным чынам падпісвае свае пісьмы, -- што ёй больш за ўсё хацелася б сустрэцца з ім, каб вызначыць глыбіню разыходжання ў думках. Але не для таго, каб потым прытрымлівацца адзінага погляду, а каб праз разыходжанні ў думках даведацца нешта новае.
Suhrkamp Verlag

Hubert Lengauer (Hrsg.) (Губерт Ленгаўэр, укладальнік)
„schreib alles was wahr ist auf“ – Der Briefwechsel Ingeborg Bachmann – Hans Magnus Enzensberger («запісвай ўсё што ёсць праўдай». – Перапіска Інгеборг Бахман – Ганс Магнус Энцэнсбергер)
Suhrkamp Verlag, Berlin, 2018 (выдавецтва Suhrkamp, Берлін, 2018 г.)
ISBN 978-3-518-42613-5
479 старонак
 

Рэцэнзіі ў нямецкіх СМІ:
Literaturkritik.de
Frankfurter Allgemeine Zeitung