Ініцыятыва «Школы: партнёры будучыні»

  • Ініцыятыва «Школы: партнёры будучыні» © Kai Uwe Oesterhellweg
  • Ініцыятыва «Школы: партнёры будучыні» © Kai Uwe Oesterhellweg
  • Ініцыятыва «Школы: партнёры будучыні» © PASCH-net
  • Ініцыятыва «Школы: партнёры будучыні» © Kai Uwe Oesterhellweg
  • Ініцыятыва «Школы: партнёры будучыні» © Keller
  • Ініцыятыва «Школы: партнёры будучыні» © PASCH-net
  • Ініцыятыва «Школы: партнёры будучыні» © Jens Sauerbrey

Ініцыятыва «Школы: партнёры будучыні» (скарочана – ПАШ) аб’ядноўвае ў сетку больш за 2.000 школ-партнёраў з усяго свету, якія маюць непасрэднае дачыненне да Германіі. Інстытут імя Гётэ курыруе каля 600 ПАШ-школ, якія належаць да нацыянальных сістэм адукацыі ў больш як 100 краінах.

У лютым 2008 г. Федэральнае міністэрства замежных спраў Германіі распачало рэалізацыю ініцыятывы «Школы: партнёры будучыні». Каардынуе ініцыятыву Федэральнае міністэрства замежных спраў Германіі, а рэалізуюць яе сумесна Галоўнае кіраўніцтва па справах замежных школ, Інстытут імя Гётэ, Германская служба акадэмічных абменаў і Служба педагагічных абменаў Канферэнцыі міністраў культуры федэральных земляў Германіі.

Мэты ініцыятывы

Накіраванасць ініцыятывы «Школы: партнёры будучыні» вызначаюць чатыры наступныя ідэі:
  • стварэнне новых перспектыў дзякуючы атрыманню адукацыі;
  • пашырэнне кругагляду дзякуючы шматмоўю;
  • забеспячэнне доступу да мовы і адукацыі;
  • сумеснае вырашэнне праблем будучыні ў складзе міжнароднай супольнасці навучэнцаў.

У лютым 2008 г. Федэральнае міністэрства замежных спраў Германіі распачало рэалізацыю ініцыятывы «Школы: партнёры будучыні» (скарочана – ПАШ). ПАШ аб’ядноўвае ў сетку і падтрымлівае больш за 2.000 школ-партнёраў з усяго свету, якія маюць непасрэднае дачыненне да Германіі. Інстытут імя Гётэ курыруе каля 600 ПАШ-школ, якія належаць да нацыянальных сістэм адукацыі ў больш як 100 краінах.

Каардынуе ініцыятыву Федэральнае міністэрства замежных спраў Германіі, а рэалізуюць яе сумесна Галоўнае кіраўніцтва па справах замежных школ, Інстытут імя Гётэ, Германская служба акадэмічных абменаў і Служба педагагічных абменаў Канферэнцыі міністраў культуры федэральных земляў Германіі.

Ініцыятыва пашырае сетку школ сістэмы адукацыі Германіі за мяжой, а таксама школ, якія прапануюць дыплом «Нямецкая мова», стварае магчымасці для інтэнсіўнага супрацоўніцтва паміж школамі і ўмацоўвае пазіцыі нямецкай мовы як замежнай у сістэме адукацыі кожнай краіны. У межах ініцыятывы выдаюцца стыпендыі для вучобы ў Германіі, прапануюцца магчымасці для арганізацыі абмену вучнямі і стварэння партнёрскіх сувязей паміж школамі.

Мэты ініцыятывы «Школы: партнёры будучыні»

Ініцыятыва мае на мэце абудзіць у маладых людзей цікавасць да сучаснай Германіі і захапленне ёю, яе грамадствам і нямецкай мовай. Паўстае сетка школ – партнёраў Федэратыўнай Рэспублікі Германія ва ўсім свеце, дзякуючы сумеснай дзейнасці і абмену школы становяцца міжнароднай адукацыйнай супольнасцю. 

Дзякуючы цікавым адукацыйным праграмам ініцыятыва робіць свой унёсак у справу павышэння кваліфікацыі як школьнікаў, так і настаўнікаў, развіваючы тым самым у маладых людзей неабходныя кампетэнцыі для вучобы ў Германіі і будучай прафесійнай дзейнасці. Мэтамі ініцыятывы таксама з’яўляюцца стварэнне трывалых доўгатэрміновых сувязей з Германіяй, спрыянне адкрытаму абмену думкамі і развіццю супрацоўніцтва паміж настаўнікамі і вучнямі. Ініцыятыва «Школы: партнёры будучыні» звязана з сеткамі іншых ініцыятыў германскага знешнепалітычнага ведамства ў сферы культурнай і адукацыйнай палітыкі – такімі, як, напрыклад, валанцёрская служба «Культурвайт» (Kulturweit).

Задачы і дзейнасць Інстытута імя Гётэ

Інстытут імя Гётэ падтрымлівае каля 500 школ – удзельніц ініцыятывы «Школы: партнёры будучыні» ў справе ўключэння ў навучальную праграму прадмета «Нямецкая мова» і ўдасканалення яго выкладання, праводзіць методыка-дыдактычныя семінары і курсы мовы для настаўнікаў, забяспечвае школы сучаснымі мультымедыйнымі метадычнымі, навучальнымі і краіназнаўчымі матэрыяламі. Акрамя таго, Інстытут імя Гётэ накіраваў у краіны, школы якіх удзельнічаюць у ініцыятыве, экспертаў па нямецкай мове, якія курыруюць школы-партнёры. Паглыбіць веды мовы, развіць кампетэнцыі міжкультурнай камунікацыі і зрабіць жывым краіназнаўчы досвед дапамогуць курсы для моладзі, якія праходзяць у Германіі.
PASCH-net з’яўляцца месцам сустрэчы міжнароднай супольнасці PASCH і аб’ядноўвае ў сетку больш за 2.000 школ-партнёраў, а таксама 600.000 вучняў з усяго свету.

Інфармацыя аб ініцыятыве

Старонка змяшчае інфармацыю пра арганізацыі, якія бяруць удзел у ініцыятыве, і пра іх дзейнасць у яе межах. Інтэрактыўная карта свету дае ўяўленне пра сетку школ-партнёраў, а школы распавядаюць пра сябе ў кароткіх партрэтах. Актыўныя ўдзельнікі ініцыятывы прадстаўляюць свае праекты і даюць каштоўныя практычныя парады. PASCH-net прадстаўляе інфармацію пра курсы для моладзі ў Германіі, а таксама спіс партнёраў для міжнароднага супрацоўніцтва паміж школамі.

Інфармацыя аб PASCH-ініцыятыве (на некалькіх мовах)
Карта свету
Партрэты школ-партнераў
Праекты па ўсім свеце
Моладзевыя курсы PASCH
Школьнае партнёрства

Навучальныя матэрыялы і інтэрактыўныя прапановы

Настаўнікі могуць знайсці на старонцы PASCH-net відэа, тэксты і аўдыёзапісы па актуальных тэмах, а таксама ідэі для выкарыстання матэрыялаў партала на занятках нямецкай мовы і спампаваць працоўныя лісты. Вучэбны матэрыял можна адфільтраваць у залежнасці ад тэматыкі, узроўню мовы, фармату і падрыхтоўкі да іспытаў. Інтэрактыўныя прапановы, такія як функцыя каментавання, убудаваная ва ўсе навучальныя матэрыялы, запрашаюць да актыўнага ўдзелу. PASCH-вучні могуць удзельнічаць у конкурсах з прывабнымі падарункамі, якія адбываюцца ва ўсім свеце і прадстаўлены на старонцы PASCH-net. У межах take-overs настаўнікі і вучні самі вядуць канал PASCH-net-Instagram і ажыццяўляюць публікацыю матэрыялаў.

Навучальныя матэрыялы
Конкурсы
PASCH-net auf Instagram

Школьная газета PASCH-Global-анлайн

Маладыя людзі з усяго свету вядуць блог на нямецкай мове на партале PASCH-Global. З дапамогай тэкстаў, фатаграфій, відэа і аўдыё яны даюць уяўленне пра сваё жыццё і паказваюць свой погляд на Германію. Школьная анлайн-газета таксама прапануе магчымасці актыўнага ўдзелу.

Інфармацыя аб PASCH-Global і праектах для ўдзелу

Навучальная платформа PASCH

Навучальная платформа PASCH, якая базуецца на Moodle, дае выкладчыкам нямецкай мовы магчымасць ствараць віртуальныя працоўныя класы для ўрокаў і / альбо ўдзельнічаць у навучальных анлайн-курсах. У анлайн-курсе «Інструменты Moodle для заняткаў» вы даведаецеся, як вы можаце выкарыстоўваць платформу PASCH на занятках альбо для курсаў павышэння кваліфікацыі настаўнікаў.

Інфармацыя аб навучальнай платформе PASCH
Анлайн курс «Інструменты Moodle для заняткаў»

Інфармацыя пра навучанне ў Германіі і для выпускнікоў PASCH-школ

Будучыя выпускнікі PASCH-школ могуць атрымаць агульную інфармацыю і цікавыя спасылкі, напрыклад, да платформы выпускнікоў PASCH. Таксама Вы можаце даведацца пра розныя стыпендыяльныя прапановы і праграмы PASCH. Выпускнікі PASCH-школ, якія зараз вучацца ў Германіі, распавядаюць пра свой досвед.

Інфармацыя пра навучанне ў Германіі
Платформа выпускнікоў PASCH

Рэгістрацыя і ўваход у PASCH-net

Большасць прапаноў на сайце даступныя для ўсіх. Толькі тыя, хто хоча скарыстацца такімі прапановамі, як функцыя каментарыяў, удзел у конкурсах і PASCH-кам’юніці, альбо хоча праяўляць актыўнасць на навучальнай платформе, павінен зарэгістравацца адзін раз, а потым заходзіць на платформу, уводзячы адрас электроннай пошты і пароль. Зарэгістраваныя PASCH- настаўнікі могуць ствараць коды для калег і вучняў сваёй PASCH-школы.

FAQ да PASCH-ініцыятывы і рэгістрацыі

Рассылка і сацыяльныя медыя

Пасля ўваходу ў раздзел «Мой PASCH» зарэгістраваныя карыстальнікі могуць падпісацца на агульную штомесячную рассылку PASCH і / або на рассылку для вучняў. Тыя, хто сочыць за PASCH-net у Facebook, Twitter і / або Instagram, таксама будуць атрымліваць рэгулярную інфармацыю пра прапановы парталу.

Мой PASCH
Facebook
Twitter
Instagram

info@pasch-net.de
www.pasch-net.de
 
Сетка ініцыятывы «Школы: партнёры будучыні» налічвае больш за 2.000 школ ва ўсім свеце. Інстытут імя Гётэ курыруе больш за 600 школ, якія належаць да нацыянальных сістэм адукацыі больш як 100 краін. У межах дадзенай ініцыятывы ў гэтых школах увялі навучанне нямецкай мове альбо пашырылі яго аб’ём. Нямецкая мова ў гэтых школах выкладаецца пераважна як другая замежная.

Да сеткі ініцыятывы «Школы: партнёры будучыні» належаць таксама каля 140 нямецкіх школ за мяжой, якія курыруе Цэнтральнае ўпраўленне па справах нямецкай школьнай адукацыі за мяжой (ZfA), 27 школ з нямецкім профільным навучаннем і каля 1.100 школ нацыянальных сістэм адукацыі, у якіх можна здаць экзамен і атрымаць «Дыплом па нямецкай мове Канферэнцыі міністраў культуры федэральных земляў Германіі»).

Інфармацыя пра школы