Мост у нямецкі ўніверсітэт

Платная праграма «Мост у нямецкі ўніверсітэт» рыхтуе беларускіх школьнікаў, якія скончылі 10 клас, да навучання ў ВНУ Германіі. Праграма таксама адрасавана студэнтам з Беларусі.
 
«Мост у нямецкі ўніверсітэт» - гэта анлайн-праграма. Падчас працы над яе асобнымі модулямі ажыццяўляецца развіццё моўных і прадметных кампетэнцый для наступнага вывучэння дысцыплін MINT у Германіі. Міжкультурныя курсы знаёмяць з нямецкім універсітэцкім жыццём, асаблівасцямі выкладання і навучання, а таксама з культурай студэнцкага кампусу. Акрамя таго, удзельнікаў праграмы рыхтуюць да здачы экзаменаў Test-DaF і TestAS.
 
Перадумовамі для ўдзелу ў праграме з’яўляецца наяўнасць ведаў на ўзроўні не ніжэй за B2. Пры гэтым яны павінны быць пацверджанымі сертыфікатам Інстытута імя Гётэ. Акрамя таго, неабходна засведчыць наяўнасць выдатных вынікаў у такіх прадметах, як матэматыка, інфарматыка, прыродазнаўчыя і тэхнічныя дысцыпліны.
 

Платная праграма «Мост у нямецкі ўніверсітэт» уключае наступныя модулі прадметнай падрыхтоўкі да навучання ў Германіі:
 

• Прадметна-моўная падрыхтоўка па дысцыплінах «MINT» (біялогія, хімія, матэматыка, інфарматыка, фізіка і тэхніка);
• Трэнінг міжкультурнай камунікацыі «Fit für das Studium in Deutschland»;
• Экзаменацыйны трэнінг, які рыхтуе да экзамена TestDaF;
• TestAS-трэнінг. 

Удзельнікі праграмы павінны самастойна здаць экзамены TestDaF і TestAS. Кошт экзаменаў не ўваходзіць у кошт праграмы. Азнаёмцеся, калі ласка, са спецыяльнымі ўмовамі Брандэнбургскага тэхнічнага ўніверсітэта горада Котбус.
 
Пасля паспяховага завяршэння праграмы ўдзельнік можа падаць заяўку на навучанне ў адзін з нямецкіх універсітэтаў (гл. спіс універсітэтаў).
 

Заяўкі на ўдзел у платнай праграме «Мост у нямецкі ўніверсітэт» прымаюцца ад навучэнцаў пры ўмове адпаведнасці наступным патрабаванням:
 

• скончанае навучанне ў 10 класе (на момант адбору і пачатку навучання);
• валоданне нямецкай мовай як мінімум на узроўні В2: сертыфікат Інстытута імя Гётэ;
• высокі ўзровень матывацыі для навучання ў Германіі, сертыфікаты, якія пацвярджаюць удзел у школьных алімпіядах, конкурсах, рэгіянальных і міжрэгіянальных праектах;
• высокія паказнікі навучання ў школе (па матэматыцы, інфарматыцы, прыродазнаўчых і тэхнічных дысцыплінах);
• актыўная сацыяльная пазіцыя, якая пацвярджаецца ўдзелам у сацыяльназначных праектах;
• пісьмовая згода бацькоў альбо апекуноў (для няпоўнагадовых);
• удзел у сумоўі.

Тэрмін падачы заявак: 01.09.2018-30.09.2018
Пачатак навучання: 22.10.2018
Кошт навучання: 1.100 беларускіх рублёў

Фармуляр заяўкі
 

Альянс універсітэтаў Рурскай вобласці (Рурскі ўніверсітэт Бохума, Універсітэт Дуйсбурга-Эсэна, Тэхнічны ўніверсітэт Дортмунда)
 
Кёльнскі ўніверсітэт
 
Вышэйшая школа Бон-Рэйн-Зіг
 
Дадзеныя ўніверсітэты прадастаўляюць месцы для ўдзельнікаў праграмы «Мост у нямецкі ўніверсітэт» на зімовы семестр 2019/20 гг. па наступных дысцыплінах (магчымыя змены і ўдакладненні):
 
РУРСКІ ЎНІВЕРСІТЭТ БОХУМА
 
Прыкладная інфарматыка – 1
Біяхімія – 1
Біялогія – 1
Хімія – 1
Электратэхніка і інфармацыйная тэхналогія – 2
Геаграфія – 1
Навукі пра Зямлю – 1

IT-бяспека / інфармацыйныя тэхналогіі – 1
Машынабудаўніцтва – 2
Матэматыка – 1
Фізіка – 1
Будаўнічая інжынерыя – 2
Тэхналогія продажаў і вытворчы менеджмент – 2
Тэхналогія абароны навакольнага асяроддзя і менеджмент рэсурсаў – 2

ТЭХНІЧНЫ ЎНІВЕРСІТЭТ ДОРТМУНДА
 
Прыкладная інфарматыка – 1
Аналіз і менеджмент дадзеных – 1
Электратэхніка і інфармацыйная тэхніка – 2
Інфарматыка – 1
Інфармацыйна-камунікацыйныя тэхналогіі – 2
Машынабудаўніцтва (дадатковы конкурс!) – 2

Матэматыка – 1
Фізіка – 1
Статыстыка – 1
Тэхнічная матэматыка – 1
Эканамічная матэматыка – 1

УНІВЕРСІТЭТ ДУЙСБУРГА-ЭСЭНА
 
Фізіка – 1
Матэматыка – 1
Эканамічная матэматыка – 1
Тэхнічная матэматыка – 1
Электратэхніка і інфармацыйная тэхніка – 2
Энергетыка (патрэбны веды англійскай мовы на ўзроўні В2) – 1
Нанаіжынерыя – 2
Вада: хімія, аналіз, мікрабіялогія – 1

КЁЛЬНСКІ ЎНІВЕРСІТЭТ
 
Біялогія – 1
Хімія – 1
Матэматыка – 1
Фізіка – 1
Эканамічная матэматыка – 1
Геаграфія – 1
Геафізіка і метэаралогія – 1
Навукі пра Зямлю

ВЫШЭЙШАЯ ШКОЛА БОН-РЭЙН-ЗІГ
 
Хімія і матэрыялазнаўства – 1

Заўвага: лічбы побач з назвамі спецыяльнасцей азначаюць модулі экзамена TestAS (1 = матэматыка, інфарматыка, прыродазнаўчыя навукі, 2 = тэхнічныя дысцыпліны)
 

Еўрапейскі ўніверсітэт Віядрына прадастаўляе месцы для ўдзельнікаў праграмы «Мост у нямецкі ўніверсітэт» на зімовы семестр 2019/20  гг. па наступных дысцыплінах:
 
Эканоміка:
 

• спецыяльнасць 1 «Міжнародная эканоміка і арганізацыя вытворчасці» – 3 
• спецыяльнасць 2 «Права і эканоміка │ Эканоміка і права» – 3

Падчас падачы заяўкі на паступленне ва Універсітэт Віадрыны ўдзельнікі могуць выбіраць паміж дзвюма спецыяльнасцямі: «Міжнародная эканоміка і арганізацыя вытворчасці» альбо «Права і эканоміка │ Эканоміка і права».
 
Асаблівасці праграмы з універсітэтам Віадрына:
 

• TestDaf і TestAS у лютым 2019 г.;
• адбор будучых студэнтаў супрацоўнікамі ўніверсітэта на аснове вынікаў TestDaf і TestAS + сумоўе;
• падрыхтоўчы курс ва Універсітэце Віадрына летам 2019 г. Фінансаванне курсу ажыццяўляецца ўніверсітэтам;
• экзамен па выніках падрыхтоўчага курсу;
• залічэнне ва ўніверсітэт.

 
Заўвага: лічба «3» побач з назвай спецыяльнасці азначае модуль экзамена TestAS «Эканамічныя дысцыпліны»
 

Прапанова Брандэнбургскага тэхнічнага ўніверсітэта Котбус-Зенфтэнберг арыентавана на студэнтаў, якія да моманту пачатку навучання ў Германіі (зімовы семестр 2019 г.) скончаць 1 курс беларускай ВНУ. Удзел у экзамене TestAS не з’яўляецца абавязковым.
 
Грамадзянскае будаўніцтва
Электратэхніка
Інфарматыка
Інфармацыйна-медыйныя тэхналогіі
Машынабудаўніцтва
Матэматыка
Камп’ютарныя тэхналогіі ў медыцыне
Фізіка
Матэматычная эканоміка
 

1. Які дакумент пацвярджае ўзровень валодання мовай і неабходны для падачы заяўкі?
 
Для ўдзелу ў платнай праграме «Мост у нямецкі ўніверсітэт» неабходна прадаставіць сертыфікат Інстытута імя Гётэ ўзроўню В2 альбо вышэй.
 
2. Ці могуць падаць заяўку спаборнікі з іншых гарадоў РБ?
 
Так. Усе модулі платнага праекта «Мост у нямецкі ўніверсітэт» можна прайсці ў анлайн-фармаце. Для ўдзелу ў экзаменах TestDaF і TestAs Вам неабходна самастойна прайсці рэгістрацыю. Мы можам пракансультаваць Вас па пытаннях рэгістрацыі.
 
3. Як падрыхтавацца да ўдзелу ў праграме спаборнікам, якія яшчэ не перайшлі ў 10 клас і не дасягнулі ўзроўня В2?
 
Такім кандыдатам мы рэкамендуем ужо цяпер пачаць інтэнсіўныя заняткі нямецкай мовай. Інстытут імя Гётэ ў Мінску прапануюе вочныя курсы мовы.
Звярніцеся ў Інстытут імя Гётэ ў Мінску і запішыцеся на курс.
 
4. Якіх выдаткаў запатрабуе ўдзел у платнай праграме «Мост у нямецкі ўніверсітэт»?
 
Кошт удзелу ў платнай праграме складае 1.100 беларускіх рублёў, без уліку выдаткаў на залічэнне ў нямецкі ўніверсітэт. У кошт праграмы таксама не ўключаны ўнёскі за ўдзел у экзаменах TestDaF і TestAS. Інстытут імя Гётэ таксама не кампенсуе выдаткі, звязаныя з афармленнем візы і далейшым навучаннем ва ўніверсітэтах Германіі.