Кантакт і запіс

Кантакт і запіс Фатаграфія: Goethe-Institut/Sonja Tobias

Кантакт і запіс

Вас зацікавілі якія-небудзь з нашых курсаў? Вам неабходна дадатковая інфармацыя? Калі ласка, заходзьце ў адміністрацыю курсаў, каб атрымаць персанальную кансультацыю.

Вы можаце запісацца на курсы Інстытута імя Гётэ ў Мінску з дапамогай анлайн-фармуляра,па электроннай пошце, па тэлефоне альбо непасрэдна ў бюро курсаў.

для пачаткоўцаў

Калі Вы яшчэ не вывучалі нямецкую мову альбо вельмі нязначна валодаеце ёй, мы забраніруем Вам месца ў групе для пачаткоўцаў (A1/А1.1).
 

Браніраванне месцаў на курсах для пачаткоўцаў (восеньскі семестр 2019 г.) пачалося 14 мая 2019 г. і ідзе цяпер.
Будзем рады бачыць Вас на нашых курсах!


Анлайн-запіс для пачаткоўцаў

для Тых, хто працягвае вывучаць нямецкую мову

Калі Вы ўжо вывучалі нямецкую мову, то па выніках пісьмовага тэсціравання і размовы з Вамі мы зможам выявіць, у якой ступені Вы валодаеце ёй. Зыходзячы з мэты вывучэння мовы, мы зможам прапанаваць Вам адпаведны курс (узроўні А1.2–С2.2).

Тэсціраванне складаецца з лексіка-граматычнага тэста, пісьмовага адказу на два пытанні з паўсядзённага жыцця і гутаркі. Працягласць тэсціравання - прыкладна 3 гадзіны.

Тэсціраванне праводзіцца бясплатна. На тэсціраванне трэба запісвацца загадзя.

Запіс на тэсціраванне:
 
  • на веснавы семестр - з сярэдзіны кастрычніка да пачатку снежня;
  • на восеньскі семестр - з сярэдзіны красавіка да пачатку жніўня.

Тэрміны тэсціравання для курсаў восеньскага семестра 2019 г.:

- 09.07.2019 (аўт), 10:00
- 09.07.2019 (аўт), 14:00
- 09.07.2019 (аўт), 15:00 (дзеці (10-12 гадоў) і падлеткі (13-15 гадоў))

- 07.08.2019 (ср), 10:00
- 07.08.2019 (ср), 14:00
- 07.08.2019 (ср), 15:00 (дзеці (10-12 гадоў) і падлеткі (13-15 гадоў))
Анлайн-запіс на тэсціраванне

Залічэнне ў групу

Залічэнне ў групу адбываецца падчас аплаты курсаў. Толькі ў гэтым выпадку Вам гарантуецца месца ў групе. Аплата навучання праводзіцца за наяўны разлік.
аўторак 10.00–18.00
серада 10.00–18.00
чацвер 10.00–18.00
пятніца 10.00–18.00
Мы прапануем курсы
  • з пачатку лютага да канца мая (веснавы семестр)  
  • з пачатку верасня да сярэдзіны снежня (восеньскі семестр)
  • з канца чэрвеня да пачатку ліпеня (летнія інтэнсіўныя курсы)
Вакацыі:

З сярэдзіны снежня да пачатку лютага, з сярэдзіны ліпеня да канца жніўня.

Вясновы семестр 2019 г.: з 4 лютага да 26 мая 2019 г.
 
Святочныя дні ў 2019 годзе:

1 студзеня (Новы год), 7 студзеня (Каляды), 8 сакавіка (Жаночы дзень), 28 красавіка (праваслаўны Вялікдзень), 1 мая (Дзень працы), 7 мая (Радaўніца), 9 мая (Дзень Перамогі), 3 ліпеня (Дзень Рэспублікі), 7 лістапада (Дзень Кастрычніцкай рэвалюцыі), 25 снежня (Каляды).

Летнія вакацыі ў 2019 г.: з 15 ліпеня да 4 жніўня 2019 г.
Зімовыя вакацыі: з 21 снежня 2019 г. да 1 студзеня 2020 г.

 
Калі слухач (альбо ў выпадку непаўналетніх слухачоў іх бацькі ці адказныя за выхаванне асобы) не мае магчымасці наведваць курсы і да пачатку 1-га занятку ў групе ў адвольнай пісьмовай форме праінфармаваў аб сваёй адмове Інстытут імя Гётэ, то ён мае права на зварот кошту курса. Пры адмове ад курса пасля першага занятку кошт вяртаецца за выняткам адміністратыўнага збору. У выпадку больш позняй адмовы ад наведвання заняткаў кошт курса не вяртаецца (апроч выпадкаў шматтыднёвай хваробы, калі яна пацверджана медыцынскай даведкай). Вяртанне падручнікаў магчыма толькі да пачатку заняткаў у групе.
1. Агульныя ўмовы навучання
На курсы прымаюцца асобы ва ўзросце ад 16 гадоў. Для падлеткавых і дзіцячых курсаў дзейнічаюць асобыя ўмовы.

2. Умовы аплаты
2.1. Аплата ўносіцца ў поўным памеры (100%) пры залічэнні на курсы.
2.2. Пры аплаце дзейнічае актуальны на гэты момант прэйскурант.
2.3. Дзейнічаюць наступныя зніжкі:
- для людзей з абмежаванымі магчымасцямі (50% на кошт курса за выняткам кошту вучэбных матэрыялаў)
- сямейная зніжка: калі кожны з трох членаў адной сям'і аплочвае ў адным семестры адзін курс, то адна асоба атрымлівае зніжку на кошт курса ў памеры 50% (за выняткам кошту вучэбных матэрыялаў).

3. Адмова ад заняткаў
3.1. Калі слухач (альбо ў выпадку непаўналетніх слухачоў іх бацькі ці адказныя за выхаванне асобы) не мае магчымасці наведваць курсы і да пачатку 1-га занятку ў групе ў адвольнай пісьмовай форме праінфармаваў аб сваёй адмове Інстытут імя Гётэ, то ён мае права на зварот кошту курса. Пры адмове ад курса пасля першага занятку кошт вяртаецца за выняткам адміністратыўнага збору. У выпадку больш позняй адмовы ад наведвання заняткаў кошт курса не вяртаецца (апроч выпадкаў шматтыднёвай хваробы, калі яна пацверджана медыцынскай даведкай). Вяртанне падручнікаў магчыма толькі да пачатку заняткаў у групе.
3.2. Інстытут імя Гётэ захоўвае за сабой права ўносіць змены ў расклад заняткаў. У выпадку адмены курса слухачам, якія ў яго запісаліся, будуць прапаноўвацца свабодныя месцы ў іншых курсах альбо ўнесеная сума будзе вернута ў поўным памеры.

4. Размеркаванне па ступенях і ўзроўнях
4.1. Размеркаванне па ступенях і ўзроўнях праводзіцца ў адпаведнасці з вынікамі уступнага тэсту пры залічэнні на курсы.
4.2. Пераход у іншую групу пры наяўнасці там вольных месцаў магчымы толькі да 2-га занятку з моманта іх пачатку ў адпаведнай групе і толькі па дамоўленасці з кіраўніцтвам курсаў.

5. Абавязкі слухачоў курсаў
5.1. Слухачы абавязаны рэгулярна наведваць заняткі. Пацверджанне аб пройдзеным курсе навучання выдаецца пры ўмове наведвання не менш за 70% заняткаў і паспяховага выканання не менш за 70% заданняў на анлайнавай мультымедыйнай платформе (у курсах з мультымедыйным кампанентам). У іншым выпадку пытанне пераводу на іншы ўзровень вырашае кіраўніцтва курсаў і выкладчык.
5.2. Слухач абавязуецца выконваць дзеючыя правілы паводзін на курсах і правілы ўнутранага распарадку ў памяшканнях, у якіх праводзяцца заняткі.

6. Адказнасць Інстытута імя Гётэ
Інстытут імя Гётэ і/альбо яго супрацоўнікі нясуць адказнасць за шкоду, нанесеную асобам ці прадметам, выключна ў тым аб'ёме, у якім гэта шкода з'явілася вынікам намераных дзеянняў і/ альбо неасцярожнасці з боку Інстытута імя Гётэ ці яго супрацоўнікаў.
Ні Інстытут імя Гётэ, ні яго супрацоўнікі не нясуць адказнасці за неаказанне паслуг з прычыны форс-мажорных абставінаў, забастовак і іншых не залежных ад іх абставінаў.

7. Абарона інфармацыі
Слухач дае Інстытуту імя Гётэ згоду на ўнясенне ў камп’ютэр і далейшую апрацоўку сваіх асабістых дадзеных з мэтай правільнага афармлення заяўкі, правядзення разлікаў і пацверджання дасягнутых вынікаў. Слухач згодны з тым, каб у далейшым яму дасылалі неабходную інфармацыю.