Экзамены па нямецкай мове
A1
Моладзь
Дарослыя
Goethe-Zertifikat A1
Паспяховая здача экзамену сведчыць пра тое, што вы можаце разумець і ўжываць знаёмыя будзённыя выразы і простыя сказы, накіраваныя на задавальненне канкрэтных патрэб. Вы можаце прадставіцца і прадставіць іншых, задаваць людзям пытанні пра іх: напрыклад, дзе яны жывуць, каго ведаюць альбо якія рэчы маюць, – вы здольныя таксама даваць адказы на падобныя пытанні. Вы можаце паразумецца, калі ваш суразмоўца будзе гаварыць павольна і выразна і будзе гатовы вам дапамагчы.
A2
Моладзь
Дарослыя
Goethe-Zertifikat A2
Паспяховая здача экзамену сведчыць пра тое, што вы можаце разумець сказы і выразы, якія часта ўжываюцца і маюць непасрэднае значэнне (напрыклад, інфармацыя пра асобу і сям’ю, пакупкі, працу, бліжэйшае атачэнне). Вы здольныя паразумецца ў звычайных, будзённых сітуацыях, у якіх ажыццяўляецца абмен інфармацыяй пра знаёмыя і простыя рэчы. Вы можаце апісаць уласнае паходжанне і адукацыю, непасрэднае атачэнне і рэчы, звязаныя з базавымі патрэбамі.
B1
Моладзь
Дарослыя
Goethe-Zertifikat B1
Паспяховая здача экзамену сведчыць пра тое, што вы можаце асэнсаваць галоўнае, калі суразмоўцы ўжываюць зразумелую мову і калі гаворка ідзе пра такія знаёмыя рэчы, як праца, школа, вольны час і да т. п. Вы можаце паразумецца ў большасці сітуацый, якія паўстаюць падчас падарожжаў па нямецкамоўных краінах. Вы здольныя проста і зразумела весці размову на знаёмыя тэмы, якія вам цікавыя, расказваць пра свае досвед і перажыванні, мары, надзеі і мэты, а таксама сцісла абгрунтоўваць свае планы і намеры.
B2
Дарослыя
Goethe-Zertifikat B2
Паспяховая здача экзамену сведчыць пра тое, што вы можаце разумець асноўны змест складаных тэкстаў на канкрэтныя і абстрактныя тэмы, а таксама размовы, якія тычацца вашай прафесійнай дзейнасці. Вы здольныя спантанна і звязна гаварыць, дзякуючы чаму становіцца магчымым вядзенне звычайнай размовы з носьбітамі мовы без асаблівых высілкаў з абодвух бакоў. Вы можаце зразумела і падрабязна выказвацца на вялікую колькасць тэм, тлумачыць свой пункт гледжання па актуальных пытаннях, гаварыць пра перавагі і недахопы розных рэчаў.
C1
Дарослыя
Goethe-Zertifikat C1
Паспяховая здача экзамену сведчыць пра тое, што вы можаце разумець шырокі спектр складаных, даволі вялікіх тэкстаў, а таксама схаваныя сэнсы. Вы здольныя спантанна і хутка выказвацца, пры гэтым вам не трэба часта шукаць неабходныя словы. Вы можаце эфектыўна і гнутка карыстацца мовай у грамадскім і прафесійным жыцці альбо падчас навучання; зразумела, лагічна і падрабязна выказвацца на складаныя тэмы, ужываючы пры гэтым разнастайныя сродкі ўнутрытэкставай сувязі.
C2
Дарослыя
Goethe-Zertifikat C2
Паспяховая здача экзамену сведчыць пра тое, што вы можаце свабодна разумець усё, што чуеце альбо чытаеце на нямецкай мове. Вы можаце абагульняць інфармацыю з любых пісьмовых і вусных крыніц і абгрунтавана паведамляць яе, а таксама спантанна, хутка і дакладна выказвацца, тлумачачы нюансы нават самых складаных тэмаў.
TestDaF
Для вучобы
TestDaf
Экзамен TestDaF сведчыць пра валоданне нямецкай мовай на ўзроўнях B2–C1 шасціўзроўневай шкалы «Агульнаеўрапейскіх кампетэнцый валодання замежнай мовай». Вынікі экзамену прызнаюцца ўсімі вышэйшымі навучальнымі ўстановамі Германіі. Пры гэтым пацверджанне спецыяльных ведаў не патрабуецца.
GOETHE-TEST PRO
Для прафесіі
GOETHE-TEST PRO
Тэст Goethe-Test PRO: нямецкая мова для прафесіі падыходзіць кожнаму, хто шукае працу на міжнародным рынку працы. Тэставанне неабходных для прафесіі ведаў мовы ў кандыдатаў на пасаду доўжыцца ад 60 да 90 хвілін.