Goethe-Zertifikat B1 – гэта экзамен па нямецкай мове для моладзі і дарослых. Ён пацвярджае ўпэўненае валоданне нямецкай мовай на ўзроўні трэцяй ступені (B1) шасціўзроўневай шкалы «Агульнаеўрапейскіх кампетэнцый валодання замежнай мовай».

Паспяховая здача экзамену сведчыць пра тое, што вы …

• можаце разумець галоўную інфармацыю, калі ўжываецца літаратурная мова і калі гаворка ідзе пра знаёмыя сітуацыі на працы, у школе і ў вольны час;
• здольныя паразумецца ў большасці сітуацый, якія паўстаюць падчас падарожжаў па нямецкамоўных краінах;
• можаце проста і складна весці размову на знаёмыя тэмы, якія вам цікавыя;
• можаце распавядаць пра свой досвед і перажыванні, гаварыць пра свае мары, надзеі і мэты, а таксама сцісла абгрунтоўваць сваё меркаванне альбо штосьці тлумачыць.

Перадумовы

• Здаваць экзамен Goethe-Zertifikat B1 для дзяцей рэкамендуецца пачынаючы з 12 гадоў.
• Здаваць экзамен Goethe-Zertifikat B1 для дарослых рэкамендуецца пачынаючы з 16 гадоў.
• Для здачы экзамену Goethe-Zertifikat B1 патрабуецца наяўнасць ведаў на ўзроўні трэцяй ступені (B1) «Агульнаеўрапейскіх кампетэнцый валодання замежнай мовай».
• Каб дасягнуць гэтага ўзроўню, неабходна прайсці навучанне ў аб’ёме ад 350 да 650 акад. гадзін (па 45 хв.), улічваючы пачатковыя веды і перадумовы навучання.

ШТО ЯШЧЭ З’ЯЎЛЯЕЦЦА ВАЖНЫМ?

• Парадак правядзення экзаменаў (PDF, 356 KB)
• Палажэнне аб правядзенні экзаменаў (PDF, 383 KB)
• Дадатак да «Парадку правядзення экзаменаў»: «Удзельнікі экзамену з абмежаванымі магчымасцямі» (PDF, 228 KB)
• Інфармацыя для ўдзельнікаў экзамену з абмежаванымі магчымасцямі (PDF, 57 KB)
• Wortliste (PDF, 827 KB)

Кошт

90, - € (для слухачоў курсаў Інстытута імя Гётэ ў Мінску)
120, - € (для тых, хто не наведвае курсы Інстытута імя Гётэ ў Мінску)