Goethe-Zertifikat C2: GDS

Goethe-Zertifikat C2: Großes Deutsches Sprachdiplom Фатаграфія: Getty Images/Mario Castello

Вы хацелі б …

  • навучацца альбо займацца даследчыцкай дзейнасцю ў Германіі;
  • працаваць школьным настаўнікам у Германіі;
  • атрымаць пацверджанне валодання мовай на ўзроўні C1;
  • атрымаць міжнародна прызнаны сертыфікат.

Goethe-Zertifikat C2: Großes Deutsches Sprachdiplom (GDS) – гэта экзамен па нямецкай мове для дарослых. Ён пацвярджае дасканалае валоданне нямецкай мовай на ўзроўні найвышэйшай ступені (C2) шасціўзроўневай шкалы «Агульнаеўрапейскіх кампетэнцый валодання замежнай мовай».

Паспяховая здача экзамену сведчыць пра тое, што вы …

  • можаце свабодна разумець практычна ўсё, што вы чуеце альбо чытаеце на нямецкай мове;
  • здольныя абагульняць інфармацыю з любых пісьмовых і вусных крыніц і абгрунтавана паведамляць яе;
  • можаце спантанна, хутка і дакладна выказвацца, тлумачачы нюансы нават самых складаных тэмаў.
Наяўнасць сертыфіката аб здачы экзамену Goethe-Zertifikat C2: Großes Deutsches Sprachdiplom дае замежным абітурыентам магчымасць паступлення ў нямецкія ВНУ. Шмат дзе гэты сертыфікат прызнаецца ў якасці пацверджання належных ведаў нямецкай мовы, неабходных для яе выкладання. Федэральныя землі Федэратыўнай Рэспублікі Германія прызнаюць сертыфікат аб здачы экзамену пры пацверджанні наяўнасці належных ведаў мовы падставай для працы ў якасці выкладчыка. Атрымаць даведкі па гэтым пытанні можна ў міністэрствах адукацыі альбо культуры адпаведных федэральных зямель, дэпартаменце па пытаннях падрыхтоўкі настаўніцкіх кадраў, адміністрацыях акругаў альбо сенатах гарадоў-федэральных зямель.

З 01.01.2012 замест трох ранейшых экзаменаў – Zentrale Oberstufenprüfung (ZOP), Kleines Deutsches Sprachdiplom (KDS) і Großes Deutsches Sprachdiplom (GDS) – быў уведзены экзамен Goethe-Zertifikat C2: Großes Deutsches Sprachdiplom.

Перадумовы

  • Здаваць экзамен Goethe-Zertifikat C2 рэкамендуецца пачынаючы з 16 гадоў.
  • Для здачы экзамену Goethe-Zertifikat C2: Großes Deutsches Sprachdiplom патрабуецца наяўнасць ведаў на ўзроўні найвышэйшай, шостай ступені (C2) «Агульнаеўрапейскіх кампетэнцый валодання замежнай мовай».
  • Каб дасягнуць гэтага ўзроўню, неабходна прайсці навучанне ў аб’ёме як мінімум 1 000 акад. гадзін (па 45 хв.), улічваючы пачатковыя веды і перадумовы навучання.

ШТО ЯШЧЭ З’ЯЎЛЯЕЦЦА ВАЖНЫМ?

Кошт

150, - € (для слухачоў курсаў Інстытута імя Гётэ ў Мінску)
200, - € (для тых, хто не наведвае курсы Інстытута імя Гётэ ў Мінску)

Тэрміны Месца
29.11.2017 Інстытут імя Гётэ ў Мінску

Перайсці да анлайн-запісу на экзамены.