Goethe-Zertifikat A1: Fit in Deutsch 1

Goethe-Zertifikat A1: Fit in Deutsch 1 Фатаграфія: Getty Images/Echo

Ты хочаш ...

  • здаць экзамен па нямецкай мове для дзяцей і падлеткаў ва ўзросце ад 10 да 16 гадоў;
  • атрымаць пацверджанне базавых ведаў нямецкай мовы;
  • атрымаць пацверджанне валодання мовай на ўзроўні A1;
  • атрымаць міжнародна прызнаны сертыфікат.

Goethe-Zertifikat A1: Fit in Deutsch 1 – гэта экзамен па нямецкай мове для дзяцей і падлеткаў ва ўзросце ад 10 да 16 гадоў. Ён пацвярджае наяўнасць базавых ведаў нямецкай мовы і адпавядае першай ступені (A1) шасціўзроўневай шкалы «Агульнаеўрапейскіх кампетэнцый валодання замежнай мовай».

Паспяховая здача экзамену сведчыць пра тое, што ты …

  • можаш задаваць простыя пытанні і адказваць на іх, папрасіць чаго-небудзь і адрэагаваць на просьбу;
  • можаш напісаць пра сябе і іншых, ужываючы простыя выразы і сказы;
  • можаш разумець размовы і тэксты, гаворка ў якіх ідзе пра знаёмыя рэчы.

Перадумовы

  • Здаваць экзамен Goethe-Zertifikat A1: Fit in Deutsch 1 рэкамендуецца асобам ва ўзросце ад 10 гадоў.
  • Перадумовай для здачы экзамену Goethe-Zertifikat A1: Fit in Deutsch 1 з’яўляецца наяўнасць ведаў на першым узроўні (A1) «Агульнаеўрапейскіх кампетэнцый валодання замежнай мовай».
  • Каб дасягнуць гэтага ўзроўню, неабходна прайсці навучанне ў аб’ёме ад 80 да 200 акад. гадзін (па 45 хв.), улічваючы пачатковыя веды і перадумовы навучання.

Кошт

20,- € (для слухачоў курсаў Інстытута імя Гётэ ў Мінску)
40,- € (для тых, хто не наведвае курсы Інстытута імя Гётэ ў Мінску)