Goethe-Zertifikat A1: Start Deutsch 1 – гэта экзамен для дарослых. Ён пацвярджае элементарнае валоданне нямецкай мовай на ўзроўні першай ступені (A1) шасціўзроўневай шкалы «Агульнаеўрапейскіх кампетэнцый валодання замежнай мовай».

Паспяховая здача экзамену сведчыць пра тое, што вы …

• можаце паразумецца на элементарным узроўні, калі ваш суразмоўца будзе гаварыць павольна і выразна;
• здольныя разумець і выкарыстоўваць знаёмыя паўсядзённыя і часта ўжываныя выразы і сказы (напрыклад, інфармацыю пра вашую асобу і сям’ю, пакупкі, працу, бліжэйшае атачэнне);
• можаце прадставіцца і прадставіць іншых, задаць іншым асобам пытанні пра іх: напрыклад, дзе яны жывуць, якіх людзей ведаюць альбо якія рэчы маюць.

Перадумовы

• Здаваць экзамен Goethe-Zertifikat A1: Start Deutsch 1 рэкамендуецца пачынаючы з 16 гадоў.
• Для здачы экзамену Goethe-Zertifikat A1: Start Deutsch 1 патрабуецца наяўнасць ведаў на ўзроўні першай ступені (A1) «Агульнаеўрапейскіх кампетэнцый валодання замежнай мовай».
• Каб дасягнуць гэтага ўзроўню, неабходна прайсці навучанне ў аб’ёме ад 80 да 200 акад. гадзін (па 45 хв.), улічваючы пачатковыя веды і перадумовы навучання.

ШТО ЯШЧЭ З’ЯЎЛЯЕЦЦА ВАЖНЫМ?

• Парадак правядзення экзаменаў (PDF, 356 KB)
• Палажэнне аб правядзенні экзаменаў (PDF, 303 KB)
• Дадатак да «Парадку правядзення экзаменаў»: «Удзельнікі экзамену з абмежаванымі магчымасцямі» (PDF, 228 KB)
• Інфармацыя для ўдзельнікаў экзамену з абмежаванымі магчымасцямі (PDF, 57 KB)
• Даведнік «Мэты экзамену. Апісанне тэстаў» (PDF, 3,3 MB)
• Wortliste (PDF, 699 KB)

Кошт

70,- € (для слухачоў курсаў Інстытута імя Гётэ ў Мінску)
90,- € (для тых, хто не наведвае курсы Інстытута імя Гётэ ў Мінску)