Зялёны дыплом

Заняткі нямецкай мовы Фота: © Goethe-Institut/Bernhard Ludewig

Прыём заявак на навучанне па праграме «Зялёны дыплом» 2020/22


Гётэ-Інстытуты ў Беларусі, Грузіі, Казахстане, Расіі, Узбекістане і Украіне прапануюць матываваным выкладчыкам нямецкай мовы праграму навучання з мэтай кваліфікаванага выкладання нямецкай мовы як замежнай у Гётэ-Інстытутах розных краін.
 
Навучанне доўжыцца каля 1,5 года. Пасля паспяховага сканчэння праграмы Вы атрымліваеце сертыфікат «Зялёны дыплом» Гётэ-Інстытута, які прызнаецца ў якасці пасведчання аб сканчэнні навучання з мэтай выкладання нямецкай мовы як замежнай у Гётэ-Інстытутах ва ўсім свеце, за выключэннем Германіі.
 
Падчас навучання Вы азнаёміцеся з сучаснымі дыдактычнымі метадамі выкладання нямецкай мовы ў межах тэарэтычных і практычных навучальных модуляў.
 
Вашы перавагі:
 
  • Індывідуальнае і групавое навучанне на анлайн-платформе;
  • Новы падыход да планавання і ацэнкі ўласных заняткаў;
  • Падтрымка дасведчаных выкладчыкаў, якія будуць суправаджаць Ваша навучанне;
  • Удзел у міжнародных семінарах ва Усходняй Еўропе/Цэнтральнай Азіі альбо Германіі.

Пасля паспяховага сканчэння навучання Вы атрымаеце магчымасць працаўладкавання ў Гётэ-Інстытуце ў якасці выкладчыка на ганарарнай аснове.

Навучанне доўжыцца каля 19 месяцаў, з чэрвеня 2020 г. па студзень 2022 г. У гэты час неабходна, каб Вы пражывалі па месцы ўдзелу ў праграме.
 
Праграма навучання складаецца з чатырох частак:
 
  • самастойнае вывучэнне 4 модуляў анлайн, у межах адукацыйнай праграмы «Вучымся навучаць нямецкай мове» (DLL) пры падтрымцы кваліфікаваных выкладчыкаў (6/2020–11/2021) і самастойнае вывучэнне 2 DLL-модуляў;
  • адначасова з гэтым наведванне заняткаў і самастойнае выкладанне ў інстытуце, дзе адбываецца навучанне
  • удзел у адукацыйных семінарах, якія праходзяць у Гётэ-Інстытутах Усходняй Еўропы і Цэнтральнай Азіі;
  • удзел у семінарах па краіназнаўству ў Германіі (лета/2021).

Для паспяховага завяршэння навучальнай праграмы і атрымання дыплома неабходна:
 
  • правесці два адкрытыя заняткі, якія будуць ацэньвацца экспертамі – на базе Гётэ-Інстытута, дзе адбываецца практыка;
  • актыўна ўдзельнічаць у вочных семінарах з папярэдняй анлайн-фазай;
  • актыўна ўдзельнічаць у чатырох анлайнавых метадычных DLL-семінарах і рэалізаваць практычна-даследчыя праекты, а таксама праекты па краіназнаўстве і міжкультурнаму навучанню;
  • паспяхова здаць выніковы тэст па DLL-модулях 1–6;
  • атрымаць сертыфікат Гётэ-Інстытута, які пацвярждае валоданне нямецкай мовай на ўзроўні С2 (не пазней 24 месяцаў пасля заканчэння навучання);
  • атрымаць сертыфікаты экзаменатара Гётэ-Інстытута на права прымаць экзамены на ўзроўнях A1–B1 (падчас навучання альбо не пазней 18 месяцаў пасля заканчэння навучання).
Гётэ-Інстытуты не спаганяюць аплату за навучанне. Час, інвеставаны Вамі на навучанне, не аплочваецца.
 
Гётэ-Інстытут выдаткоўвае на навучанне кожнага кандыдата напрацягу 1,5 гадоў не менш за 5.000 еўра. Пасля паспяховага сканчэння навучання Вы абавязуецеся працаваць у якасці выкладчыка Гётэ-Інстытута напрацягу як мінімум 2 гадоў. Гэта ўмова замацоўваецца дагаворам, які заключаецца перад пачаткам навучання.
 
У выпадку поўнага альбо частковага невыканання праграмы навучання Гётэ-Інстытут пакідае за сабой права датэрмінова скасаваць дагавор.
 
Ужо ў працэсе навучання, пры ўмове дасягнення паспяховых прамежкавых вынікаў, Вы можаце самастойна весці курсы, знаходзячыся пры гэтым на выпрабоўчым тэрміне. Аднак патрабаванне працоўнай дзейнасці ў якасці выкладчыка не з'яўляецца Вашым законным правам.
 
Не пазней 24 месяцаў пасля заканчэння навучання ўсе выпускнікі абавязаны здаць экзамен Goethe-Zertifikat C2: Großes Deutsches Sprachdiplom.
 
Падаць заяўку могуць кандыдаты, якія адпавядаюць наступным крытэрыям:
 
  • з'яўляюцца грамадзянамі Рэспублікі Беларусь альбо маюць права на пастаяннае жыхарства ў Рэспубліцы Беларусь;
  • валодаюць нямецкай мовай на высокім узроўні (як мінімум на ўзроўні C1 паводле шкалы «Агульнаеўрапейскіх кампетэнцый валодання замежнай мовай», GeR);
  • маюць завершаную вышэйшую адукацыю ў вобласці нямецкай мовы як замежнай і/альбо германістыкі, уключаючы дыдактычны кампанент;
  • маюць досвед выкладання ў сферы нямецкай мовы як замежнай.

Падаць заяўку на ўдзел у навучанні ў 2020–2022 гг. Вы можаце да 31 сакавіка 2020 года. Дасылайце вашы дакументы ў электронным выглядзе на нямецкай мове (матывацыйнае пісьмо, рэзюмэ ў форме табліцы, сертыфікаты і копіі дыпломаў) у Гётэ-Інстытут у Беларусі, спадару Олафу Больбрынкеру, на адрас электроннай пошты

olaf.bollbrinker@goethe.de