Конкурсы і мерапрыемствы

Актывізаваць вучняў – адна з найважнейшых і часам найцяжэйшых задач для кожнага выкладчыка. Інстытут імя Гётэ ў Беларусі прапануе шэраг культурных мерапрыемстваў і конкурсаў, якія дапамогуць вам матываваць вучняў, зрабіць так, каб яны атрымлівалі шмат станоўчых эмоцый ад вывучэння нямецкай мовы.

Школа за экалогію Фота (фрагмент): Sqback © Colourbox

Школа за экалогію

У межах праекта «Школа за экалогію: думаць, даследаваць, дзейнічаць!» Інстытут імя Гётэ абвяшчае конкурс для школьнікаў. Конкурс пакліканы прыцягнуць увагу навучэнцаў да праблемаў навакольнага асяроддзя, з якімі яны сутыкаюцца штодня ў сваім горадзе альбо вёсцы.

Міжнародныя моладзевыя дэбаты

«Міжнародныя моладзевыя дэбаты» маюць на мэце навучыць моладзь з Сярэдняй і Усходняй Еўропы кампетэнтна і пераканаўча выказваць свае погляды і аргументы на нямецкай мове як замежнай. Праект замацоўвае ролю дэбатаў як сродку дэмакратычнай палемікі і спрыяе актыўнаму шматмоўю ў Еўропе.