Міжнародныя моладзевыя дэбаты

Праект «Міжнародныя моладзевыя дэбаты ў Сярэдняй, Усходняй і Паўднёва-Усходняй Еўропе» Фота: © Goethe-Institut/Viktoryia Kharytonava

Партнёры

Goethe-Institut Goethe-Institut Гётэ-Інстытут
Гётэ-Інстытут з’яўляецца ўстановай культуры Федэратыўнай Рэспублікі Германія, аддзяленні якога працуюць у многіх краінах свету. Яго дзейнасць скіравана на папулярызацыю нямецкай мовы за мяжой і пашырэнне міжнароднага супрацоўніцтва ў сферы культуры. У выпадку «Міжнародных моладзевых дэбатаў у Сярэдняй, Усходняй і Паўднёва-Усходняй Еўропе» Гётэ-Інстытут ажыццяўляе каардынацыю праекта, які з’яўляецца праектам Гётэ-Інстытута ў Празе. Гётэ-Інстытуты ў іншых краінах выконваюць задачы па рэалізацыі праекта на нацыянальным узроўні.

Gemeinnützige Hertie-Stiftung Gemeinnützige Hertie-Stiftung Дабрачынны фонд «Херці»
Дабрачынны фонд «Херці» належыць да найбуйнейшых прыватных фондаў Германіі. Яго дзейнасць сканцэнтравана на двух накірунках: вывучэнні мозгу і падтрымцы дэмакратыі. Фонд стварыў праект «Моладзевыя дэбаты ў Германіі», які паслужыў узорам для «Міжнародных моладзевых дэбатаў у Сярэдняй, Усходняй і Паўднёва-Усходняй Еўропе». Фонд прадастаўляе ў распараджэнне міжнароднага праекта канцэпцыі, матэрыялы і досвед.

Zentralstelle für das Auslandsschulwesen Zentralstelle für das Auslandsschulwesen Цэнтральнае ўпраўленне школ за мяжой (ZfA)
Цэнтральнае ўпраўленне школ за мяжой (ZfA) курыруе супрацоўніцтва са школамі за мяжой. Цэнтральнае ўпраўленне школ за мяжой аказвае кадравую і фінансавую падрымку больш чым 1.200 школам – сярод іх больш чым 140 нямецкім замежным школам, якія пераважна з’яўляюцца прыватнымі. На ўзроўні школ і аб’яднанняў школ праект «Міжнародныя моладзевыя дэбаты ў Сярэдняй, Усходняй і Паўднёва-Усходняй Еўропе» курыруюць кансультанты і выкладчыкі Цэнтральнага ўпраўлення школ за мяжой.