Школа за экалогію

Школа за экологию © Fotolia

Узнагароджаны: праект «Школа за экалогію» з’яўляецца прыкладам паспяховага ажыццяўлення ўстойлівага развіцця

28 лістапада 2018 года праект «Школа за экалогію» быў узнагароджаны Федэральным міністэрствам адукацыі і даследаванняў і Нямецкай камісіяй ЮНЭСКА, атрымаўшы статус выбітнай адукацыйнай ініцыятывы ў галіне ўстойлівага развіцця.
 
Праект «Школа за экалогію» быў ініцыяваны Інстытутам імя Гётэ ў Маскве. У рамках праекта школьнікаў навучаюць ашчадна ставіцца да навакольнага асяроддзя падчас заняткаў. У праекце ужо ўзялі ўдзел больш за 1000 школ і 3000 навучэнцаў – найперш у рэгіёне Усходняя Еўропа/Цэнтральная Азія, а  таксама ў некаторых іншых краінах свету.
 
Інстытут імя Гётэ ў Мінску бярэ актыўны ўдзел у праекце на працягу трох гадоў. Аўтары найлепшых конкурсных праектаў з Беларусі некалькі разоў наведвалі моладзевыя канферэнцыі па экалогіі ў Германіі, дзе прадстаўлялі іх шырокім колам грамадскасці.

Школа за экалогію: думаць, даследаваць, дзейнічаць!

Пра конкурс (2018-2019)
 
У межах праекта «Школа за экалогію: думаць, даследваць, дзейнічаць!» Інстытут імя Гётэ ў пяты раз абвяшчае конкурс для школьнікаў рэгіёна Усходняя Еўропа і Цэнтральная Азія. Конкурс пакліканы прыцягнуць увагу вучняў да праблемаў навакольнага асяроддзя, з якімі яны штодня сутыкаюцца ў сваім горадзе альбо пасёлку.
 
Школьнікі даследуюць экалагічную сітуацыю ў сваім горадзе (пасёлку), на сваёй вуліцы, у сваёй школе, напрыклад: якасць вады і паветра, стан глебы, спажыванне энэргіі, свет раслінаў і жывёлаў, адкіды, здароўе/харчаванне.
 
Зыходзячы з вынікаў даследавання, школьнікі прапануюць канкрэтныя ідэі і праводзяць акцыі, якія накіраваны на паляпшэнне экалагічнай сітуацыі і прыцягненне да яе ўвагі шырокіх колаў грамадскасці. Аўтары самых пераканаўчых праектаў будуць запрошаны на IV Міжнародную моладзевую экалагічную канферэнцыю, дзе прадставяць свае праекты на нямецкай мове.
 
Умовы ўдзелу
 
Да ўдзелу ў конкурсе запрашаюцца каманды вучняў 7–11 класаў з Арменіі, Азербайджана, Беларусі, Грузіі, Казахстана, Кіргізстана, Расіі, Узбекістана і Украіны, а таксама іх настаўнікі нямецкай мовы і настаўнікі-прадметнікі (біялогіі, геаграфіі, хіміі, фізікі альбо экалогіі). Разам з настаўнікамі школьнікі даследуюць экалагічную сітуацыю ў сваім горадзе (пасёлку), на сваёй вуліцы, у сваёй школе, напрыклад: якасць вады і паветра, стан глебы, спажыванне энэргіі, свет раслінаў і жывёлаў, адкіды, здароўе/харчаванне.
 
Для ўдзелу ў конкурсе неабходна запоўніць анлайн-фармуляр і заладаваць праект да 1 лістапада 2018 года на сайт:

www.goethe.de/umweltmachtschule.
 
Апісанне праекта павінна быць абавязкова прадстаўлена на нямецкай мове, яно мусіць адпавядаць наступным крытэрам:
 

  • актуальнасць і значнасць экалагічнай праблемы для вучняў і іх горада (пасёлка), школы;
  • рэалізацыя міжпрадметных сувязей на аснове метада прадметна-моўнага інтэграванага навучання і выкарыстанне метадаў навуковага даследавання ў біялогіі, геаграфіі, хіміі, фізіцы і экалогіі;
  • удзел у праекце групы школьнікаў ад 3-х чалавек, 1 настаўніка нямецкай мовы і 1 настаўніка-прадметніка;
  • практычная накіраванасць і выніковасць праведзенага праекта (правядзенне канкрэтных экалагічных мерапрыемстваў);
  • прыцягненне ўвагі шырокіх колаў грамадскасці да вынікаў праекта;
  • зразумеласць, лагічнасць, структураванасць апісання праекта і яго вынікаў;
  • наяўнасць дакументацыі (напрыклад, фатаграфій, відэа, анкеты, артыкулаў у мясцовых СМІ і да т. п.). 
 
Звязаныя з удзелам у конкурсе пытанні накіроўвайце, калі ласка, на наступны адрас электроннай пошты:

umweltmachtschule@goethe.de
 
Конкурснае заданне
 
I этап: да 1 лістапада 2018 года
 
Заладуйце апісанне і дакументацыю Вашага праекта на сайт:

www.goethe.de/umweltmachtschule,

запоўніце анлайн-фармуляр.
 
Да 15 лютага 2019 года
 
Ацэньваць вашы праекты будзе міжнароднае журы. Пра вынікі першага этапу конкурса Вы зможаце даведацца пасля 15 лютага 2019 года на сайце

www.goethe.de/umweltmachtschule.
 
II этап: вясна 2019 года
 
V Міжнародная моладзевая экалагічная канферэнцыя
 
Прызы
 
Аўтары найбольш пераканаўчых праектаў будуць запрошаны на V Міжнародную моладзевую экалагічную канферэнцыю, дзе прадставяць свае праекты.
 
***
 
Праект «Школа за экалогію» атрымаў тытул «Праект у сферы ўстойлівага развіцця-2017» Рады па пытаннях устойлівага развіцця (RNE). Гэты тытул надаецца лепшым праектам, якія робяць свет больш справядлівым, экалагічным, сацыяльна-арыентаваным, а таксама робяць асаблівы ўнёсак ва ўстойлівае развіццё Германіі і ўсяго свету.

Projekt Nachhaltigkeit © Projekt Nachhaltigkeit