在德港人專訪系列

teaser ©Chiu Kit Lam ©Hongkong Goethe Institut

喺香港,好多後生仔女都想去外國讀書或者做嘢,除咗英美澳加之外,德國都係一個好受歡迎嘅選擇,因為外國人喺德國嘅大學讀書,係唔需要畀學費咖!再加上德國擁有歐洲入面最強嘅經濟實力,學生畢業之後都好容易搵到出路。如果凈係想短時間喺德國體驗一下異地生活,都有好多機會:香港同德國嘅大學之間,其實有組織咗超過二百個交流課程;而就算你唔係學生都好,德國都有參加香港嘅工作假期計劃,等你有機會去德國一邊做嘢一邊旅行。 雖然去德國嘅機會唔少,不過都唔係有好多香港人可以鼓起勇氣,去德國讀書,搵工,甚至喺展開新生活,落地生根。

今次香港歌德學院將破天荒同知名香港-德國KOL石賈墨合作,推出專訪系列,希望可以令各位讀者更加了解喺德國嘅生活,認識德國。