TestDaF

TestDaF Foto: Goethe-Institut/Sonja Tobias

Hauxe nahi duzu ...

  • Alemanian ikasi, ikertu edo lan egin.
  • Alemaniako goi-ikastegi guztiek aintzat hartzen duten hizkuntza azterketa egin.
  • alemanaren ezagutzak ikerkuntza erakundeen eta enplegu emaileen aurrean egiaztatu.

TestDaF goi mailako aleman azterketa da. Hizkuntzetarako Europako Erreferentzia Esparru Bateratuaren (MCER) araberako sei mailetako eskalaren barruan B2 eta C1 mailak hartzen ditu.
 
Lau probetan TestDaF 4. maila lortuz gainditzen baduzu azterketa, Alemaniako goi-ikastegietako ia espezialitate eta karrera guztietan onartua izateko hizkuntza ezagutzak dauzkazula egiaztatuko duen ziurtagiria jasoko duzu.
Bestalde, proiektu zientifikoetan eta irakaskuntzan jarduteko nazioartean aintzat hartzen den ziurtagiria da, alemanaren ezagutzari dagokionez.
 
Ez da beharrezkoa ezagutza espezializaturik izatea azterketa egiteko.

Mundu osoan gaude

Azterketak egiteko zentro baimenduetan egin dezakezu TestDaF azterketa. Gaur egun 450 bat zentrok eskaintzen dute TestDaF. Hemen bila ditzakezu Alemanian eta munduan baimendutako zentroak:

Azterketak egiteko zentroak Alemanian
Azterketak egiteko zentroak munduan

Betebeharrak

  • Hizkuntzetarako Europako Erreferentzia Esparru Bateratuaren (MCER) araberako laugarren/bosgarren gaitasun mailetan (B2 eta C1) aztertzen direnen hizkuntza ezagutzak sailkatzen ditu TestDaf-ek. Horrexegatik eskatzen dira gutxienez B2 gaitasun mailari dagozkion ezagutzak.
  • Azterketa egiteko izena eman baino lehen, azterketa egin behar dutenek 45 minutuko gutxienez 700 eta 1000 bitarte eskola saio jasoak behar dituzte. Izena emateko ez da beharrezkoa alemanaren ezagutzaren ziurtagiri bat aurkeztea.
Eman izena orain TestDaf egiteko!

Aleman ezagutza aski duzula uste baduzu, eman izena TestDaf egiteko. Azterketa mota lehendik ezagutzea gomendatzen dizugu. Aukera onena da Goethe-Institut edo baimendutako beste zentro batzuetako ikastaroetara joatea azterketa prestatzera, eta Goethe-Institut berak online eskaintzen duen ikastaroa egitea. Ikastaro horiei esker ohitu egingo zara azterketaren formatuarekin eta edukiarekin.

Urteko sei egunetan egin dezakezu TestDaf azterketa, mundu mailan daude finkatuta sei egun horiek. www.testdaf.de. helbidean eman dezakezu izena. Txinako Herri Errepublikan badira beste data berezi batzuk, eta National Education Examination Authority–ren bidez egiten da izen ematea.

Ezintasunen bat edukita azterketan aurkeztu nahi dutenek aurrez jakinarazi behar diote aukeratutako zentroari, eta eguneratutako mediku-ziurtagiria aurkeztu behar dute. Beharreko neurriak hartuko dira azterketa egiteko.