Uşaq universitetinin formatı Almaniyada artıq geniş yayılıb: demək olar ki hər alman ali təhsil müəssisəsində 8-12 yaşlı uşaqlar üçün professorlar tərəfindən dərslər təşkil olunur.

Lakin siz narahat olmamalısınız, biz sizin uşağınızdan formulları əzbər öyrənməsini və imtahanlar vermələrini tələb etməyəcəyik. Əksinə, bizim zarafatçıl professor Eynşteyn, onun ağıllı köməkçisi Sofi Şlau və nəcib robot JOWO, uşaqlara başa düşülən bir şəkildə və oyunlarla mürəkkəb elmi hadisələri izah edirlər.

Forma baxımından uşaq universitetimiz normal universitetə çox oxşardır. Uşaqlar 15 mühazirədən ibarət üç fakültədə təhsil alacaqlar:



Bu qeyri-adi və məktəb proqramından uzaq olan çalışmaları həll edərək, gənc "tələbə" universitetin karyera zirvəsinə doğru qalxmaq üçün nişanlar toplayır: uşaq əvvəlcədən bakalavr, magistr və doktoranturanı bitirib, universiteti professor statusu ilə başa çatdırır.

Bu hazırlanmış sistem Gamification adlanan müasir didaktikanın ən uğurlu metoduna əsaslanır.

Universitetimizin həqiqətən bütün ictimaiyyət üçün açıq olmasına nail olmaq istəyirik. Bugünkü cəmiyyətdə buna nail olmağın bir yolu var - online qoşulmaq. Bu hətta ölkənin ən uzaq yerlərində yaşayan hər bir uşağın elmə olan marağını oyatmağa imkan verir.

Bundan əlavə, uşaqlar media ilə məşğul olmağı öyrənməlidirlər - media səriştəliliyi hələ də məktəbdə öyrənilmir və buna görə də təəssüf ki, o media istifadəçilərinin əksəriyyətində kifayət qədər mövcud deyil. Online uşaq universiteti məlumatlı və məsuliyyətli bir şəkildə media ilə məşğul olmağa köməklik edir.

Bir uşaq nə qədər tez xarici dillər dünyasına qatılarsa, onun bir çox dilləri asanlıqla öyrənə biləcəyi ehtimalı daha yüksək olar. Müasir didaktika sübut etdi ki, dilin öyrənilməsi öyrəşdiyimiz kimi dərsliklərdən yox, CLIL (Content and Language Integrated Learning) metodunun köməyi ilə daha maraqlı və asan olur.

Bu ideya əslində çox sadədir: uşaq xarici dildə yeni çalışmalar alır. Məsələn: uşaq fizikadan təcrübə aparır, çalışmanı həll edir və nəticələri almanca qeyd edir.

Almaniyanın zəngin elmi ənənəsi var. Burada mətbuat çapı, lampa, telefon, dinamo, avtomobil, dizel motoru və MP3- formatı  icad olunmuşdur; vakuum və rentgen şüası kəşf edilmiş və nisbilik nəzəriyyəsi əsaslandırılmışdır.

Hal-hazırda alman dili dünyanın ikinci ən mühüm elmi dilidir və Almaniya elmi tədqiqatların maliyyələşdirilmə-sində dünya üzrə üçüncü yerdədir və elmin inkişafına öz töhfəsini verir.