Մանկական համալսարանի ձևաչափը Գերմանիայում բավականին տարածված է: Գրեթե բոլոր գերմանական համալսարաններում հատկացվում են դասաժամեր 8-ից 12 տարեկան երեխաների համար: Եվ այդ դասաժամերը վարում են հայտնի պրոֆեսորներ:

Սակայն անհանգստանալու կարիք չկա: Մենք Ձեր երեխային չենք ստիպի բանաձևեր անգիր անել և քննություններ հանձնել: Ընդհակառակը, մեր ինքնատիպ պրոֆեսոր Այնշտայնը, նրա բանիմաց օգնական Սոֆի Շլաուն և սիրալիր ռոբոտ ՅՈՎՈ-ն երեխաներին հասկանալի եղանակով և խաղերի միջոցով կբացատրեն բարդ բնագիտական երևույթները:

Մեր մանկական համալսարանն իր ձևով շատ նման է սովորական համալսարանի: Երեխաները կսովորեն երեք ֆակուլտետում, որոնցից յուրաքանչյուրը պարունակում է 15 դասախոսություն:



Այս ոչ սովորական և դպրոցական ծրագրից բավականին շեղվող առաջադրանքները լուծելով՝ պատանի «ուսանողը» նշանակներ է հավաքում, որոնք նրան կօգնեն առաջ շարժվել համալսարանական կարիերայի աստիճաններով: Երեխան համալսարանն ավարտելիս կստանա պրոֆեսորի աստիճան՝ մինչ այդ հաղթահարելով բակալավրի, մագիստրոսի, գիտությունների դոկտորի  «արգելքները»:

Այս հատուկ մշակված համակարգը հիմնված է ժամանակակից դիդակտիկայի ամենահաջողված մեթոդներից մեկի` այսպես կոչված «խաղաֆիկացիայի» վրա:

Մենք նպատակն այն է, որ մեր համալսարանը իրոք բոլորի համար հասանելի լինի: Մերօրյա հասարակության մեջ դրան հասնելու մեկ ուղի կա՝ համացանցը: Այսպիսով յուրաքանչյուր երեխա, երկրի նույնիսկ ամենահեռավոր անկյունում, հնարավորություն է ստանում արթնացնելու գիտության հանդեպ իր հետաքրքրությունը:
 
Բացի այդ, երեխաները պետք է սովորեն օգտվել ուսուցման տեխնիկական միջոցներից: Նման հմտություններ դպրոցներում դեռ չեն սովորեցնում: Այդ իսկ պատճառով տեխնիկական միջոցներից օգտվողների մեծամասնությունը փորձի պակաս ունի: Մանկական առցանց համալսարանը կօգնի գրագետ և պատասխանատու կերպով օգտվել ուսուցման այդ միջոցներից:

Որքան շուտ սկսի երեխան խորասուզվել օտար լեզուների մեջ, այնքան մեծ է հավանականությունը, որ նա հեշտությամբ մի քանի լեզվի կարող է տիրապետել: Ժամանակակից դիդակտիկան ապացուցել է, որ լեզուների ուսուցումը ավելի հեշտ ու հետաքրքիր է լինում, երբ ուսուցումը կատարվում է ոչ թե դասագրքերով (ինչին մենք սովոր են), այլ այսպես կոչված CLIL մեթոդով (բովանդակության և լեզվի միակցված ուսուցում): Գաղափարը շատ պարզ է. երեխան նոր առաջադրանքներ է ստանում անմիջապես օտար լեզվով: Օրինակ, երբ երեխան ֆիզիկական փորձ է իրականացնում, խնդիրներ է լուծում և արդյունքները գերմաներեն է գրում:
 
Գերմանիան բավականին հարուստ գիտական ավանդույթներ ունի: Այստեղ է հայտնագործվել տպագրական հաստոցը, էլեկտրական լամպը, հեռախոսը, դինամոն, ավտոմեքենան, դիզելային շարժիչը և MP3 ձևաչափը, հայտնաբերվել են վակուումն ու ռենտգենյան ճառագայթները, և հիմնավորվել է հարաբերականության տեսությունը:

Այսօր գերմաներենը համաշխարհային գիտության կարևորությամբ երկրորդ լեզուն է, իսկ Գերմանիան գիտական հետազոտությունների ֆինանսավորման բնագավառում աշխարհում զբաղեցնում է երրորդ տեղը և մեծ ներդրում ունի գիտության զարգացման գործում: