საერთაშორისო დახმარების ფონდი 2021

INTERNATIONALER HILFSFONDS 2021 Foto: Goethe-Institut

საერთაშორისო დახმარების ფონდი 2021 პარტნიორული სტრუქტურების შენარჩუნებისა და გაძლიერებისათვის

2020 წელს, საზღვარგარეთ არსებულ კულტურულ ორგანიზაციებზე კორონას პანდემიის გავლენის საპასუხოდ, გერმანიის საგარეო საქმეთა სამინისტრომ და გოეთეს ინსტიტუტმა საერთაშორისო დახმარების ფონდი დააარსეს. შუამავალი ორგანიზაციების მხარდაჭერით, დახმარების ფონდს საზღვარგარეთ არსებული პარტნიორული სტრუქტურების შენარჩუნებაში წვლილის შეტანისა და, ამავდროულად, ადგილზე არსებული საზოგადოებრივი მრავალფეროვნების და კულტურული ცხოვრების გაძლიერების შესაძლებლობა ჰქონდა.

2021 წლისთვის საერთაშორისო დახმარების ფონდის კონსორციუმის პარტნიორები მხარდაჭერის გაგრძელებაზე შეთანხმდნენ. გერმანიის საგარეო საქმეთა სამინისტრომ სახსრები 6 მილიონ ევრომდე გაზარდა. ამრიგად, ცალკეული დაფინანსების მაქსიამლური თანხა 30 000 ევრომდე გაიზარდა და ხანგრძლივობა 6 თვემდე გაგრძელდა. კოორდინაციის საკითხები კვლავ გოეთეს ინსტიტუტმა იტვირთა. კონსორციუმის წევრები 2021 წელსაც არიან ს.ფიშერის ფონდი და რობერტ ბოშის ფონდი, რომლებმაც თავის წილი 100 000 ევრომდე გაზარდეს. გერმანიის იუნესკოს კომისია, DAAD-ის ბერლინის ხელოვანთა პროგრამა და სიმენსის ფონდი ამ წამოწყებაში საკუთარი პროექტებით მონაწილეობენ.

2020 წლის სექტემბრიდან დეკემბრამდე 141 პროექტი 25 000 ევრომდე თანხით იყო დაფინანსებული. კონკურსში 75 ქვეყნის 440-მდე კულტურისა და განათლების სფეროში მოღვაწე უცხოური ორგანიზაცია მონაწილეობდა. გერმანიის საგარეო საქმეთა სამინისტრომ საწყისი დაფინანსების სახით 2020 წელს სამი მილიონი ევრო გამოყო.

 

განაცხადი 2021

კონკურსში მონაწილეობა შესაძლებელია გოეთეს ინსტიტუტების, გერმანიის საელჩოების ან კონსორციუმის პარტნიორების - რობერტ ბოშის ფონდის ან ს.ფიშერის ფონდის - მეშვეობით. დაფინანსების შესახებ გადაწყვეტილებას იღებს ჟიური, რომელიც 2021 წლის საერთაშორისო დახმარების ფონდის კონსორციუმის წარმომადგენლებისა და მოწვეული რეგიონალური ექსპერტებისგან შედგება.

განაცხადების მიღება იწყება 2021 წლის 8 აპრილს, განაცხადების მიღების ბოლო ვადაა 2021 წლის 7 მაისი.
კონკურსში მონაწილეობის მოთხოვნები დაინტერესებული ორგანიზაციებისათვის:

- კონკურსში მონაწილე ორგანიზციებს წვლილი შეაქვთ სახელოვნებო თავისუფლების და პლურალისტური საზოგადოების განმტკიცების საქმეში

- მინიმუმ ბოლო სამი წლის განმავლობაში წარმატებით ახორციელებენ ორგანიზაციულ საქმიანობას (ეს საქმიანობა ორი სამოქალაქო-საზოგადოებრივი სარეკომენდაციო წერილით - Civil Society Statements - უნდა იყოს დადასტურებული)

- გააჩნიათ გოეთეს ინსტიტუტთან, გერმანიის საელჩოსთან, ს.ფიშერის ფონდთან ან რობერტ ბოშის ფონდთან თანამშრომლობის გამოცდილება, რომელიც მათ მიერ წერილობით - Institutional Statement -  უნდა იყოს დადასტურებული 

- პანდემიის გამო შეეზღუდათ საქმიანობა და არ გააჩნიათ დაფინანსების სხვა წყარო

- აქვთ საერთაშორისო დონორი ორგანიზაციებისაგან თანხების მიღებისა და გერმანული კანონმდებლობის და ანტიკორუფციული სტანდარტების გათვალისწინებით  თანხების განკარგვისა და ანგარიშვალდებული საქმისწარმოების უნარი

- არ მიმდინარეობს სამართლებრივი საქმისწარმოება ორგანიზაციის გაკოტრების თაობაზე

- არ არიან დარეგისტრირებული ევროკავშირის ქვეყანაში, აშშ-სა ან კანადაში.

განმცხადებლები უნდა დარეგისტრირდნენ ამ ბმულზე, რის შემდეგაც ისინი  მათ მიერ მითითებულ ელექტრონული ფოსტის მისამართზე მიიღებენ დადასტურებების წერილს, რომლის გააქტიურების შემდეგაც  International Relief Fund 2021-ის გვერდზე გადავლენ.

2021 წლის საერთაშორისო დახმარების ფონდთან დაკავშირებული ზოგადი კითხვებით მიმართეთ:
hilfsfonds2021@goethe.de
 
ფინანსური მხარდაჭერა განკუთვნილია განმცხადებელი ორგანიზაციების სტრუქტურების განვითარებისთვის,  როგორიცაა, მაგალითად:

- დარგობრივად და დროის თვალსაზრისით შეზღუდული პროექტები, რომელთა მიზანიც განმცხადებელი ორგანიზაციის ინფრასტრუქტურის შენარჩუნებას ან განახლებას ემსახურება (მაგალითად, Covid-19  პანდემიის გამო დაწესებული რეგულაციების თანახმად თეატრის ახლებურად გამართვა, დაკავშირებული ქირის გადახდასთან თეატრის ხელახალი გახსნის დრომდე)

- საწყისი ("სასტარტო") დაფინანსება სამოქალაქო საზოგადოების ორგანიზაციების ინფრასტრუქტურების შესაქმნელად,  ახალი ფორმატების პროექტების განხორციელებისათვის (პროექტის პერიოდში თანამშრომლების ხელფასები,  აღჭურვილობა, თანამშრომელბის კვალიფიკაციის ასამაღლებელი კურსებისა და პროფესიული დახელოვნების კურსების ხარჯები, მაგალითად, ალტერნატიული კულტურული სფეროს ან მედიის ოფისის პერსონალის "ტრენინგი" მარკეტინგის სფეროში, ისევე როგორც ახალი მიზნობრივი ჯგუფების მოზიდვა)

- საქმიანობის ციფრულ მედიაში გადაყვანა (მაგალითად, ანსამბლისთვის ტექნიკური აღჭურვილობის შეძენა ონლაინფორმატში ნებისმიერი  კულტურული ღონისძიების მაღალი ხარისხით ჩატარების უზრუნველყოფის მიზნით)

- საქმიანობა, რომელიც ახალი, ონლიანფორმატების შექმნას ან ციფრულ სფეროში თანამშრომლების დახელოვნებასა და კვალიფიკაციის ამაღლებას ისახავს მიზნად (მაგალითად, სცენის თანამშრომლების კვალიფიკაციის ამაღლების/სწავლების კურსები, რაც დაკავშირებულია პროექტის მიმდინარეობისას ხელფასის რეგულარულ გადახდასთან და/ან ახალი ვებგვერდის მომზადება; ანსამბლისთვის ტექნიკური აღჭურვილობის შეძენა ონლაინ ფორმატში ნებისმიერი  კულტურული ღონისძიების მაღალი ხარისხით ჩატარების უზრუნველყოფის მიზნით)