Schnelleinstieg:

Direkt zum Inhalt springen (Alt 1) Direkt zur Hauptnavigation springen (Alt 2)
Open call for writers and illustratorsEU4Dialogue

EU4Dialogue - განაცხადების მიღება მწერლების და ილუსტრატორების სარეზიდენციო პროგრამისთვის

"მანდარინები და სანელებლები"

ინტერდისციპლინური სარეზიდენციო პროგრამა მწერლებისთვის და ილუსტრატორებისთვის
20-27 ივნისი, 2022 – სომხეთი (დილიჯანი, ერევანი)
განაცხადების მიღება: 9 ივნისამდე


პროექტის EU4Dialogue ფარგლებში გოეთეს ინსტიტუტი აცხადებს მწერლებისთვის და ილუსტრატორებისთვის სამხრეთ კავკასიიდან (მათ შორის კონფლიქტური რეგიონებიდან) სარეზიდენციო პროგრამას ერევანში.

EU4Dialogue არის ევროკავშირის მიერ დაფინანსებული პროექტი, რომელიც ხორციელდება 2021 წლის მაისიდან 2025 წლის აპრილამდე სამხრეთ კავკასიასა და მოლდოვის რესპუბლიკაში. პროექტი ხელს უწყობს საგანმანათლებლო და კულტურულ გაცვლა-გამოცვლას პროფესიონალებს, სტუდენტებს და ხელოვანებს შორის, რომლის ფოკუსიც არის არსებული საზღვრების დაძლევა.
 

"მანდარინები და სანელებლები" სარეზიდენციო პროგრამა მწერლებისა და ილუსტრატორებისთვის

მიზანი

ზღაპრები დიდი პოპულარობით სარგებლობს სამხრეთ კავკასიაში. სარეზიდენციო პროგრამის მიზანია მწერლების მოწვევა ახალი ზღაპრების შესაქმნელად. თანამედროვე ზღაპრებში ასახვას პოულობს მიმდინარე მოვლენებიც და ბავშვები ამ ზღაპრების მეშვეობით გაეცნობიან სხვა ქვეყნების/რეგიონების ამბებს და პერსონაჟებს. 

რეზიდენციის მიზანია, შეიქმნას კრებული, რომელშიც წარმოდგენილი იქნება ზღაპრები სამხრეთ კავკასიიდან (მათ შორის კონფლიქტური რეგიონებიდან). კრებულზე მუშაობა ორ ეტაპს მოიცავს: მონაწილეები ზღაპრების შექმნას დაიწყებენ რეზიდენციის ფარგლებში, მწერლებს, რომელთა ზღაპრებიც შეირჩევა კრებულში გამოსაქვეყნებლად, რეზიდენციის დასრულებიდან 5 თვის განმავლობაში ექნებათ დრო ზღაპრების საბეჭდი ვერსიის მოსამზადებლად.

შერჩეული ზღაპრები დასურათდება ილუსტრატორების მიერ და ითარგმნება უცხო ენებზე (ინგლისური, გერმანული), რათა კრებული ხელმისაწვდომი გახდეს მსოფლიოს მასშტაბით. კრებულის პრეზენტაციები მოეწყობა საერთაშორისო წიგნის ბაზრობებზე და სხვადასხვა ლიტერატურულ სივრცეში. 

ვის შეუძლია განაცხადის შემოტანა? მწერლებს და ილუსტრატორებს სამხრეთ კავკასიიდან (მათ შორის კონფლიქტური რეგიონებიდან).

აპლიკაციისთვის საჭირო დოკუმენტაცია - გთხოვთ, გამოაგზავნოთ თქვენი ბიოგრაფია და შევსებული სააპლიკაციო ფორმა კონცეფციასთან ერთად (ინგლისურ ან რუსულ ენებზე), რაზეც აპირებთ მუშაობას რეზიდენციის განმავლობაში, შემდეგ ელექტრონულ მისამართზე  maia.danelia@goethe.de

აპლიკაციის პროცედურა

კანდიდატები სააპლიკაციო ფორმას და კონცეფციას, რომელზეც აპირებენ მუშაობას რეზიდენციის განმავლობაში, აგზავნიან ზემოთ მითითებულ ელექტრონულ მისამართზე. კონცეფციებს განიხილავს გოეთეს ინსტიტუტის მიერ დაკომპლექტებული ჟიური და აცნობებს კანდიდატებს შედეგებს 2022 წლის 10 ივნისს.

განაცხადების მიღება: 2022 წლის 9 ივნისამდე!

(გოეთეს ინსტიტუტი იღებს ვალდებულებას, დაიცვას მონაწილეების კონფიდენციალობა და არ გაასაჯაროვოს ინფორმაცია მათი თანხმობის გარეშე)

რეზიდენციის ლოკაცია: დილიჯანი, სევანის მწერალთა სახლი, ერევანი

ფინანსური მხარდაჭერა: მგზავრობის, სასტუმროს და კვების ხარჯები უზრუნველყოფილი იქნება პროექტის EU4Dialogue მიერ.

სამუშაო ენა: ძირითადი სამუშაო ენა არის ინგლისური, თუმცა განიხილება აპლიკაციები რუსულ ენაზეც.

საავტორო უფლებები©
რეზიდენციის ფარგლებში შექმნილ ნაწარმოებზე საავტორო უფლებები შეთანხმდება მწერლებთან და ილუსტრატორებთან.

პარტნიორები: გოეთეს-ცენტრი ერევანში, სევანის მწერალთა სახლი