بەغداد
کۆکاری بەغدا- گەنگەشەیەک لە ڕێگای ئۆنلاین- پێشکەشکردن ، خستنەبەرچاو و پێشانگا

کۆکاری بەغدا- گەنگەشەیەک لە ڕێگای ئۆنلاین- پێشکەشکردن ، خستنەبەرچاو و پێشانگا
Tarkib, Yasir Saad

کۆکاری بەغدا بەشێک بوو لە زنجیرەیەک سمیناری پێشکەشکراو لە بارەی هونەری هاوچەرخ بە ڕیگای سکایب/ لە نووسینگەی پەیوەندیەکانی هەولێر لە "بەیت ترکیبی بەغدا"ی سەنتەری داهێنەر بەڕێوەچوو.

لە ئۆکتۆبەری ٢٠١٧ هونەرمەندی شێوەکاری ئەلمانی  کلاوس کیللیش و  هونەرمەندی شێوەکاری ئەمەریکی پەوەت رۆب فیتەرمەن، کە هەردووکیان ئەندامی دامەزرێنەری کۆکاری هونەرمەندانن، بانگهێشت کران، تا لەگەڵ ١٢ هونەرمەندی تازە پێگەییوی عێراقی هاوکاری بکەن.
 
کۆکاری هونەرمەندان، کۆکاری،  لە ساڵی ٢٠٠٦ دامەزرا، بریتییە لە گروپەیەکی نێونەتەوەیی هونەرمەند و شاعیران کە پتر لە ٣٠ لایەن کاری تێدا دەکەن. هەموو  رۆژانی دووشەممەیەک ئەندامیێکی  "کۆکاری" ئەرکێک دەخاتە ئەستۆی ئەوانەی تر، بۆ ئەوەی لە ماوەی مانگێکدا کاردانەوەی خۆیان بەرامبەر ئەرکەکە پێشانبدەن. وەڵامەکان لە مێدیای هەمەجۆردا پێشکەش دەکرین (ڤیدیۆ، دەنگ، دەق، وێنە).
ئەو وەڵامە مانگانەییە لە ماڵپەڕی کۆکاری بڵاودەکرێتەوە.
 
ئامانجیکی هەمووان لەم کۆکاریە ئەوەیە تا دەکرێت پتر هونەرمەندانی  نێونەتەوەیی بۆ لای خۆیان ڕابکێشن.  بەمەش کۆکاری بەغدا و  پێکەوەکاری دوازدە هونەرمەندە تازەپێگەیشتووەکەی بەغدا، دەرفەتێکی باش پێشکەش دەکەن.  لە یەکەمین سمیناری ئۆنلاینی بە ڕێگای سکایب کلاوس کیللیش و رۆب فیتەرمەن پرۆژەی "کۆکاری"یان خستەبەرچاوان و ئەوەیان پێشاندا، کە چۆن دەکرێت چەندین وەڵامی جۆربەجۆر و هەمەلایەن تەنها بۆ تاکە  پرسیارک هەبێت.
 
لە سمیناری ئۆنلاینی دووەمدا ئەرکە جۆربەجۆرەکان بە کۆکاری کۆکرانەوە و پێکەوە بە ڕێگایێکی دێمۆکراسی ئەرکێکیان وەک ئەرکی "کۆکاری بەغدا" هەڵبژێردرا: "مۆسیقا لە هونەرەکەی خۆت دروست بکە!"
 
بە پێی  ئاراستەکانی "کۆکاری" هونەرەمەندەکان مانگێکیان دەرەفەت هەبوو، کە کارە هونەرییەکەی خۆیان تەواو بکەن.  هونەرمەندەکان ئەم شانسەیان زۆر بە هەند وەرگرت و کاری لە ڕادەبەدر نائاساییان لە کایەکانی ڤیدیۆ، وێنەگرتن، دەق، دەنگ و تێکەڵکردنی مێدیایی هێنا ئارا. وەڵامەکان بۆ  ئەرکە کۆکراوەکانی ئەو مانگە،   لە سەر ئەم ماڵپەڕەی خوارەوە دەبینرێت:
 
http://collectivetask.com/baghdad.“ Rob Fitterman und Klaus Killisch

لە پاڵ پێشاندانە ئۆنلاینییەکان لەسەر ماڵپەڕی "کۆکاری" وەڵامەکانی هونەرمەندانی بەغدا لە رۆژانی ٢١/١٢/ تا ٢٩/١٢/٢٠١٨ لەلایەن پەیمانگەی گوێتە بەغداد، لە ژووری داهێنانی بەیت تەرکیب لە بەغداد خرانە بەرچاوان.
 
بەیت تەرکیب خۆی کردە  خانەیەک بۆ ئاوازەکان. ئاوازەکان وەک دامەزراندنی فەزایی و  نوواندن بە شێوەیەکی ڕاستەوخۆ و بە شێوازی جیا جیا دیدبین کران و  هونەرمەندان توانیان لە ئالۆگوڕێکی ڕاستەوخۆدا ڕووبەرڕووی مێوانەکان ببنەوە.
گەنگەشە و دانوستاندنێکی زۆر بەرفراوان و گەرم هاتە ئاراوە.
 پێشانگاکە لە ڕووی چۆنییەتییەوە بە تایبەت لە ڕووی کاریگەرییەکانی نوگەریێکی ڕەها بوو بۆ جەماوەرە بەغدادییەکەی و  پێشوازیێکی گەرم و گەورەی لێ کرا.  لە رۆژی کردنەوەی پێشانگاکەدا نزیکە ١٢٠ هونەرمەند بە ناو خانەکەدا سووڕانەوە. لە رۆژانی دواتریش نزیکە ٣٠ مێوان سەردانیان کرد: گەنج و پیر، زۆریان ناسراو بوون، بەڵام دەموچاوی نوێشیان تێدا زۆر بوو، هەروەها پاشخانی کۆمەڵایەتیی جیاجیایان هەبوو.
 
یومانا ریضا- عالییە ئەلمالکی-  ئان ئیبراهیم-  زەید سەعد- ئەکرەم عەسسام-  ئەمین مقداد-  عەلی ئەیال- موهەننەد تەها- حوسام موحەممەد- ئەحمەد ئەل سەعد- حوسەین مەتەر.