Егер Сіздер/сендер неміс балалары мен жасөспірімдерінің әдебиетімен, мәдениеті мен өнерінен хабардар болғыларың келсе Алматы Гете-Институтына, жас оқырмандар клубына келіңдер.
Келесі кездесу 27.10. 2018 сағат 10:30 өтеді.
Катарина Риттер ағайынды Гриммдердің жинағынан алынған тосын әрі қорқынышты, кейде жағымды да көңілді ертегілерін шебер әңгімелейді.
Риттер ханымның айтуынша ол әлемдегі ең тамаша кәсіп иесі екен, ол - ертегіші кәсібі.
Гёте-Институтының шақыруымен Катарина Риттер әлемнің түпкір-түпкірін, Ванкуверден Борнеоға дейін аралап, неміс ертегілері мен әңгімелерін айтып келеді.
Әр халыққа тән, ежелден келе жатқан осындай ауыз әдебиеті жанрын шебер меңгерген Риттер ханым Алматы Гёте-Институтына да ат басын тіремек.
Тіпті неміс тілін жаңадан үйреніп жүрсеңіз де, ертегілерді тыңдай отырып, оны еш қиындықсыз түсіне аласыз.
