Құрметті неміс киносын сүйер қауым!
Сіздерді 24 ақпан 2023 ж. жұма күні сағ.18.30 Қазақстандағы Гёте-Институт кітапханасына фильм көрсетіліміне шақырамыз. Бұл кеште шытырман оқиғаға толы «Алтын балық» атты көркем фильмі көрсетіледі.
Фильмнің ұзақтығы: 112 мин. Жанры: комедия, шытырман Режиссері: Алиреза Голафшан Фильм неміс тілінде орысша субтитрмен көрсетіледі
Кіру тегін.
Мазмұны: Мүмкіндігі шектеулі жандар жайлы комедия түсіру күтпеген жағдай болуы мүмкін, дегенмен мына фильм өзінше ерекше: банктің инвестиция жөніндегі менеджері Оливер жол апатынан кейін сал болып қалады. Алайда ол Швейцария банкіне тыққан арам ақшасын терапиялық сапарға аттанатын мүгедектер тобының көмегімен алып шығуды көздейді. Әрине, ол топ «Алтын балық» тобы болмақ. «Қалыпты» жағдайдан алыс шымшытырыққа толы сапар солай басталады.
