Брз пристап:
Оди директно на содржината (Alt 1)Оди директно до секундарната навигација (Alt 3)Оди директно до главната навигација (Alt 2)
Blended Learning© goethe-Institut

Blended Learning

Сакате да учите германски, имате високи претензии и сакате да учите дома или надвор од дома? Често го користите компјутерот во секојдневниот живот или на работа? Сакате да учите самостојно и флексибилно во однос на времето и истовремено не сакате да се откажете од предностите на групниот курс? Тогаш нашиот Blended Learning курс е вистинскиот за Вас.

Blended Skopje
Goethe-Institut Skopje

Предности

 

BLENDED LEARNING е идеална понуда доколку сакате брзо да научите германски. Вие не сакате често да доаѓате на курсеви, но исто така не сакате да учите исклучиво на интернет.

Затоа нашите BLENDED LEARNING курсеви го комбинираат „најдоброто од двата света“: интензивните предавања на кои треба да присуствувате и флексибилното онлајн-учење германски меѓусебно се надополнуваат. На овој начин можете да постигнете најголем можен напредок во учењето во најкус можен рок. Ние нудиме комбинирани курсеви (Blended Learning) уште од А1 ниво.


 

Опис на курсот

 

-7,5 недели за еден степен
- 60 наставни единици, комбинација од онлајн состаноци, каде што можете да разменувате идеи со партнерите на курсот, како и со Вашиот тутор и наставни единици на платформата за учење.
- во текот на целиот курс ќе имате лично менторство од тутор по германски јазик.

НАСТАВА со присуство

- Во текот на курсот доаѓате во Гете-институт само еднаш неделно (вторник или четврток) или на секои две недели во недела.
- Ќе дискутирате за содржините на курсот и граматиката и ќе зборувате многу на германски со останатите учеснички и учесници на курсот.
- Ќе учите во група од 8 до 18 учесници и заедно ќе се подготвувате за следната онлајн-фаза.

ОНЛАЈН – НАСТАВНИ ЕДИНИЦИ

  • Помеѓу средбите со групата ќе ги изучувате онлајн-наставните единици на интерактивната платформа на Гете-институтот. Времето и местото на учење ги одредувате Вие, индивидуално и флексибилно.
  • Со помош на професионални, мултимедијални материјали за вежбање и најсовремени методи на учење, ќе вежбате читање, пишување и слушање на германскиот јазик. Вежбите можете да ги повторувате толку често колку што сакате.
  • Ќе учите преку индивидуални и групни задачи. Можете да разменувате мислења со другите учесници на курсот лично или интерактивно преку чет и форуми.
  • Од вашиот наставник или наставничка по германски јазик ќе добивате нови задачи и редовен фидбек за вашиот напредок во учењето. Ќе се подготвувате индивидуално за следната средба со групата. 

@ Goethe-Institut

Предуслови

 

- Сакате да работите на компјутер и имате пристап до интернет. 
- Имате време најмалку два часа неделно за онлајн-учење.
- Сакате да учите самостојно и одговорно ги обработувате задачите.
- Имате добро познавање на англискиот јазик. (Јазикот за поддршка на платформата за учење е англиски.)

Често поставувани прашања

Мора да обработите најмалку 70% од целокупните онлајн-задачи и да присуствувате на најмалку 70% од групната настава. Само така можете на крајот од курсот да добиете потврда за учество.
Нема учебник. Наставните содржини се наоѓаат во онлајн-училницата. На наставата со присуство ќе добивате дополнителни работни листови и материјали.
Најголемиот дел од онлајн-задачите можете да ги работите со Вашиот таблет или паметен телефон, додека пак за некои онлајн-активности сепак е потребен компјутер или лаптоп. Значи, учеството на курсот само со таблет/паметен телефон е можно, но ние препорачуваме компјутер/лаптоп. На средбите со присуство не Ви треба Вашиот уред.
Пишете мејл на Вашиот наставник/ наставничка. Тој/таа ќе одговори на Вашиот мејл во рок од 48 часа.
За Вашите проблеми и прашања можете да пишете во форумот на учесници. Вашиот наставник/настваничка ќе одговори во рок од 48 часа.
На следната средба со присуство ќе имате евентуални тешкотии, бидејќи онлајн-наставните единици Ве подготвуваат за наредната средба на која треба да присуствувате. Најдобро е до претстојниот термин на наставата со присуство да обработите што е можно повеќе вежби.  
Сите вештини што се проверуваат на испитот, се увежбуваат во текот на курсот. Сепак, се препорачува поблиску да се запознаете со форматот на испитот врз основа на материјалите за вежбање што се достапни на веб-страницата.
Не, за јазичните испити на Гете-институтот мора да се пријавите и да ги полагате на некој од институтите.
Не, запишувањето и плаќањето во моментов е можно само во Гете-институтот.
Да, тоа е можно. Но сепак, препорачливо е да полагате тест за одредување на нивото, со цел да се најде најдобриот курс за Вас, бидејќи содржините на двата формати на курсот се разликуваат.
горе