အလျင်အမြန်၀င်ရောက်ရန် :

အကြောင်းအရာဆီသို့ တိုက်ရိုက်သွားပါ။ (Alt 1)ဒုတိယအဆင့် လမ်းညွှန်မှုဆီ တိုက်ရိုက်သွားပါ။ (Alt 3)ပထမအဆင့် လမ်းညွှန်မှုဆီ တိုက်ရိုက်သွားပါ။ (Alt 2)

အွန်လိုင်းအစီအစဉ်များ

ကိုရိုနာကပ်ရောဂါက အနည်းဆုံးအပေါ်ယံအားဖြင့် ယဉ်ကျေးမှုလုပ်ငန်းများကို ယိမ်းယိုင်စေခဲ့သည်။ သို့သော် အင်တာနက်ပေါ်တွင် ကြီးစွာသောတိုးတက်မှုများရှိခဲ့သည်။ ဤနေရာတွင် ဂျာမနီနှင့်နိုင်ငံတကာမှ ယဉ်ကျေးမှုအဖွဲ့အစည်းများ၏အွန်လိုင်းအစီအစဉ်များကို Goethe-Institut မြန်မာမှ စုစည်းပေးထားပါသည်။ တီထွင်ဖန်တီးသော ဆန်းသစ်ကောင်းမွန်သော ယဉ်ကျေးမှုအနုပညာရှင်များ ကမ္ဘာတစ်ဝှန်းသို့ရောက်ရှိလာပါပြီ။

Kultur digital erleben© Goethe-Institut Myanmar/pixabay

ဒစ်ဂျစ်တယ် - အနုပညာ

ပြတိုက်
Museumsinsel

ဘာလင်မြို့၏သမိုင်းဝင်မြို့လယ်ရပ် Spree Island ပေါ်တွင် ပြတိုက် ၅ ခု စုပေါင်း၍ အနီးပတ်ဝန်းကျင်တွင်တည်ရှိသည်။ ၎င်းတို့သည် မြို့တော်၏ အရေးအပါဆုံး လည်ပတ်စရာနေရာများတွင် အပါအဝင်ဖြစ်သည်။ ဤနေရာတွင် လည်ပတ်ကြည့်ရှု့ရန် နှိပ်ပါ။

ပြတိုက််
Städel Museum

Städel Museum က ပြတိုက်သို့အလည်တစ်ခေါက်လည်ပတ်ရန် လွတ်လပ်စွာအသုံးပြုနိုင်ဖို့ ဒစ်ဂျစ်တယ်လက်ရာအများအပြားကို စုစည်းပေးထားပါသည်။ သင်၏အိမ်တွင် ကွန်ပြူတာ (သို့) တက်ဘလတ် (သို့) စမတ်ဖုန်းမှ ကြည့်နိုင်ပါသည်။ နှစ်ပေါင်း (၇၀၀) ၏အနုပညာကို တွေ့ကြုံခံစားရန် ကျွန်ုပ်တို့၏ပြည့်စုံကျယ်ပြန့်သောဒစ်ဂျစ်တယ်ကနဦးစုစည်းမှုများဖြင့် ကောင်းကျိုးရယူပါ။ မည်သည့်နေရာမှမဆို အခမဲ့ဖြစ်ပါသည်။

ယဉ်ကျေးမှုအဖွဲ့အစည်း
ZKM | Karlsruhe အနုပညာနှင့်မီဒီယာစင်တာ

ဒစ်ဂျစ်တယ်ကမ္ဘာသည် ZKM အတွက် ဇာတိမြေပင်ဖြစ်သည်။ ၎င်း၏တည်နေရာနှင့်ထက်သန်မှုအားဖြင့် အနုပညာနှင့်မီဒီယာစင်တာသည် ၎င်း၏ပြပွဲများနှင့်ပွဲအခမ်းအနားများကို ဒစ်ဂျစ်တယ်ဝန်းကျင်သို့ တိုးချဲ့တပ်ဆင်ခဲ့သည်။ အပတ်စဉ်အင်တာနက်သုံးစွဲသူ ZKM ၏ ဖေ့စ်ဘွတ်နှင့်တွစ်တာ ဖော်လိုဝါများက အနုပညာ၊ ယဉ်ကျေးမှုနှင့် လူမှုအသိုင်းအဝိုင်းအကြောင်း ပြည့်စုံကျယ်ပြန့်သော အစီအစဉ်တစ်ခုကို မျှော်လင့်နိုင်သည်။ 

Fine Art
Kunstsammlung NRW

Kunstsammlung Nordrhein-Westfalen ၏ ဝက်ဘ်ဆိုက်က ပီကာဆို ခင်းကျင်းပြသမှုပြခန်း၊ ပေါ့တ်ကတ်စ်များ၊ ဗီဒီယိုများ၊ အွန်လိုင်းစုစည်းမှုများနှင့် အခြားသောအရာများ၏ K+ ဒစ်ဂျစ်တယ်လမ်းညွှန်အသစ်ဖြင့် များပြားကျယ်ပြန့်သော ဒစ်ဂျစ်တယ်အနုပညာ တွေ့ကြုံခံစားမှုတစ်ခုကိုပေးနိုင်ပါသည်။ 


ဒစ်ဂျစ်တယ် - ဂီတ

ဂန္ထဝင်ဂီတ
Berliner Philharmoniker - ဒစ်ဂျစ်တယ်ဂီတပွဲခန်းမ

ကပ်ရောဂါကာလအတွင်း Philharmonie Berlin ကိုပိတ်ထားပါသည်။ သို့သော်  Philharmonie Berlin မှအနုပညာရှင်များက ဒစ်ဂျစ်တယ်ဂီတပွဲခန်းမတွင် သင့်အတွက် ဖျော်ဖြေနေဆဲဖြစ်သည်။ ၎င်းတို့၏ အမြင်နှင့်ခံစားမှုပုံရိပ်ရောင် ပွဲခန်းမမှ သံစုံတီးဝိုင်းက သင့်ကိုဖိတ်ခေါ်နေပါသည်။

အမျိုးမျိုးသောဂီတပွဲများ
Elbphilharmonie Hamburg

Elbphilharmonie Hamburg ၏ YouTube channel တွင် ဂန္ထဝင်၊ ဂျက်ဇ်၊ ပေါ့ပ် နှင့် ကမ္ဘာ့ဂီတပွဲများကို အပြည့်အဝ ခံစားနိုင်ပါသည်။

ဂျက်ဇ်
Montreux Jazz Festival

Montreux Jazz Festival က သင့်အိမ်အတွင်းသို့ မှော်ဆန်မှုအနည်းငယ် ဆောင်ယူလာပေးလိုပါသည်။ Ray Charles ၊ Wu-Tang Clan ၊ Johnny Cash ၊ Nina Simone ၊ Marvin Gaye ၊ Deep Purple ၊ Carlos Santana နှင့် အခြားသော အနုပညာရှင်အများအပြား၏တင်ဆက်မှုများအပါအဝင် ဂီတပွဲတော် ၅၀ ကျော်၏ အခမဲ့ထုတ်လွှင့်မှုများပါဝင်ပါသည်။ 


ဒစ်ဂျစ်တယ် - တင်ဆက်ပြသမှုအနုပညာ

အက
Berliner Festspiele on Demand

"Berliner Festspiele on Demand" ဝက်ဘ်ဆိုက်က စင်တင်အနုပညာနှင့်အခြားသောအရာများကို မှတ်တမ်းတင်ထားသောရုပ်ရှင်များကိုပြသပါသည်။ ဗွီဒီယိုပါအကြောင်းအရာများသည် ၎င်းတို့၏ဇာတ်ထုတ်များသာမက ပုံရိပ်များ၏လမ်းညွှန်မှုအကူအညီဖြင့် စင်ပေါ်မှသည် ဖန်သားပြင်ပေါ်အထိ မည်သို့တည်းဖြတ်ကြောင်းကိုလည်းမြင်နိုင်ပါသည်။

Pina Bausch
Palermo Palermo

Pina Bausch ၏ "Palermo Palermo" ဇာတ်ထုတ်ကို ၁၉၈၉ တွင် ပထမဆုံးတင်ဆက်ခဲ့သည်။ များမကြာမီပင် ရုပ်ရှင်လည်းရိုက်ခဲ့သည်။ ဒစ်ဂျစ်တယ်နည်းအရ ပြည်လည်သိမ်းဆည်းထားသော ရုပ်ရှင်ဗားရှင်းကို ယခုအခါ Pina Bausch Foundation ၏ ဝက်ဘ်ဆိုက်တွင် ကြည့်ရှု့နိုင်သည်။

Performance
Performing Arts Festival Berlin

ဆဌမအကြိမ်မြောက် Performing Arts Festival Berlin ပွဲအခမ်းအနား၏ အကြောင်းအရာနှင့်မှတ်တမ်းများကို ကြည်၊ရှု့နိုင်ပြီဖြစ်၍ လာရောက်ကြည့်ရှု့ရန်ဖိတ်ခေါ်ပါသည်။ ပွဲတော်ကို ၂၀၂၁ မေလ ၂၅ မှ ၃၀ ရက်နေ့အထိ ကျင်းပခဲ့ခြင်းဖြစ်သည်။


ဒစ်ဂျစ်တယ် - ပြဇာတ်

ပြဇာတ်
HAU - Hebbel am Ufer

နောက်ထပ်မကြေငြာသေးခင်အချိန်ထိ HAU Hebbel am Ufer က ၎င်း၏အစီအစဉ်များကို အင်တာနက်ပေါ်သို့ရွှေ့ပြောင်းထားပြီး #HAUonline ဖြင့်ရှာဖွေနိုင်ပါသည်။ ထို့ကြောင့် Spy On Me #2 မှအချို့သောအပိုင်းများကို အွန်လိုင်းတွင်ကြည့်နိုင်ပါပြီ။ ဒစ်ဂျစ်တယ်ဖြင့်တိုက်ရိုက်တင်ဆက်သောပွဲများ၊ ပေါ့ကတ်စ်နှင့် တင်ဆက်ပြသမှုများလည်းပါဝင်ပါသည်။ ၎င်းတို့၏ youtube channel တွင်ကြည့်ပါ။


ဒစ်ဂျစ်တယ် - စာပေ

ကဗျာ
Haus für Poesie

ပရောဖက်ရှင်နယ်အွန်လိုင်းထုတ်လွှင့်မှုအစီအစဉ်ဖြင့် Haus für Poesie (ကဗျာအိမ်) က ၎င်းတို့၏ ကိုယ်ပိုင်အွန်လိုင်းအစီအစဉ်များကို ဆက်လက်ထုတ်လွှင့်နေပါသည်။

စာပေ
zehnSeiten

ဤဝက်ဘ်ဆိုက်တွင် ဂျာမန်စာရေးဆရာများက သူတို့၏ဝတ္ထုများမှ ဆယ်မျက်နှာကို ကိုယ်တိုင်ဖတ်ပြထားသည်ကို ဗွီဒီယိုဖြင့်တွေ့နိုင်ပါသည်။

ပေါ့ကတ်စ်
Deutschlandfunk Kultur

Deutschlandfunk Kultur ၏ "Lakonisch Elegant" ယဉ်ကျေးမှုပေါ့ကတ်စ်များသည် ပေါ့ပ်ယဉ်ကျေးမှု၊ ရုပ်ရှင်နှင့် feuilleton ဆွေးနွေးငြင်းခုံမှုများ၊ စာပေ (သို့) မြင့်မားသောယဉ်ကျေးမှု အကြောင်းများဖြစ်သည်။ Deutschlandfunk Kultur တွင်အခြားသောပေါ့ကတ်စ်များလည်းရှိပါသည်။ 


Goethe-Institut ၏အွန်လိုင်းအစီအစဉ်များ

Illustration einer Frau und zwei Männer in bunter Kleidung und mit ausgefallenen Frisuren Illustration: Tobias Schrank © Goethe-Institut

Goethe-Institut၏ ဂလိုဘယ်ယဥ်ကျေးမှုအစီအစဥ်များ
Kulturama.digital

Kulturama  က နိုင်ငံတကာ ယဉ်ကျေးမှုများကို သင့်အိမ်၏ ဧည့်ခန်းသို့ သယ်ဆောင်လာခဲ့ပါပြီ။ Buenos Aires မြို့က အိမ်တွင်းဂီတဖျော်ဖြေပွဲကို တိုက်ရိုက်ကြည့်ရှုမလား၊ မီးဖိုချောင်ထဲက ရုပ်သေးပြဇာတ်လား၊ ဘာလင်မြို့ရဲ့ ကလပ်တွေထဲက တိုက်ရိုက်လှုပ်ရှားမှုတွေလား။ ဤအချိန်ကို စည်းစည်းလုံးလုံးအတူတကွ ဖြတ်သန်းကြပါစို့။

ဇာတ်လမ်းပုံပြင်များ
နားဆင်ရန်အချိန်ကျရောက်လာပါပြီ။

နားဆင်ရန်အချိန်ကျရောက်လာပါပြီ။ “Time to listen” စီမံချက်က ကမ္ဘာတစ်ဝှမ်းမှ အနုပညာအမျိုးအစား အစုံအလင်တို့၏ ဇာတ်ကြောင်းပြောသူများက ပြောပြသော ဇာတ်လမ်းများစုစည်းမှုတစ်ခုကို တင်ဆက်ထားပါသည်။

ကိုရိုနာကပ်ရောဂါအလွန် အချိန်ကို ထင်ဟပ်ကြည့်ခြင်း
ပြန်လည်တွေးကြည့်ကြပါစို့

ကမ္ဘာတစ်ခုလုံး မည်သို့ချိတ်ဆက်ကြသည်အလားတူစွာ ကျွန်ုပ်တို့၏ အများပြည်သူ၏ဘဝများသည် မည်မျှထိခိုက်လွယ်သည်ကို ဗိုင်းရပ်စ်ပိုးက မျက်မြင်ထင်ရှားသိစေပါသည်။
ဤကပ်ရောဂါသည် ကျွန်ုပ်တို့ တစ်ဦးချင်းစီအတွက် လူ့အဖွဲ့အစည်းအတွက် မည်သို့သော အဓိပ္ပါယ်ရှိပါသနည်း။ ဤမေးခွန်းအတွက် ကမ္ဘာတစ်ဝှန်းမှ ပညာရှင်များနှင့် အနုပညာရှင်များက ယခုလက်ရှိအချိန်နှင့် ကပ်ရောဂါပြီးနောက် အချိန်များအပေါ်အမြင်များကို ဖြေဆိုထားကြပါသည်။

#MEETONLINE
#ERSATZPROGRAMM

ဤနေရာတွင် Goethe-Institut ၏ အခမဲ့ဒစ်ဂျစ်တယ် ပညာရေးအစီအစဉ်များကို ရှာဖွေတွေ့ရှိနိုင်ပါသည်။ ဤအစီအစဉ်များက သင့်ကို အိမ်တွင် ဂျာမန်ဘာသာစကား သင်ကြားရန်နှင့် ဆက်လက်လေ့လာရန် အခွင့်အလမ်းဖြစ်ပါသည်။

ဂီတ
Spotify ပေါ်မှ Goethe-Institut

အီလက်ထရောနစ် ဂီတ၊ ဂျာမန်ပေါ့ပ်ဂီတ (သို့မဟုတ်) ပေါ့ကတ်စ်လား။ ဂန္ထဝင်ဂီတမှသည်  kraut ရော့ခ်အထိ၊ အမျိုးသမီးရေးရာမှသည် ဘောလုံးအားကစားအထိ ကျယ်ပြန့်သော နားဆင်ရန်စာရင်း စုစည်းမှုကို ကျွန်ုပ်တို့၏ Spotify ချန်နယ်တွင် ရနိုင်ပါသည်။ အသက်အရွယ်အမျိုးမျိုးဂီတချစ်သူများက ခံစားမှုအမျိုးမျိုးအတွက် နှစ်သက်ရာသင့်တော်သောဂီတကို ရှာဖွေနိုင်ပြီး ဂျာမန်ဂီတလောကအကြောင်း စိတ်ဝင်စားဖွယ်သတင်းအချက်အလက်များလည်း ရနိုင်ပါသည်။