Goethe-Institut Myanmar

Goethe-Institut Myanmar မှ ဦးဆောင်ပြီး Netherland Embassy မှ ရန်ပုံငွေပါဝင်ထားသော Academy of Care အစီအစဉ် ပထမအဆင့် - စွမ်းဆောင်ရည်မြှင့်တင်ရေးအစီအစဉ်၏ ကနဦးအစီအစဉ်အဖြစ် သင်တန်းသား ဆရာဖြစ်သင်တန်းတစ်ရပ်ကို နှစ်လတာသင်တန်းကို အောင်မြင်စွာပြီးဆုံးခဲ့ပါပြီ။ ဒုတိယအကြိမ် ဆရာဖြစ်သင်တန်းအတွက် သင်တန်းသားများ ခေါ်ယူနေပြီး ဇန်နဝါရီလ ၁၉ ရက်၊ ၂၀၂၄ တွင်  Academy of Care အစီအစဉ်၏ ပထမအကြိမ် Orientaion Session ကို zoom မှတဆင့်ပြုလုပ်ပြီး စုစုပေါင်း ၁၁ ယောက်တက်ရောက်ခဲ့ပါသည်။ Academy of Care ဒုတိယအကြိမ် ဆရာဖြစ်သင်တန်းအတွက် မြန်မာနိုင်ငံအနှံမှ သင်တန်းသားလျှောက်လွာများကို ဖေဖော်ဝါရီလ ၁၁ ရက်၊ ၂၀၂၄ တွင် နောက်ဆုံးလက်ခံသွားမည် ဖြစ်ပါသည်။ ပထမအကြိမ် ဆရာဖြစ်သင်တန်းမှ ရရှိလာသော အကြံပြုချက်များကို ပြန်လည်သုံးသပ်ပြီး ဒုတိယအကြိမ်တွင် ပိုမိုကောင်းမွန်သော သင်ရိုးညွှန်းတမ်းများကို ရေးဆွဲလုပ်ဆောင်သွားမည်ဖြစ်ပါသည်။ 
 

လက်မှုအတတ်ပညာဖန်တီးမှုများနှင့် ခေတ်ပြိုင်အနုပညာတို့ကို ပူးပေါင်းတင်ဆက်ပြသမှုများအတွက် Goethe-Institut Myanmar မှလေ့ကျင့်သင်ကြားပေးမည့်အလုပ်ရုံဆွေးနွေးပွဲများနှင့် အနုပညာဖန်တီးမှုပြပွဲ ပြုလုပ်သွားမည့် “Materials of Life” အစီအစဉ်တွင်ပါဝင်လိုသော အနုပညာရှင်များအားဖိတ်ခေါ်လိုပါတယ်။ အလုပ်ရုံဆွေးနွေးပွဲများတွင် ပါဝင်သူများအနေဖြင့် သဘာဝဆေးအရောင်များ၊ ဒီဇိုင်းပုံစံများ၊ သဘာဝကိုအလေးထား ဖန်တီးထားသည့် ကြိမ်/ဝါးမျှင်များ၊ စာရွက်များ၊ အထည်အလိပ်များကို မည်သို့ပြုလုပ်အသုံးပြုရမည်ကို လေ့လာကြမည်ဖြစ်သည်။ ပါဝင်လိုသောအနုပညာရှင်များအနေဖြင့် မြန်မာနိုင်ငံတွင် အစဉ်အလာဖြင့်တည်ရှိခဲ့သော လက်မှုလက်ရာများဖြစ်သည့် ကုန်ကြမ်းပစ္စည်းများနှင့် နည်းစနစ်များကိုအသုံးပြုခြင်းဖြင့် ခေတ်ပြိုင်၊ မူရင်းအနုပညာလက်ရာများထုတ်လုပ်ရာတွင် စိတ်ဝင်စားပါဝင်လိုသူများကို ဖိတ်ခေါ်လိုပါသည်။ မြန်မာနိုင်ငံတွင်နေထိုင်သည့် အနုပညာရှင်များလျှောက်ထားနိုင်ပါသည်။ အသက်ကန့်သတ်ချက် မရှိပါ။ လူငယ်အနုပညာရှင်များနှင့် ရန်ကုန်ပြင်ပမှအနုပညာရှင်များအား လျှောက်ထားကြဖို့ အထူးတိုက်တွန်းပါသည်။ အခမဲ့ပို့ချသွားမည့်သင်တန်းဖြစ်ပြီး အလုပ်ရုံဆွေး‌နွေးပွဲအားလုံးကို အပြည့်တက်ရောက်နိုင်ရန်လိုအပ်ပါသည်။ သင်ထောက်ကူများကိုလည်း သင်တန်းမှ အခမဲ့ ပံ့ပိုးသွားမည်ဖြစ်ပါသည်။

Goethe-Institut Myanmar နဲ့ Yangon Film school တို့ ပူးပေါင်းတင်ဆက်မယ့် Documentary Film Screening ကို လာရောက်ကြဖို့ ဖိတ်ခေါ်ပါတယ်။ ယခုနှစ်အတွင်း ပုံမှန်ပြုလုပ်ဖြစ်သွားမယ့် ဒီ Film Screening ပွဲအစီအစဉ်မှာ၊ ဖေဖော်ဝါရီလတွင် အစီအစဉ်ရဲ့ကနဦးပြပွဲ အနေနှင့် ပြီးခဲ့တဲ့ဒီဇင်ဘာလကပြုလုပ်ခဲ့တဲ့ 2023 YFS - Goethe-Institut Documentary Film Competition မှာပါဝင်ယှဉ်ပြိုင်ခဲ့တဲ့ အမှတ်ရစရာမှတ်တမ်းရုပ်ရှင် ၄ ကားဖြင့် စတင်ပြီးပြသသွားမှာဖြစ်ပါတယ်။ ရုပ်ရှင်တစ်ခုစီပြီးနောက်၊ ဒါရိုက်တာများနှင့်အမေးအဖြေကဏ္ဍပါဝင်မှာဖြစ်ပြီး၊ ဖန်တီးမှုလုပ်ငန်းစဉ်နှင့် မှတ်တမ်းရုပ်ရှင်များ၏နောက်ကွယ်အမှတ်တရများကို သိရှိနိုင်မှာဖြစ်ပါတယ်။ ရွေးချယ်ပြသသွားမယ့်မှတ်တမ်းရုပ်ရှင်များမှတဆင့် လက်တွေ့ဘဝဇာတ်ကြောင်းများကိုလေ့လာရင်း ရုပ်ရှင်အတွေ့အကြုံကောင်းဖန်တီးပေးမယ့် ညနေခင်းတစ်ခုကို လာရောက်ကြဖို့ဖိတ်ခေါ်ပါတယ်။ 

ရက်စွဲ။    ။၂၂ ဖေဖော်ဝါရီ ၂၀၂၄ (ကြာသပတေး)
အချိန်။    ။ညနေ ၃ နာရီမှ ၆ နာရီ
နေရာ။    ။Goethe-Institut မြန်မာ ပွဲခန်းမ
 

လာမယ့် ဖေဖော်၀ါရီ ၂၃ ရက်နေ့ မှာလည်း ပျော်ရွှင်စရာ‌ကောင်းတဲ့ Goethe-Institut Myanmar ရဲ့ Sundowner Musical Gathering အစီအစဉ်ရှိနေကြောင်းကို သတင်းကောင်းပေးလိုပါတယ်။ ဂီတကိုချစ်မြတ်နိုးတဲ့ သူတွေအားလုံး ၀င်ကြေးအခမဲ့ လာရောက်နားဆင် နိုင်တာမို့လို့ ဘယ်ဂီတအနုပညာရှင်တွေက လာရောက်ဖျော်ဖြေမလဲဆိုတာကို ရင်ခုန်စွာစောင့်စားကြရင်း သတင်းသစ်တွေကိုလည်း Goethe-Institut Myanmar ရဲ့ Social Media နဲ့ Newletters တွေမှာ ဖတ်ရှုနိုင်ပါတယ်။

မြန်မာ့ဓာတ်ပုံမော်ကွန်းမှ Goethe-Institut Myanmar ပြပွဲခန်းမတွင် ဇန်နဝါရီလ ၁၅ ရက်မှ ၃၀ ရက်ထိပြုလုပ်ခဲ့သော Rethink - ပြန်တွေးမြင်ကြည့်အနုပညာပြပွဲ အောင်မြင်စွာပြီးဆုံးခဲ့ပြီဖြစ်ပါသည်။ ဤပြပွဲတွင် မြန်မာ့ဓာတ်ပုံမော်ကွန်း ၏ OPEN CALL အစီအစဥ်မှထွက်ပေါ်လာသည့်အနုပညာလက်ရာများကို အများပြည်သူသို့တင်ဆက်ချပြသည့် ပထမဆုံး မြန်မာ့ဓာတ်ပုံမော်ကွန်း၏ပြပွဲလည်းဖြစ်ပါသည်။ မြန်မာ့ဓာတ်ပုံမော်ကွန်း၏ Rethink-ပြန်တွေးမြင်ကြည့် ပြပွဲသို့ နေ့စဥ်လာရောက်သူ ၄၀ ဝန်းကျင်ခန့်ရှိသလို၊ ထူးထူးခြားခြားပြောစကား အစီအစဥ်တွင် တက်ရောက်သူ ၁၀၀ ကျော်နှင့်  ပြပွဲ​၏ဖွင့်ပွဲအခမ်းအနားသို့ တက်ရောက်ခဲ့သူပေါင်း ၃၀၀ နီးပါးရှိခဲ့ပါသည်။ ပြပွဲသို့ လာရောက်အားပေးခဲ့ကြသူများအားလုံးကို အထူးပင်ကျေးဇူးတင်ပါသည်။
 

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့်ခြောက်ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည်  နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက ဖေဖော်ဝါရီလအတွက် ဂျာမန်ဘာသာစကားသင်တန်းများဖွင့်လှစ်လျှက်ရှိပါသည်။ စာရင်းပေးသွင်းရမည့်ကာလမှာ ၃၀၊၁၊၂၀၂၄ မှ ၉၊၂၊၂၀၂၄ အထိဖြစ်ပြီး စုံစမ်းမေးမြန်းလိုသည်များရှိပါက info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။ Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက ဖေဖော်ဝါရီလအတွက် Goethe-Zertifikat စာမေးပွဲများကိုကျင်းပမည်ဖြစ်ပါသည်။ စာရင်းသွင်းကာလမှာ ၂၊၂၊၂၀၂၄ မှ ၁၆၊၂၊၂၀၂၄ ဖြစ်သည့်အတွက် ယခုပဲအချိန်စာရင်းကိုကြည့်ပြီး info.language.mmr@goethe.de ကိုအီးမေးလ်ပို့ပြီး စာရင်းပေးသွင်းနိုင်ပါပြီ။

ဒီလရဲ့ ကလေးများနဲ့ လူငယ်များအတွက် အစီအစဉ်မှာတော့ ထူးထူးခြားခြားအနေနဲ့ သားသားမီးမီးတို့ကို activity သစ်တစ်ခုနဲ့ မိတ်ဆက်ပေးမှာပဲ ဖြစ်ပါတယ်။ ဘယ်လို activity မျိုး ဖြစ်မယ်ထင်လဲ?

Activity လေးကတော့ “Clay Playtime: Make Your Own Toys” ပဲ ဖြစ်ပါတယ်။ ရွှံ့တွေကို အသုံးပြုပြီး အရုပ်လေးတွေ ဖန်တီးပြုလုပ်ကြမှာပဲ ဖြစ်ပါတယ်။ သားသားမီးမီးတို့ရော ရွှံ့လေးတွေနဲ့ ဘယ်လိုပုံလေးတွေ ပြုလုပ်ရတာ ကြိုက်နှစ်သက်ပါသလဲ? ဒီ activity လေးမှာရော wee care Children & Youth Development Centre မှ ဆရာမ မကြည်နူးမြနဲ့ အတူတူ ဘာအရုပ်လေးတွေလုပ်မလဲဆိုတာ သားသားမီးမီးတို့ စိတ်၀င်စားနေကြပြီမလား?

ဝင်ကြေးအခမဲ့ဖြစ်ပြီး၊ အသက် ၆ နှစ်မှ ၁၂ နှစ် သားသားမီးမီးများ ပါ၀င်နိုင်မှာဖြစ်ပါတယ်။ လူဦးရေကန့်သတ်ထားတာမို့ စာရင်းပေးသွင်းချင်တယ်ဆိုရင်တော့ အမည်၊ အသက်၊ ဖုန်းနံပါတ်နဲ့ အီးမေးလ်ကို biblio-yangon@goethe.de မှတစ်ဆင့် အီးမေးလ်ပေးပို့ပြီး စာရင်းပေးသွင်းနိုင်ပါပြီ။ 

ဂျာမနီနိုင်ငံရဲ့ အထင်ကရမြို့တွေထဲကတစ်ခုဖြစ်တဲ့၊ မြို့တော်လည်းဖြစ်တဲ့ ဘာလင်မြို့ကို ရောက်ဖူးကြတဲ့သူတွေလည်းရှိသလို၊ ထိုမြို့နဲ့ပတ်သက်ပြီးလေ့လာသိရှိချင်တဲ့သူတွေလည်းရှိမှာအသေအချာပါပဲ။ ဒီလိုဆိုရင်တော့ ဒီလရဲ့ Board Game Friday လေးမှာ ပါ၀င်ဖို့ အကြံပေးပါတယ်။ ဒီဂိမ်းလေးကတော့ “Ein Wochenende in Berlin” လို့ အမည်ရပြီး၊ ဒီဂိမ်းထဲမှာတော့ ဂျာမနီနိုင်ငံဘာလင်မြို့ရဲ့ ဒေသဆိုင်ရာဗဟုသုတများအပါအ၀င် သဒ္ဒါအသုံးအနှုန်းများနဲ့ ၀ေါ်ဟာရအသစ်များကိုပါ စိတ်၀င်စားဖွယ် လေ့လာရမှာပဲ ဖြစ်ပါတယ်။

ဒီဂိမ်းလေးကတော့ B1-B2 level အတွက် ဖြစ်ပြီး၊ လာရောက်ပါ၀င်လေ့လာဖို့ အားလုံးကို ဖိတ်ခေါ်ပါတယ်။ စာရင်းပေးသွင်းလိုပါက >>> စာကြည့်တိုက်အီးမေးလ် biblio-yangon@goethe.de

ဒီလရဲ့ "Leseclub" အစီအစဥ်လေးကတော့  B1 level အတွက် ဖြစ်ပြီး၊ ဂျာမန်ဘာသာစကား သင်ယူနေတဲ့သူတွေရော၊ သင်ယူတတ်မြောက်ပြီးတဲ့သူတွေပါ လာရောက်ပါဝင်လို့ရပါတယ်။ ဒီအစီအစဉ်လေးကနေတစ်ဆင့် စာဖတ်စွမ်းရည် တိုးတက်စေရုံသာမကပဲ၊ စကားလုံး၀ေါ်ဟာရများ ကြွယ်၀လာပြီး၊ အတွေးအခေါ်စွမ်းရည်များကိုပါ တိုးတက်လာစေမှာ ဖြစ်ပါတယ်။  
 
စိတ်ပါ၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့ အီးမေးလ်ပေးပို့ပြီး စာရင်းပေးသွင်းနိုင်ပါတယ်။

"Learning Advisory" Programလို့ ခေါ်တဲ့ "Lernberatung" အစီအစဉ်မှာ သင့်ရဲ့ ဂျာမန်စာလေ့လာမှုနဲ့ ပတ်သက်ပြီး ရင်ဆိုင်နေရတဲ့ အခက်အခဲတွေ၊ ပြဿနာတွေကို Goethe-Institut Myanmar မှ ဆရာ/ဆရာမကနေ ဆွေးနွေးအကြံပြုပေးသွားမှာ ဖြစ်ပါတယ်။ ဒီလရဲ့ ''Lernberatung'' အစီအစဉ်မှာတော့ ဂျာမန်ဘာသာစကားကို A2 level လေ့လာနေသူများအတွက် သိရှိသင့်တဲ့ လေ့လာသင့်တဲ့ စာအုပ်တွေ၊ online resource တွေ၊ မိမိ level နဲ့ ကိုက်ညီမယ့် အကြံပြုချက်တွေကို ဆွေးနွေးအကြံပြုပေးသွားမှာပဲ ဖြစ်ပါတယ်။ 

စာကြည့်တိုက်သို့ လူကိုယ်တိုင် မလာရောက်နိုင်သူတွေအတွက်လည်း ပါ၀င်မေးမြန်းလို့ရအောင် virtual online session ကိုလည်း ထည့်သွင်းစီစဉ်ပေးထားတာဖြစ်လို့ သင့်ရဲ့ ဂျာမန်စာလေ့လာသင်ယူမှုနဲ့ ပတ်သက်ပြီး အခမဲ့ မေးမြန်းလို့ရမယ့် ကျွန်ုပ်တို့ရဲ့ Learning Advisory အစီအစဉ်ကို အခုပဲ စာရင်းပေးသွင်းပြီး ပါ၀င်လိုက်ပါ: biblio-yangon@goethe.de

Götz Aly၊ Wolf Haas၊ Elke Heidenreich၊ Monika Helfer၊ Moshtari Hilal၊ Marc Raabe၊ Eva von Redecker၊ Lisa Roy နှင့် Peter Sloterdijk တို့ရဲ့ လက်ရာများအပါအ၀င် အခြားသောမီဒီယာအသစ်များ ကျွန်ုပ်တို့ရဲ့ ဂျာမန်အွန်လိုင်းစာကြည့်တိုက် “ONLEIHE” တွင် ရောက်ရှိနေပြီ ဖြစ်ကြောင်း သတင်းကောင်းလေး ပေးချင်ပါတယ်။ အခုပဲ ကျွန်ုပ်တို့ရဲ့ “ONLEIHE” မှာ အခမဲ့ငှားရမ်းဖတ်ရှုလိုက်ပါ။