Goethe-Institut Myanmar

အောက်တိုဘာလမှာ ကဏ္ဍသစ်တစ်ခု စတင်ဖွင့်လှစ်ပါတော့မယ်။ မတူကွဲပြားတဲ့ စွမ်းဆောင်ရည်ရှိသူများရဲ့ အတွေ့အကြုံတွေကို ဂုဏ်ပြုဆင်နွှဲပြီး ပေါင်းစည်းချိတ်ဆက်သွားမယ့် သုံးလတာခရီးစဉ် “ဖြစ်တည်မှုတို့ ယှက်နွယ်ရာ”ဆိုတဲ့ ဇာတ်ကြောင်းဖော်ထုတ်မှု၊ ဘဝခရီးဝေမျှမှု၊ နှလုံးသားနီးစပ်မှု ဆီကိုဦးတည်တဲ့အစီအစဉ်များကို ဝမ်းမြောက်စွာမိတ်ဆက်ပေးပါရစေ။

မတူညီတဲ့ ဘဝအတွေ့အကြုံတွေကို လူမှုအသိုက်အဝန်းတစ်ခုရဲ့ တစိတ်တပိုင်းအဖြစ် အတူတကွ ယှက်နွယ်ရက်လုပ်ကြမယ့် စိတ်ကူးကနေ ပေါက်ဖွားအခြေတည်လာခဲ့တဲ့အစီအစဉ် ဖြစ်ပါတယ်။ အစီအစဉ်အတွက် ပံ့ပိုးကူညီပေးထားတဲ့ ရန်ကုန်မြို့ရှိ ဂျာမန်သံရုံးကို အထူးပင် ကျေးဇူးတင်ရှိကြောင်းလည်း ဖော်ပြအပ်ပါတယ်။ မသန်စွမ်းအသိုက်အဝန်းမှ ကျွန်ုပ်တို့ရဲ့ မိတ်ဖက်အဖွဲ့အစည်းများနဲ့ ပူးပေါင်းပြီး လူတိုင်း ရှာဖွေတွေ့ရှိ၊ မျှဝေ၊ ချိတ်ဆက်နိုင်မယ့် ပွဲအခမ်းအနားများစွာကို စီစဉ်ထားပါတယ်။

ဂျာမနီပြန်လည်‌ပေါင်းစည်းခြင်း ၃၅ နှစ်ပြည့် အထိမ်းအမှတ်အနေဖြင့် တစ်ပတ်တာကြာ ယဥ်ကျေးမှု အစီအစဥ်များကို Goethe-Institut မြန်မာမှာ ပြုလုပ်သွားမှာဖြစ်ပါသည်။ အသေးစိတ်အချက်အလက်များကို လူမှုကွန်ယက်စာမျက်နှာများတွင် ကြေငြာသွားမည်ဖြစ်သည့် အတွက် စောင့်မျှော်ပေးကြပြီး အစီအစဥ်များတွင် ပါဝင်ဖို့ကိုလည်း နွေးထွေးစွာဖိတ်ခေါ်လိုက်ပါသည်။
 

World Mental Health Day 2025 အထိမ်းအမှတ်အနေနဲ့, Goethe-Institut Myanmar နဲ့ Academy of Care (AoC) တို့က Foundation for Arts and Health India (FAHI)၊ Doh Eain၊ Young City Shapers၊ FIN Myanmar၊ Kalasa Art Space၊ The Heal With Art အပါအဝင် အခြားသော မိတ်ဖက်အဖွဲ့အစည်းတို့နှင့် ပူးပေါင်းပြီး “Stronger Together: Collective Recovery and Creative Care in Crisis” ခေါင်းစဉ်ဖြင့် ပြုလုပ်သွားမှာ ဖြစ်ပါတယ်။  

လာမည့် အောက်တိုဘာလမှာ Sundowner Musical Gathering တစ်ဖန်ပြန်လာခဲ့ပြီဖြစ်ပါသည်။ အောက်တိုဘာလရဲ့ ညနေခင်းတစ်ခုကို တေးဂီတများကို နားဆင်ရင်း ကုန်ဆုံးဖို့ ဖိတ်ခေါ်လိုက်ပါသည်။ ဖျော်ဖြေမည့် အနုပညာရှင်များနှင့် အသေးစိတ်အချက်အလက်များကို လူမှုကွန်ယက်စာမျက်နှာများတွင် ကြေငြာပေးသွားမည်ဖြစ်ပါသည်။

စာနာခြင်းတံတားစီမံကိန်းတွင် ပါဝင်သည့် အဖွဲ့လိုက်ဆွေးနွေးခြင်းကို လာမည့် အောက်တိုဘာလမှာစတင်မည်ဖြစ်သည်။ ဆွေးနွေးခြင်းများကို အောက်တိုဘာ တတိယပတ်မှစတင်၍ ဒီဇင်ဘာလ ပထမပတ်အထိ လုပ်ဆောင်သွားမည်ဖြစ်သည်။
ယခုလိုစကားဝိုင်းများမှတဆင့် လူသားများအချင်းချင်းဆက်နွယ်နေမှု၏ ထိရှလွယ်ပုံနှင့် စာနာခြင်းတရားကို အခက်အခဲများကြားမှမည်ကဲ့သို့ ပြန်လည်တည်ဆောက်နိုင်ကြောင်းစသည်တို့ကို ဆွေးနွေးသွားကြမည်ဖြစ်သည်။
အစီအစဥ်တွင် ပါဝင်သူများက မတူညီသော နေရာဒေသ၊ နယ်ပယ်အသီးသီးမှ ဖြစ်သည့်အတွက် ဆွေးနွေးခြင်းစကားဝိုင်းများမှထွက်ပေါ်လာသော အတွေးအမြင်များကို ရရှိမည်ဖြစ်ကြောင်းအသိပေးအပ်ပါသည်။

Goethe-Institut မြန်မာတွင် ဂျာမန်စကားကိုစနစ်တကျစတင်သင်ယူပါ။ ကျွန်ုပ်တို့၏ဂျာမန်ဘာသာစကားသင်တန်းများကို  ဥရောပဘာသာစကားဆိုင်ရာစံချိန်စံနှုန်းမူဘောင် (GER) နှင့်အညီ အဆင့် (၆)ဆင့်အပေါ်တွင်အခြေခံထားပါသည်။ ထို့ကြောင့် ကျွန်ုပ်တို့၏သင်တန်းများသည် နိုင်ငံတကာစံချိန်စံနှုန်းနှင့်တိုင်းတာနှိုင်းယှဥ်နိုင်ပါသည်။ Goethe-Institut မြန်မာက နိုဝင်ဘာလ အတွက် (Online , In-person, Hybrid) ဂျာမန်ဘာသာစကားသင်တန်းများဖွင့်လှစ်လျက်ရှိပါသည်။သင်တန်းများကို အချိန်မရွေး နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။ စုံစမ်းမေးမြန်းလိုသည်များရှိပါက   info.language.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

သင့်ရဲ့ဂျာမန်ဘာသာစကားအရည်အသွေးကိုသက်သေပြရန် ကမ္ဘာတဝှမ်းကအသိအမှတ်ပြုသောအောင်လက်မှတ်တစ်ခုလိုအပ်နေပါသလား။?

Goethe-Institut ၏ဘာသာစကားအောင်လက်မှတ်သည် ဂျာမန်ဘာသာစကားစွမ်းရည်ကိုမှတ်ကျောက်တင်ရန် ကမ္ဘာတဝှမ်းကအသိမှတ်ပြုသည့်အောင်လက်မှတ်ဖြစ်ပါသည်။ Goethe-Institut မြန်မာက အောက်တိုဘာလ အတွက် Goethe-Zertifikat စာမေးပွဲများကို ကျင်းပမည်ဖြစ်ပါသည်။ စာမေးပွဲများကို အချိန်မရွေး၊ နေရာမရွေး အွန်လိုင်းမှ စာရင်းသွင်းခြင်း ပြုလုပ်နိုင်ပါပြီ။  စုံစမ်းမေးမြန်းလိုသည်များရှိပါက info.exam.mmr@goethe.de မှတဆင့် အီးမေးလ်ပေးပို့ဆက်သွယ်နိုင်ပါသည်။

အောက်တိုဘာလ ၂၃ ရက်မှာ ဟေရမုန် - Urban Organic Farm နှင့် ပူးပေါင်းပြီး သစ်ပင်လေးတွေ အတူတူစိုက်ပျိုးနိုင်မယ့် “Urban Gardening for Mindful Living” လက်တွေ့စီမံကိန်းလေးကို စာကြည့်တိုက်မှာ ပြုလုပ်သွားဖို့ရှိပါတယ်။ ဒီအစီအစဥ်လေးမှာ မြို့ပြဧရိယာဒေသမှာ အပင်ငယ်လေးတွေကို ဘယ်လိုစိုက်ပျိုးရမလဲဆိုတာ လေ့လာနိုင်ပြီး သစ်ပင်လေးတွေကို တနိုင်တပိုင်စိုက်ပျိုးခြင်းက သင့်စိတ်ကို ဘယ်လိုမျိုး အေးချမ်းမှုပေးစွမ်းနိုင်သလဲဆိုတာပါ စူးစမ်းရှာဖွေနိုင်မှာဖြစ်ပါတယ်။

ကျွမ်းကျင်ပညာရှင်များရဲ့ လမ်းညွှန်မှုများနှင့်အတူ အပင်လေးတွေကို ကိုယ်တိုင်လက်တွေ့စိုက်ပျိုးရင်း မိမိကိုယ်ကို ပြန်လည်သုံးသပ်နိုင်မယ့် အချိန်ကောင်းလေးတွေလည်း ပိုင်ဆိုင်နိုင်မှာဖြစ်ပါတယ်။ အထူးသဖြင့် သစ်ပင်ပန်းပင်လေးတွေက ကျွန်ုပ်တို့ရဲ့ နေ့စဥ်ဘ၀မှာ စိတ်ခွန်အားနှင့် ကြံ့ကြံ့ခံနိုင်စွမ်းတွေကို တစ်ဖက်တစ်လမ်းမှ ပံ့ပိုးပေးပြီး ကျွန်ုပ်တို့ကို ပိုကောင်းတဲ့လူမှုဘ၀ကို ရရှိစေပုံတို့ကို သိရှိနားလည်သွားမှာပါ။ ဒီတော့ စိမ်းစိမ်းစိုစို သဘာ၀တရားကြီးနဲ့ ပြန်ချိတ်ဆက်ပြီး ဘ၀အမောတွေပြေစေဖို့ သစ်ပင်လေးတွေ စိုက်ရင်း စိတ်အေးချမ်းမှုကို အတူတူရှာဖွေကြမယ်နော်။

ဒီအစီအစဥ်ကို အသက် ၁၈နှစ် မှ ၂၅ နှစ်အရွယ် သဘာ၀ပတ်၀န်းကျင်ချစ်မြတ်နိုးသူ၊ အပင်ချစ်သူများနှင့် မိမိကိုယ်ကို သဘာ၀တရားဖြင့် ကုစားချင်သူများ ပါ၀င်နိုင်ပြီး ၀င်ကြေး အခမဲ့ဖြစ်ပါတယ်။ လူဦးရေကန့်သတ်ထားတာမို့ စာရင်းပေးသွင်းချင်တယ်ဆိုရင်တော့ ♦အမည်  ♦ အသက် ♦ဖုန်းနံပါတ် တို့ကို biblio-yangon@goethe.de မှတစ်ဆင့် အီးမေးလ်ပေးပို့ပြီး စာရင်းပေးသွင်းနိုင်ပါပြီ။     

Goethe-Institut Myanmar စာကြည့်တိုက်မှာ အတွေးသစ်များဖြင့် ကောင်းသော အပြောင်းအလဲများကို ဖန်တီးပေးနိုင်မယ့် Youth Dialogue Lab ကို လစဥ်ကျင်းပပေးနေပါတယ်။ အောက်တိုဘာလမှာတော့ “မိမိကိုယ်မိမိ ပြန်လည်ရှာဖွေခြင်းဆိုင်ရာ လူငယ်စကား၀ိုင်း” ဆိုတဲ့ ခေါင်းစဥ်အောက်မှာ လူငယ်တွေရဲ့ ဘ၀အမြင်နှင့် တန်ဖိုးထားမှုတွေကို အပြန်အလှန်မျှဝေ
ဆွေးနွေးကြမှာဖြစ်ပါတယ်။ လမ်းပျောက်နေတယ်လို့ ခံစားနေရတယ်ဆိုရင် ဒီစကား၀ိုင်းလေးမှာ ပါ၀င်ပြီး မိမိကိုယ်ကို ပြန်လည်ရှာဖွေလိုက်ပါ။
အတွေးအမြင်သစ်တွေနဲ့ စိတ်ခွန်အားလည်းဖြစ်ထွန်းစေမှာ သေချာတာကြောင့် အစီအစဥ်အသေးစိတ်ကို ဆက်လက်စောင့်မျှော်ပေးကြပါဦးနော်။

ကျွန်ုပ်တို့ စာကြည့်တိုက်ရှိ ကလေးနှင့်လူငယ်အစီအစဥ်၏ Tech Try Out Program မှ ပြန်လည်ကြိုဆိုလိုက်ပါတယ်။ အသက် (၇) နှစ်မှ (၁၂)  နှစ်အရွယ်ရှိ နည်းပညာကို စိတ်၀င်စားကြသော သားသားမီးမီးလေးတို့အတွက် ဒီတစ်‌ခေါက်မှာတော့ ကွန်ပြူတာကို ထိန်းချုပ်ခိုင်းစေဆက်သွယ်နိုင်ဖို့ လူနဲ့ computer ကြား  အသုံးပြုသည့်ဘာသာစကားတစ်ခု ဖြစ်တဲ့ Block-Based Coding Trial Workshop ကိုကျင်းပပေးဖို့ရှိပါတယ်။

ယခု ပြုလုပ်မယ့် Trial Workshop ကို CIY.Club Myanmar မှ ဦးဆောင်သွားမှာဖြစ်ပြီး အောက်တိုဘာလ ဘာလ (၂၃)၊ ၂၀၂၅ တွင် ကျင်းပမှာဖြစ်ပါတယ်။ Trial Workshop  ဖြစ်တာကြောင့် ကွန်ပျူတာအ‌ခြေခံမရှိလည်း သင်ယူလို့ရပါတယ်။

စာကြည့်တိုက်ရှိ ကလေးနှင့်လူငယ်အစီအစဥ်မှ အသစ်အဆန်းလေးများကို ဖန်တီးချင်သော အသက် ၆နှစ်မှ ၁၂ နှစ်အရွယ် သားသားမီးမီးလေးတွေကို ဖိတ်ခေါ်ပါရစေ။

ကလေးများ ပျော်ပျော်ပါးပါး ပါဝင်လို့ရမယ့် ဒီအစီအစဉ်လေးမှာ မတူညီတဲ့ တီထွင်ဖန်တီးမှုတွေ ပြုလုပ်နိုင်မှာဖြစ်ပါတယ်။ မှိုင်းခံစက္ကူရယ် အန္တရာယ်မရှိတဲ့ LED မီးလေးတွေကို အသုံးပြုပြီး ကလေးတွေရဲ့ စိတ်ကူးအတိုင်း မီးပုံးငယ်တွေ ပြုလုပ်ဖန်းတီးကြရမှာဖြစ်ပါတယ်။ အလင်းနဲ့ အမှောင်၊ အရိပ်တွေရဲ့ အပြန်အလှန်အကျိုးသက်ရောက်မှုတွေကို  ကလေးများက ဖန်တီးမှုပြုလုပ်ရင်း လေ့လာသင်ယူကြရမှာဖြစ်ပါတယ်။ အနုပညာ၊ ဖန်တီးတီထွင်နိုင်မှု၊ ရိုးရှင်းတဲ့ သိပ္ပံသဘောတရားတွေကို ပေါင်းစပ်ထားတဲ့ အလုပ်ရုံဆွေးနွေးဖြစ်လို့ ခုပဲ ပါဝင်လိုက်တော့နော်။

ဝင်ကြေးအခမဲ့ဖြစ်ပြီး၊ လူဦးရေကန့်သတ်ထားတာမို့ စာရင်းပေးသွင်းချင်တယ်ဆိုရင်တော့ ♦အမည် ♦ အသက် ♦ဖုန်းနံပါတ် တို့ကို biblio-yangon@goethe.de  မှတစ်ဆင့် အီးမေးလ်ပေးပို့ပြီး စာရင်းပေးသွင်းနိုင်ပါပြီ။   

အောက်တိုဘာလ ရဲ့  Board Game Day လေးမှာတော့ “Wanderwörter – Das Spiel” လို့ခေါ်တဲ့ မတူညီသော ဘာသာစကားများသည် နောက်ထပ်ဘာသာစကားမျိုးနွယ်များဆီသို့ စကားလုံးများဆင့်ပွားဆင်းသက်လာကြပုံကို စူးစမ်းဖော်ထုတ်သည့် ပျော်ရွှင်စရာ အပြန်အလှန်ပါဝင်ကစားနိုင်သော ဂိမ်းလေးကစားမှာဖြစ်ပါတယ်။ ဤဂိမ်းသည် A2 အဆင့်နဲ့အထက် ဂျာမန်ဘာသာသင်ယူသူများအတွက် ကိုက်ညီအောင်ဖန်တီးထားပြီး၊ သင်တန်းတွင်း၌ဖြစ်စေ၊ ဂိမ်းညများ၌ဖြစ်စေ၊ သို့မဟုတ် ဘာသာစကားကိုချစ်သူများအတွက်လည်း အထူးသင့်လျော်ပါတယ်။

ကစားသမားများသည် အလှည့်ကျ အံစာတုံးပစ်ပြီး ကိုယ်ကျသော စကားလုံးများ၏ မူလအရင်းအမြစ်နှင့် အဓိပ္ပါယ်များကို ဖြေဆိုရပါမည်။ အဖြေမှန်လျှင် နေရာတွင်နေရပြီး၊ အဖြေမမှန်လျှင် နောက်သို့ပြန်ဆုတ်ရပါမယ်။ ပြိုင်ဆိုင်မှု၊ စကားလုံးအသုံးအနှုန်းမြှင့်တင်မှုနှင့် ယဉ်ကျေးမှုအသိပညာတို့ကို တစ်ပြိုင်နက်တည်း ပေးစွမ်းနိုင်သော ပညာရေးနှင့်ဖျော်ဖြေရေး ပေါင်းစပ်ထားသော ဂိမ်းလေးကို စာကြည့်တိုက်မှာ လာရောက်ကစားဖို့ဖိတ်ခေါ်လိုက်ပါတယ်နော်။

စိတ်ပါ၀င်စားသူများအနေဖြင့် biblio-yangon@goethe.de သို့ အမည်၊  ဖုန်းနံပါတ်၊ မိမိရဲ့ ဂျာမန် level ကိုအီးမေးလ်ပေးပို့ပြီး စာရင်းပေးသွင်းနိုင်ပါတယ်။

ဂျာမန်ဘာသာစကား သင်ယူနေတဲ့သူတွေ စာဖတ်စွမ်းရည် တိုးတက်လာစေရန်နှင့် စကားလုံးဝေါဟာရများ ပိုကြွယ်၀လာစေရန် လစဥ်ကျင်းပပြုလုပ်တဲ့ “Reading Club/Leseclub’’ လေး ရောက်ရှိလို့လာပါပြီ။

စိတ်၀င်စားလို့ ပါ၀င်ချင်တယ်ဆိုရင်တော့ biblio-yangon@goethe.de သို့အမည်၊ ဖုန်းနံပါတ်၊ မိမိရဲ့ ဂျာမန် levelကို အီးမေးလ်ပေးပို့ပြီး စာရင်းပေးသွင်းနိုင်ပါတယ်။