German Film@Dreamer's Day

Кино хальс © Гёте-Институт

Монгол дахь Гёте-Институт нь "Алтан Хальс" холбоотой хамтран УИД-ын iCinema-д германы шилдэг киног онцлон танилцуулж байна. Киноны талаарх мэдээллийг та хөтөлбөрийн танилцуулга болон Гёте-Институтийн кино каталог-оос авна уу. German Film@Dreamers' Day кино цувралын бүх товыг манай хуудасны арга хэмжээ булангаас харах боломжтой.

Хөтөлбөр

Мария Шрадер "Үүр тэмдэгрэхийн өмнө" (2016)

Австри зохиолч Стефан Цвейг 1936 онд нацистуудаас дайжиж, Европоос дүрвэн зугтаана. Рио де Жанейро хотод түүнийг хүндэтгэн хүлээн авч харин Буенос Айрес дахь Олон улсын ПЭН холбооны чуулгад оролцоно. 1941 оны 1-р сард тэрээр Нью-Йорк хотод ирэх бөгөөд анхны эхнэртэйгээ уулзах ба европоос тусламж эрэх дуу хоолой түүнийг зохиол бүтээлээ туурвихад саад болж байгаа тухай өгүүлнэ. Тэр жилийн намар удаах эхнэр Лоттегийн хамтаар Бразилын Петрополис мужид суурьших ба “Шатрын тууж” зохиол дээрээ ажиллана. Гэвч хэдхэн сарын дараа Цвейг эхнэрийн хамтаар амиа егүүтгэнэ. Энэхүү “Үүр тэмдэгрэхийн өмнө” хэмээх хурц дайчин хийгээд тод томруун дүрслэл бүхий цоо шинэхэн бүтээлээрээ Мария Шрадер “цагаачлал” гэх сэдвийг хөндөж, Европын соёлын түүхийн нэгээхэн хэсгийг харуулжээ. Гол дүрийг Иосеф Хадерт тун ч чадамгай бүтээжээ.