Төслүүд

Dialoge 20-13 - Kolkata von Sasha Waltz / Padmini Chettur / Mahler Chamber Orchestra

Соёлтой танилцахуй

Бид Герман, Монгол хоёр орны соёлын солилцоог дэмжин ажилладаг. Хамтын уран бүтээлч ур ухаан, сэтгэл шингэсэн кино цуврал, үзэсгэлэн, концерт, сургалт, фестиваль зэргийг бид зохион байгуулж байна.

Герман дуу, хөгжим
Попкаст

Германы хойд цэг Килиэс өмнөдийн Вайлхайм хүртэлх хөгжмийн студи, клубүүдэд эгшиглэх шинэ соргог рок, поп, хип хоп, электро хөгжмийг сар бүр онцлон танилцуулж байна. Бид Баварийн радио, телевизийн Zündfunk булантай хамтран зөвхөн шилдэг дууны жагсаалтад багтсан биш харин шинэ содон хөгжмийг таны сонорт хүргэх болно. “Маde in Germany” тодотголтой поп хөгжмийг мөн эндээс татаж авах боломжтой.

Влог
Рахельтай хамт замд гаръя

Цэнгэг агаар, ундны цэвэр ус, хажууханд байх цэцэрлэгт хүрээлэн, найрсаг айл хөршүүд. тулгарч байна вэ? Рахель Клайн та бүхний өмнөөс Германы хотуудаар зочлон, ая тухтай амьдрахын тулд хүмүүс ямар санаачилга хэрэгжүүлж байгааг толилуулах болно.

Улаанбаатар дахь Гэрэл зураг-Бүтээлч ажиллагааны лаборатори

Мэргэжлийн гэрэл зургийн шинэ хөтөлбөрийн нээлт Соёл Урлагийн Их Сургууль дээр боллоо Гэрэл зураг: © СУИС Монгол дахь Гёте-Институт нь соёл, боловсролын түнш байгууллагуудтай хамтран “Гэрэл зураг ба бүтээлч ажиллагааны лаборатори”-ийг байгуулснаар Монгол улсад анх удаа гэрэл зургийн чиглэлээр академик боловсрол олгох боломжийг бүрдүүллээ.

Соёлын өвийг хадгалахуй Монгол улс дахь соёлын өвийн хадгалалт

Гандантэгчэнлин хийд дэх судрыг сэргээн засварлаж буй нь Гэрэл зургийг © Базарсүхийн Рэнцэндорж Монгол дахь Гёте-Институт болон Монголын Бурханы Шашинтны төв Гандантэгчэнлин хийд өнгөрсөн хоёр жилийн хугацаанд хамтран ажиллаж тус хийдэд цаас сэргээн засварлах урланг байгуулав. Энэхүү сэргээн засварлах урланг Монгол дахь Гёте-Институт үүсгэн байгуулагдсаны арван жилийн ойн баярыг тохиолдуулан 2019 оны 5-р сарын 16-ны өдөр албан ёсоор нээсэн юм.

Кураторуудын төсөл
Зүүн, Зүүн Өмнөд Азийн “Нүүдэл”-ийн тухай хүүрнэхүй

Зүүн болон Зүүн Өмнөд Азийн есөн Гёте-Институт Урлаг ба “Нүүдэл”-ийн холбоо хамаарлын тухай нээлттэй, олон талыг хамарсан хамтарсан үзэсгэлэнг зохион байгуулж байна.

GERMAN FILM@Dreamers' Day

Монгол дахь Гёте-Институт нь "Алтан Хальс" холбоотой хамтран сардаа нэг удаа УИД-д байрлах iCinema-д германы шилдэг киног онцлон танилцуулж байна.

Тоглолт Рафаела Громес, Юлиан Рийм нарын хослол

Хөгжмийн хослол Гэрэл зураг: © Базарсүхийн Рэнцэндорж Гёте-Институтийн урилгаар Рафаела Громес болон Юлиан Рийм нарын хослол хөгжимчид Улаанбаатар хотноо тоглосон билээ. Дараах ярилцлагаар тэд Монгол Улсын Филармони дахь тоглолтын хөтөлбөр, Монгол Улсын Консерваторит хийсэн мастер класс болон хөгжим тоглоход баяр хөөр гэдэг төгс төгөлдөртэй нэгэн адил чухал болох тухай өгүүлсэн юм.

Smart fashion Монголд

Smart Fashion семинар - Анина Нет © Монгол дахь Гёте-Институт Гёте-Институт, Алианз Франсеc нь ШУТИС болон СУИС-тай хамтран “Smart fashion” сэдэвт сургалтыг зохион байгууллаа. Энэхүү сургалтыг Герман болон Франц мэргэжилтнүүд болох Anina Net, Audrey Briot нарын удирдлага дор зохион байгуулав.

Мерк-Хамтын орчуулга төсөл

“Хамтын орчуулга” төсөл бол уран зохиолын орчуулгын салбарт шинэ төрлийн нэгэн сошиал практикийг хэрэгжүүлж үзэх туршилт билээ.
Азийн орны орчуулагч нар герман зохиолчийн бичсэн романыг өөр өөрийн орны хэл рүү хөрвүүлэхдээ хаалттай цахим орчинд уулзаж, хоорондоо ярилцаж санал солилцох ба зохиолчтой нягт хамтарч ажиллах хэлбэрээр орчуулга дээрээ ажиллаж боловсруулна.

Номын зургийн сургалт, семинар

"Дэлхийн үлгэрүүд" сэдвийн дор Монгол-Францын төв болон Гёте-Институт нь 2017 онд Франц-Германы соёлын сангийн дэмжлэгтэйгээр номын зургийн сургалт, семинарыг зохион байгуулсан юм. Хамтран ажиллагчаар СУИС болон Монсудар хэвлэлийн газар оролцсон. Тус сургалтыг оюутнууд болон номын зураач нарт зохион байгуулсан номын зураачид Патрициа Тома болон Микаэль Эль Фати нар бидэнтэй ярилцлаа.

Олон улсын хамтарсан уран бүтээлийн сан

Гёте-Институт нь анх удаагаа олон улсын соёлын уран бүтээлийн хамтарсан санг хэрэгжүүлж 2016-2018 оны хооронд театр, бүжиг, хөгжим, перформанс буюу үйл хөдлөлийн урлагийн салбарыг дэмжин ажиллаж байна.

Enji: „Mongolian Song“

Бремен хотноо зохион байгуулагдах jazzahead! үзэсгэлэнгийн өмнөхөн монгол дуучин Эрхэмбаярын Энхжаргалын „Mongolian Song” хэмээх CD бэлэн боллоо. Энэхүү уран бүтээл нь Гончигсумлаа төслийн хүрээнд төрөн гарч байгаа бөгөөд монголын уламжлалт хөгжмийг орчин үеийн жазз хөгжимтэй хослуулжээ.

Жазз Улаанбаатар дахь Гёте Хөгжмийн Танхим

Жазз хөгжмийн залуу үе халаа Улаанбаатар дахь Гёте хөгжмийн танхимд Гэрэл зураг: © Базарсүхийн Рэнцэндорж Гёте-Институт 2014 оноос хойш хэрэгжүүлж буй Улаанбаатар дахь Гёте Хөгжмийн Танхим (GMUB) төслөөрөө Монгол Улсын Консерваторит суралцаж буй жазз хөгжимчдийн залуу үеийнхнийг дэмжиж байна.

ОУ-ын Медиа урлагийн наадмын нээлт: Дижитал хувьслын эринд бидний ертөнцийг харах үзэл хэрхэн өөрчлөгдөж байна вэ?

ОУ-ын Медиа урлагийн наадам

Монголд анх удаа: Улаанбаатар олон улсын медиа урлагийн наадам (UBIMAF) нь Монголд анх удаагаа зохион байгуулагдлаа. Наадмын албан ёсны түншээр Монгол улс дахь Гёте-Институт оролцсон.

Мэдээллийн зүүд

Дижитал ертөнцийн хувьсал бидний амьдралыг үндсээр нь өөрчилсөөр байна. Үүнтэй бид хэрхэн зохицох вэ, энэхүү шинэ ертөнцөд хүмүүс өөр хоорондоо хэрхэн улам сайн ойлголцох вэ?

Паула Модерсон-Бекер: "Хувхайрсан мод үзэсгэлэнт байгальд"

Паула Модерсон-Бекер ба Ворпсведүүд

Паула Модерсон-Бекер нь Герман улсын модернизмыг үндэслэгч хэмээн тооцогддог. Түүний бүтээлүүдийг анх удаагаа Улаанбаатар хотод дэлгэн үзүүлж байна. Ifa буюу Германы гадаад харилцааны институтийн тус үзэсгэлэнг 2017.03.20-оос 04.01 хүртэл Г. Занабазарын нэрэмжит Дүрслэх урлагийн музейд үзэж сонирхох боломжтой.

Цаас сэргээн засварлалт

Цаас сэргээн засварлалтын мэргэжлийн толь бичгийг олон улсын мэргэжилтнүүдэд зориулан холбогдох мэргэжлийн нэр томьёог өөрийн хэлнээ ашиглахад тус дэм болох үүднээс гаргасан.

Дээш