Hōtaka Whakawhiti Reo
Ko te hōtaka koha āwhina a te rōpū Goethe-Institut ko “Whakamāoritanga Pukapuka Tiamana ki Reo Kē” e tautoko ana i ngā kaitā pukapuka ehara nō Tiamana ki te tā rautuhinga reo Tiamana i whakamāoritia ki reo kē e mārama ai te hunga kore reo Tiamana ki ngā rautuhinga o nāianei, rautuhinga hoki mā te tamariki me te rangatahi, me ngā taitara rongonui o ngā wānanga, me ngā pakiwaitara hoki. Ka hāpai tēnei hōtaka i ngā whāinga kaupapa here ahurea ka mutu hei rama hoki ināianei mō ngā ture tāwāhi ahurea, mātauranga hoki.
Mō ngā tono koha āwhina whakamāori ka tutuki, ka kohaina e te rōpū Goethe-Institut he wāhanga nō te utu whakamāori ki te kamupene tānga, ka utua hoki hei te tānga o te whakamāoritanga. Ehara i te mea ka ea i te rōpū Goethe-Institut te katoa o te utu mō te whakawhitinga reo, mō te tānga rānei, mō ngā mahi ētitanga rānei.
I roto i tōna 40 tau, kua āwhina ā-pūtea atu tēnei hōtaka i te tānga o ngā pukapuka 6000 tonu ki roto i ngā reo e 45.
New application portal as of 01.11.2021
Existing online form active until: 15.09.2021Break in applications: 16.09. - 31.10.2021
Further information: from September 2021 via the online form
E whā ngā hui komiti ia tau hei te:
- Tīmatanga o Pēpuere: rā aukati tono: 1 o Tīhema
- Mutunga o Āperira: rā aukati tono: 1 o Maehe
- Mutunga o Hūrae: rā aukati tono: 1 o Hune
- Tīmatanga o Noema: rā aukati tono:15 o Hepetema
2. He mahinga reo Tiamana i tāngia ki te pepa: E tautoko ana te rōpū Goethe-Institut i te whakamāoringa o ngā mahi a ngā kaituhi reo Tiamana kua tāngia ki te pepa e te Kaitānga reo Tiamana.
3. Whakamāoritanga mai i te reo Tiamana ake: Me mātua whakamāori tōtika mai i te tuhinga reo Tiamana ake.
4. Te rā tānga: Ka tautokona ko ngā whakamāoringa anake mehemea kāore anō i tukuna kia tāngia hei te hainatanga o te kirimana.
5. Te utu i tētahi wāhi o te whakamāoringa: Inā tutuki te tono pūtea whakamāori, ka utua he wāhanga e te rōpū (Goethe-Institut) ki te kaitānga, hei te tānga o te mahi whakamāori. Ko te whakaaro ehara mā te rōpū Goethe-Institut te katoa o te utu whakamāori, te utu tānga, te utu ētita rānei.
6. Ko te tānga o te kupu mihi me te tāhoko a te rōpū Goethe-Institut: Me whakahua rawa e te kaitānga o te whakamāori ko te ingoa o te rōpū Goethe-Institut hei kaitauoko ki roto i te tuhinga tānga o te pukapuka, me puta hoki ko te tohu tāhoko a te rōpū Kati. Ki te kore e tutuki tēnei ritenga, kei te rōpū Goethe-Institut te tikanga ki te utu rānei i te pūtea tautoko.
7. Te utu kaiwhakamāori: Mehemea ka whakawhiwhia ki te pūtea tautoko, ko ngā whakamāori anake kua oti kē te mahi hei te wā o te tānga ka arohia mō taua pūtea.
8. Ko ngā ī-pukapuka o ngā whakamāoringa i te Onleihe: E hiahia ana te rōpū Goethe-Institut kia whakaputaina ngātahitia ki te Onleihe (ī-whare pukapuka) he whakamāoringa me tōna ī-pukapuka āpiti hei whakamahi mā te hunga rēhita. E whakaae ana te kaitānga kia tukuna hoki ki te rōpū Goethe-Institut he whakamāoringa ka whakaputaina nei hei tuhinga ‘ePub’.