Goethe on Air

Annika Müller and Friederike Laun are recording 'Goethe on Air' © Goethe-Institut

Ko 'Goethe on Air': te kaupapa ahurea reo irirangi a te rōpū Goethe-Institut ki Aotearoa

He waiata, he pūrongo, neke noa atu hoki a te rōpū Goethe-Institut ki Aotearoa mā te reo irirangi nei o Access Radio.

Ko 'Goethe on Air' i hangaia mai e ngā ākonga o te rōpū Goethe-Institut o nāianei. Ko te kaupapa o te whakaaturanga ko te whakatairanga i te reo me te ahurea Tiamana me te tuku whakamārama ki te hunga whakarongo mō ngā mea Tiamana anō. Tae atu ki ngā mahi whakaata, waiata, whakaari, me te rautuhi hoki. He wāhanga nui nō ia whakaaturanga ko te whakatangi i ngā waiata reo Tiamana papai katoa - koroua mai hou rawa mai.
 
Ia whā wiki ka pāhotia te whakaaturanga mā te reo irirangi o Pōneke Access Radio (783am) kātahi ka whakaatuna tuaruahia e rua wiki whai muri atu. Inā hoki ngā tūhono ki ngā Whakaputanga Pāho Ipurangi o ngā whakaaturanga o mua.

Wāhanga 1

10 o Noema 2015  I tēnei rā ka rongo koe i ētahi o ā mātou waiata reo Tiamana pai katoa, ka whakarongo hoki ki ngā uiuinga e rua i ō mātou ākonga Johanna rāua ko Caren mō ō rāua oranga, he aha i haere mai ai ki Pōneke, he aha te painga o reira ki a rāua, me ngā pūrongo me ngā kaupapa mahi hou a te rōpū Goethe-Institut ki Aotearoa. 

Wāhanga 2

07 o Tīhema 2015  Ko te whakaaturanga tuarua katoa mō te Kirihimete. Tokorua ā mātou ākonga reo nō Aotearoa i tō mātou taha ki roto i te rūma pāho hei mahi akoranga reo Tiamana whakataki nei, ka whakatairanga i tētahi whakaata reo Tiamana, ka whakamārama atu hoki i ētahi tikanga Kirihimete rongonui o Tiamana. 

Wāhanga 3

04 o Hānuere 2016  Tā mātou whakaaturanga hei te Hānuere ka rite ki te hararei, i te raumati, i te rā whitiwhiti. Ka uiuia a Judith ka whakahaere akoranga whakataki reo Tiamana nei mō te raumati ake. Ka pai kia tō haere te rā e whakatangihia ai e mātou ko ngā waiata reo Tiamana papai anake. 

Wāhanga 4

01 o Pēpuere 2016  Pearīni, ko te Hui Kiriata Pearīni me te Whakaaturanga Pearīni. Ko te wāhanga tuawhā katoa mō te taone matua o Pearīni. Ka mihi mai tā mātou ākonga reo a Saskia ka kōrero mai hoki i ngā mea papai katoa ki a ia mō Pearīni me Pōneke. Ko Ulli hoki kei tō mātou rūma pāpāho e kōrero ana mō te Hui Pearīni me te Whakaaturanga Pearīni kei Pōneke. Ka whakatangi waiata Tiamana hoki mātou mai i Pearīni rānei mō Pearīni rānei. 

Wāhanga 5

29 o Pēpuere 2016  He mahi toi, kanikani, whakaari, rautuhituhi - he maha ngā kaupapa ahurea kei te rōpū Goethe-Institut ki Pōneke. Ka titiro mātou ki te maramataka kaupapa hou a te rōpū Goethe-Institut ka kōrero atu ai ki a koe ngā pūrongo hou. Ka mihi mai a Thekla tā mātou ākonga ahurea. Tokorua hoki ā mātou manuhiri i tō mātou taha ki te rūma pāpāho i tēnei wā: ko te kaitohutohu whakaari nei a Uta Plate rāua ko te kaiwhakawhiti reo, kairangahau nei a Sally-Ann Spencer.