Akoako Ā-Ipurangi
He Kaupapa Mahi Tahi Ki Ngā Hoa Kei Poihākena

Caucasian woman sitting on ground with laptop © Blend Images - Fotolia.com

Akoranga Rōpū ā-Ipurangi

Kei te pīrangi ako reo Tiamana ā-rōpū engari kāore e taea te peka mai ki a mātou ki te rōpū Goethe-Institut? Mō tēnā, kei konei te wāhi e tika ana mōu!

Kei te pīrangi ako reo Tiamana ā-rōpū engari kāore e taea te peka mai ki a mātou ki te rōpū Goethe-Institut? Ka hāereere haere koe mō te mahi e kore koe e tau ki te wāhi kotahi i te wā kotahi? Mō tēnā, kei konei te wāhi e tika ana mōu!

Mā te akoranga rōpū ā-ipurangi nei REO TIAMANA ā-IPURANGI e āhei ai koe ki te whakarite wātaka akoranga ki tua atu i ō mahi o ia rā he ahakoa hoki kei hea koe. Kāore kē i te ako takitahi, ka uru kē koe ki tētahi rōpū iti e 8 ki te 16 ngā ākonga. Ka waia haere koe ki te reo tauhou i roto i ngā mahi o ia rā, parakatihi reo Tiamana i ētahi āhuatanga katoa.
 


Mō te taumata A1 me te A2 te akoranga REO TIAMANA ā-IPURANGI. Tērā ka kī pai tō kete ako reo i roto i te wā poto rawa atu nā:
  1. te tautoko mai a ngā kaiāwhina tokorua mō te roanga atu o te akoranga. ā rāua whakautu pātai, ngā whakahokinga kōrero, tohutohu takitahi hga ngātahi katoa i runga i te papa akoranga a te rōpū Goethe-Institut e oti ake ai i te mahi ngātahi ki ētahi atu ākonga akoranga.
  2. te whakahoki tika atu a tō kaiāwhina i ō mahinga tuhituhi.
  3. e 4 ngā hui ā-ipurangi ki tō kaiāwhina me tō rōpū akoako, hei parakatihi ki te kōrero ā-waha hoki ki te tangata.
  4. te hōtaka akoako tauwhitiwhiti ko te rauemi mahi pūkenga me ngā taumata o te mahi hei parakatihi pānui, tuhituhi, kōrero, whakarongo hoki i te reo Tiamana.
  5. I roto i te roanga o te 13 wiki ka āhei koe ki te kapo ake i ngā tino o te reo.oki.
    ētahi mahin
Tonoa mai he tūranga mō ngā taumata e whai ake nei:
A1 me A2.

Hei te otinga o te akoranga reo ka whiwhi tiwhikete koe nā te rōpū Goethe-Institut hei tohu i tō urunga mai.

Kāore he tikanga here mātauranga ka uru mai ki tēnei taumata A1. Ko ngā mea tono mai mō te akoranga taumata A2 ka whakatauhia e mātou ki te whakamātautau takitahi.

Mō ētahi atu kōrero toro atu ki
learngerman@sydney.goethe.org

Mā: Me whai rorohiko kē ko te MAC ko te PC rānei hei mahi i tēnei akoranga.

Tērā hoki te iti rawa o te tokomaha kia whakauru mai ka whakahaeretia ai tēnei akoranga.

Rorohiko IBM-PC oder kompatibler PC 
Roro 700 MHz-Prozessor oder schneller 
Arbeitsspeicher Mindestens 192 MB RAM
Betriebssystem Microsoft Windows®
NT4/98/2000/XP/Vista/Windows7/Windows 8 
Weitere Software Java 1.6 oder höher
Kāripāoro
Soundkarte
Windows®-kompatible 16-Bit-Soundkarte 
Grafikkarte Grafikkarte mit einer Auflösung von 1024 x 768 Pixeln und 16 Mio. Farben 
Browser Internet Explorer®(32-bit-Version)
Firefox®
Chrome®
in der jeweils aktuellen Version  
Internet Internet- oder Intranet-Verbindung mit mindestens 384Kbit/s  
Sonstiges Lautsprecher/Kopfhörer und
Mikrofon 

1. Tikanga Whānui
1.1 Kia 18 tau neke atu te pakeketanga o te ākonga (hāunga te: Ākonga HSC).
1.2 Ko ngā ākonga hou, i tua atu i ēnā kua uru mai ki te A1.1, me mahi te whakamātautau whakataunga taumata ka tāpiri mai ki tō pepa rēhita. Mā tēnei ka tika ai te taumata akoranga mōu, ā, ka whakamōhiotia atu koe ki tēnei mā te waea mā te īmēra rānei. 

2. Tikanga Utu
2.1. Ka whakauru mai ā-tinana, ā-mēra rānei - ko te tuatahi mai ka uru tuatahi mai. Me ea ngā utu akoranga katoa hei mua i te tīmatanga o te akoranga. Ka tuku rihīti atu nā, hei tohu whakaae kia uru ai koe ki te akoranga.
2.2. Mehemea kāore anō kia ea te utu katoa hei te rā tika, ka riro te tūranga o te ākonga. Ki te pēnā hoki, ka mana tonu te nama a te rōpū Goethe-Institut (ka tohua ake nei ki te "GI") mō te utu i te katoa o te akoranga.
2.3. E whakaaea ana te haki, tononga moni, kāri pūtea (Visa, MasterCard, Bankcard) me te moni ā-kikokiko nei hoki. Tuhia mai tō haki kia utu ki te: Goethe-Institut Sydney. Kei roto kē i te utu akoranga he tāke GST 10% paiheneti.

3. Utu akoranga
3.1. Ko te utu ā-kirimana ko te utu i tohua ki te rārangi i te wā i tonoa mai.
3.2. Ina pīrangi te ākonga ki te tīni i tāna i tono tuatahi ai (tīni i ngā rā akoranga), kāore he utu mō te wā tuatahi. Ko te utu ki te tīni tuarua neke atu rānei ka rite ki te 10% paiheneti o te utu akoranga.

4. Te whakakorenga me te whakahokinga utu
Āta whiriwhiri, nā te mea mā te whakakorenga akoranga anake nā te tokoiti rawa o ngā whakaurunga mai, e whakahokia ai he utu akoranga.

5. Taumata akoranga / rahinga akoranga
5.1. Ka tohua te taumata akoranga mā ngā whakamātautau whakataunga a te rōpū Goethe-Institut.
5.2. Ka 8 ki te 18 ākonga ō mātou akoranga katoa. Mehemea he iti rawa ngā whakaurunga mai i te rā tīmatanga, kei a mātou te tikanga ki te whakakore, ki te whakahuri rānei i te akoranga. Ki te whakakorengia ka tukuna te ākonga kia uru ki tētahi atu akoranga ka whakahokia rānei te katoa o tana utu akoranga. Kei te pōuri mātou e kore e whakahaeretia ngā akoranga kāore i eke te tokomaha ākonga i te wā whakauru mai. Kia kore ai e whakakorengia he akoranga nā te tōmuri kē o ngā ākonga ki te whakauru mai, me rēhita rawa te ākonga hei mua noa mai i te rā aukati mōna anō te painga. I ētahi wā anō, ina iti ake i te 8 ākonga ki tētahi akoranga, ka rite tonu te utu engari ka heke iho pea te maha o ngā akomanga ina ia ka māmā ake te whakaako tauaro a te kaiako ka tere ake ai te akoako a te ākonga (7 = 9 wiki / 6 = 8 wiki).

6. Ko ngā tikanga kaiwhakauru mai
Me mātua whai te hunga kaiwhakauru mai i ngā tikanga akoranga me ngā tikanga whare a te rōpū Goethe-Institut.

7. Te Nama o te rōpū Goethe-Institut
Ka whakawhāitihia mai te nama o te GI me ana kaimahi ki runga i ngā take whaiā anake, take hauware rānei. Kāore hoki he nama ki runga o te GI mō te whakakore i ana ratonga nā te mahi a te atua (pēnei i te parekura whenua, ahi, waipuke, pakanga, mana kāwanatanga, he aha atu rānei i tua atu i ngā rōpū whakaaetanga kirimana). 
Kei te rōpū Goethe-Institut tonu te tikanga ki te whakakore ki te whakahuri rānei i te akoranga.  

​Reo Tiamana ā-Ipurangi - Te Taumata A1 Me Te A2
Rēhitanga
Te Rā Aukati
E 3 rā i mua o te tīmatanga akoranga
Te Roa o te Akoranga A1: 09.04.-09.07.2016
A1: 04.06.-03.09.2016
A2: 04.06.-03.09.2016
Hui ā-IpurangiE Whā Ngā Rā mō ngā hui ā-ipurangi ka whakaritea ki ngā ākonga hei te tīmatanga o te akoranga.
Utu Akoranga AUS 550,–

Whakamārama Akoranga Takitahi ā-Ipurangi

Kei te pīrangi whakapakari koe i ō pūkenga reo kōrero engari e raru ana kia tae tinana mai ki te akoranga, e uaua ana rānei te hokihoki mai ki Poihākena? Ka pai ake rānei he kaupapa māmā ngā haora, iti te utu, ka mahi takitahi tonu ki ngā kaiako? Kei ō mātou akoranga takitahi ā-ipurangi pea mā Kaipa, Ātōpe Tūhono, aha atu, te oranga mōu!


Hei mahi i tēnei, me whai rorohiko, tūhono ipurangi, wahahiko me te hopu reo. Ko te uhi taringa te painga atu. Arā atu anō ngā whakamārama ka tukuna atu kia oti mai tō rēhitanga.

  • 5 x 45 meneti $370
  • 10 x 45 meneti $685
  • 20 x 45 meneti $1255

Ka mahi tahi koe ki tō kaiako hei whakapakari i ō pūkenga reo kōrero Tiamana. Aro atu ki ngā kaupapa tapatahi pēnei i te reo Tiamana pakihi hangarau rānei, reo Tiamana mō te haereere, tēnā ka whakawhānui rānei i ō pūkenga kōrero ki tō taumata matatau tonu. Whakapakarihia ō whakahuahuanga, e mārama ake ai ō kōrero, ka waia ake ki te whakarongo ki te whakawhiti kōrero hoki i roto i te reo Tiamana.

Me whakapā noa mai ki tō mātou tari akoranga reo e tata ana. Whakamōhiotia mai ngā rā me ngā wā e āhei ai koe te mahi tahi ki tō kaiako mēnā rānei he kaupapa akoranga pīrangi ai koe.

He māmā te utu ki konei mā te Paypal ka whakapā atu ai te tari akoranga reo ki a koe ki te whiriwhiri i ngā wā mahi me ngā kaupapa hiahia mahi koe. Mā te utu ā-Paypal e whakaae tahi ana koe ki ā mātou tikanga here.
Top