Akoranga reo Tiamana ki Tiamana

Arā noa atu i te akoranga reo noa iho te ako reo Tiamana ki te rōpū Goethe-Institut ki Tiamana tonu: He wāhi e hura ai koe i te whenua me ōna ahurea, e mōhio ai koe ki te iwi me ā rātou mahi o ia rā, hei akoranga tauhou anō hoki. Kia ita ake nei: He whakaaro tino pai rawa.

Akoranga reo Tiamana ki Tiamana © Clerkenwell, Stockbyte, Getty Images

Akoranga reo Tiamana ki Tiamana

Akona mai te reo Tiamana ki Tiamana - te huarahi pai. Rumakihia ki te ahurea me te whakatā. Kia tau koe ki te whenua me ōna iwi!

Akoranga Reo Tiamana mō te Tamariki me te Rangatahi © Sturti

Akoranga Reo Tiamana mō te Tamariki me te Rangatahi

He ngahau, kēmu, hākinakina me te reo: akona te reo Tiamana e tūtakitaki tamariki rangatahi ana mai i te ao katoa!

Arotakenga Karahipi

Tūhono anō ki Tiamana me te reo Tiamana ki te rōpū Goethe-Institut ki Mūniki.

  • Anita Perkins - Ka pai kē te ako reo Timana ki Tiamana! © Anita Perkins
    Ka pai kē te ako reo Timana ki Tiamana!
  • Anita Perkins - Pai ngā kākahu kua rite katoa mō te hui Pia-Oketopa! © Anita Perkins
    Pai ngā kākahu kua rite katoa mō te hui Pia-Oketopa!
  • Anita Perkins - Aku hoa mahi pai nō ngā hau e whā o te ao © Anita Perkins
    Aku hoa mahi pai nō ngā hau e whā o te ao
  • Anita Perkins - Ka pai te haerenga ki te whare kīngi o Neuschwanstein © Anita Perkins
    Ka pai te haerenga ki te whare kīngi o Neuschwanstein
Ko taku tino whāinga o te hoki ki Tiamana i tēnei tau kia waia anō aku pūkenga reo, kua tutuki hoki i ahau. Ngā mihi nui ki a Judith Geare me te rōpū Goethe-Institut mō tēnei tino mahi!

 

He mea whakaatu i roto i taku pukapuka ā-tau o te kura i te mahi i whakaarotia māku: ‘Kaiwhakamāori ā-waha /ā-tuhi.’ Ki taua pukapuka anō rā ngā whakaaro o aku hoa mō te mahi pai māku ā tōna wā: ‘kaiharihari pia ki te hui Pia-Oketopa. Ahakoa kāore i tino eke aua matapae e rua, kāore e kore he taikākā nō taku ao taku noho ki Tiamana me te ako hoki i te reo Tiamana. Hei tauira atu, he tohu tākuta tāku i roto i te reo Tiamana ka mutu he piri tata tonu hoki ki taku whānau whāngai o Tiamana i tūtaki tuatahi ai au i te tau 1999.

E rua tekau tau mai i taku taku whakawhiti nohoanga kura rua marama ki Pawāria, i waimārie au ki te hoki atu ki reira i te Hepetema o tēnei tau mō te rūmaki reo e 4-wiki ki te rōpū Goethe-Institut ki Mūniki. Ko ētahi o aku haerenga o mua ki Tiamana kotahi tau e ako ana ki te Whare Wānanga o Heidelberg, he tau anō hei kaiāwhina reo Ingarihi ki tētahi hai kura ki Weimā, ā, kotahi akoranga 2-wiki mō ngā ākonga tohu tākuta ki Pearīni. Heoi, nā te roa o taku hokinga atu i te āwangawanga ahau kua waikura haere kē pea taku reo Tiamana. Waimārie, nā Judith Geare, Tumuakī o te tari reo o te rōpū Goethe-Institut ki Pōneke, nāna i mea mai kia tonoa atu e au he karahipi i te rōpū Goethe-Institut. Hari nui ahau i taku rongotanga i tutuki te tono ka utua hoki ngā utu nui o taku haere ki Mūniki.

Ko ngā ākonga o te kura rā o Mūniki ka noho ki tētahi wāhi noho tino tau o roto o Mūniki, ki te wāhi tino kākāriki o te taone e tata ana ki te whare kīngi o Nymphenburg Palace. He tata rawa hoki ki taua wāhi noho tētahi whare kanikani me te īaukā hoki i pai ai hoki te mahi ki ahau! (He uaua hoki te pae hīteki!) Ka whiwhi ia tangata o te wāhi noho i tōna anō rūma nui, he rūma kaukau, he tēpu mahi hoki, ā, he kīhini kotahi hoki mō te katoa hei tunu kai hei tūtakitaki ki ētahi atu ākonga. Mai i reira, he āhua 20-meneti te haere tereina i runga i te tereina tere o S-Bahn ki te wāhi o Rosenheimer Platz, e tata atu ana ki te kura.

Ko aku akoranga ia ahiahi ki te taha o te kaiako pai nei o Heike Anna Koch. He mea whakakotahi te karaehe mō ngā ākonga taumata c1/2 ka mutu nō ngā hau e whā hoki mātou o tāwāhi, mai i Piripīni, Purukāria, Peina, Inia, Romeinia, Hapani, Pōrana, Ingarangi, Amerika me Niu Tīreni hoki. He tino pai ngā akoranga a Heike mō ētahi kaupapa katoa, he whakahau hoki i a mātou ki te whakapakari i ō mātou pūkenga kia eke ki tētahi taumata teitei ā mātou mahi tuhi mahi kōrero hoki i te reo Tiamana.

Kei waho kē i te akomanga he nui hoki ngā mahi ngahau tae atu ki ētahi katoa nā te rōpū Goethe-Institut i whakahaere ki roto ki te taha hoki o Mūniki, ā, tae atu hoki ki ngā haerenga me aku hoa hou o tāwāhi, me te toro anō ki taku whānau whāngai o te hai kura. Tērā anō hoki aku hui pakihi ki Pearīni me Mūniki inā ia he pai ki ahau te whakapakari i te whanaungatanga o Tiamana me Niu Tīreni ki roto i āku ake mahi kirimana motuhake.

Ko taku tino whāinga o te hoki ki Tiamana i tēnei tau kia waia anō aku pūkenga reo, kua tutuki hoki i ahau. Ngā mihi nui ki a Judith Geare me te rōpū Goethe-Institut mō tēnei tino mahi!

Ka mutu, kia mōhio hoki koe, ka tae atu hoki ahau ki taua hui Pia-Oketopa rā, taku taenga tuatoru kē. Engari anō mō ngā matapae a aku hoa hai kura, kīhai au i tae atu hei kaimahi tino pai, harihari pia haere nei, engari ia hei kaiinu kē!

Anita Perkins