Whakamārama anō

Whakahokia ki te Goethe-Zertifikat C1

Kei roto katoa! Ngā wāhanga whakamātautau

Kei te whakamātautau Goethe-Zertifikat C1 he wāhanga mahi pānui, whakarongo, tuhituhi, kōrero anō hoki. Ka mahia takitahi takirua rānei te wāhanga kōrero o te whakamātautau. Ka rite tonu te whakahaere me te arotake i te whakamātautau puta noa i te ao.
 

Pānui

Ka tonoa koe ki te pānui mai i ētahi pukapuka whakamārama, kōrero whakataki, arotakenga rānei rīpoata rānei ka whakatutuki mahinga mō aua tuhinga (pēnei i te whakarāpopoto i ētahi wāhanga) hei whakaatu i tō āhei ki ngā tuhinga roa ake.

Te roa: 70 meneti

Tuhituhi

Ka tonoa koe ki te tuhi i tētahi tuhinga tau, tuhinga mārama, mō tētahi kaupapa e hoatu ā-pikitia nei ki a koe.

Te roa: 80 meneti

Whakarongo

Ka tonoa koe ki te whakarongo whakawhitinga kōrero ā-waha, ā-waea hoki, uiuinga rānei rīpoata reo irirangi rānei, ka whakarāpopoto i tāu i rongo ai ka whakarōpū hoki i ētahi kōrerotanga.

Te roa: āhua 40 meneti

Kōrero

Kei te wāhanga tuatahi o te whakamātautau ka tonoa koe ki te whakaputa i tō whakaaro mō tētahi tuhinga poto. Kātahi koe ka kōrero ki tō hoa mahi ki te whakatau ngātahi i tētahi take i tētahi raruraru rānei.

Te roa: 10 ki te 15 meneti

Ngā Whakaritenga

Ko te Goethe-Zertifikat C1 he whakamātautau reo Tiamana mā te pakeke.

E tuwhera ana ngā whakamātautau a te rōpū Goethe-Institut ki ngā tāngata katoa ahakoa te pakeketanga ahakoa te iwi.
  • Kia neke atu i te 16 tau rawa te pakeke ka pai hei mahi i te whakamātautau Goethe-Zertifikat C1.
  • Hei mahi i te whakamātautau Goethe-Zertifikat C1, me eke ngā pūkenga reo Tiamana o ngā kaitono ki te taumata tuarima (C1) o te Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 800 ki te 1,000 ngā akoranga motuhake e 45 meneti ia mea, ā, kei te āhua tonu hoki o tōna mātauranga o mua atu me ngā mea hei akoakoranga.