Whakamārama anō

Whakahokia ki te Goethe-Zertifikat A2

He māmā noa iho: ngā wāhanga whakamātautau

Kei te whakamātautau Goethe-Zertifikat A2 he wāhanga mahi pānui, whakarongo, tuhituhi, kōrero anō hoki.
Ka rite tonu te whakahaere me te arotake i te whakamātautau puta noa i te ao.
 

PĀNUI

Ka tonoa koe kia pānui i ngā tuhituhi pēnei i te tuhinga nūpepa poto, īmēra, pānui hoko, me ngā papa pānui mā te marea, kātahi ka whakatutuki i ētahi mahinga mō aua pānuitanga.

Te roa: 30 meneti

TUHITUHI

Ka tonoa koe kia tuhituhi karere mō tō ao ia rā.

Te roa: 30 meneti

WHAKARONGO

Ka tonoa koe kia whakarongo kōrero o ia rā, pānuitanga me ngā uiuitanga reo irirangi, karere ā-waea, me ngā pānuitanga marea, kātahi ka whakatutuki mahinga mō ngā mea i whakarongohia.

Te roa: 30 meneti
 

Kōrero

Ka tonoa koe kia pātai ka whakautu mai hoki i ngā pātaitanga mōu i roto i tētahi kōrerorero, ka kōrero mō tōu ake ao, ka whiriwhiri whakaaetanga rānei ka whakatauwhitiwhiti rānei kōrua ko tō hoa kaikōrero.

Te roa: 15 meneti

Ngā Whakaritenga

Ko te Goethe-Zertifikat A2 he whakamātautau reo Tiamana mō te pakeke.

E tuwhera ana ngā whakamātautau a te rōpū Goethe-Institut ki ngā tāngata katoa ahakoa te pakeketanga ahakoa te iwi.
  • Kia neke atu i te 16 tau rawa te pakeke ka pai hei mahi i te whakamātautau Goethe-Zertifikat A2.
  • Hei mahi i te whakamātautau Goethe-Zertifikat A2: Start Deutsch 2, me eke ngā pūkenga reo Tiamana o ngā kaitono ki te taumata tuarua (A2) o te  Taumata Anga Reo Ūropi (CEFR).
  • Kia eke ki tēnei taumata, te tikanga kua oti kē i te kaitono tōna 200 ki te 350 ngā wāhanga whakaako e 45 meneti ia mea, ā, kei te āhua tonu o tōna mātauranga o mua atu me ngā mea hei akoakoranga.