Urug'lar kutubxonasi
O‘zbekistonning Gyote institutida nafaqat g‘oyalar unib chiqadi, balki hayot ham unib chiqadi. Urug‘lar kutubxonasining tashkil etilishi tabiat, madaniyat va jamiyatni birlashtirish sari qo‘yilgan qadam bo‘ldi. Tashrif buyuruvchilar an’anaviy va mahalliy urug‘larni olishlari, o‘z uylarida yoki bog‘larida o‘simliklarni o‘stirishlari, so‘ngra yangi urug‘larni kutubxonaga qaytarishlari mumkin - bu esa resurslarning barqaror aylanishini ta’minlaydi.
Urug'lar kutubxonasi haqida
Urug‘lar kutubxonasi shunchaki biologik xilma-xillik arxivi emas. Bu jonli muloqot maydoni bo‘lib, unda bog‘bonlar, ekologlar, rassomlar va barcha qiziquvchilar bioxilma-xillik, iqlim o’zgarishi va madaniy meros mavzularida tajriba va bilim almashishlari mumkin. Kutubxonada amaliy mashg‘ulotlar, ko‘rgazmalar va ijodiy loyihalar orqali urug‘lar tarixi, madaniyati va kelajak uchun ahamiyati ochib beriladi.
Barqaror rivojlanish va mahalliy bilimlar tobora muhim ahamiyat kasb etayotgan dunyoda O’zbekistondagi Gyote-Institutining urug‘lar kutubxonasi bunga misol bo‘la oladi.
