"Hayot nihollari: urug'lardagi o'ziga xoslik, madaniyat va xotira" loyihasi Rossiyaning Ukrainaga qarshi bosqinchilik urushi fonida boshlangan. Bu urush global oziq-ovqat xavfsizligining naqadar zaifligini va mintaqaviy barqarorlikka har tomonlama bog'liqligini ko‘rsatdi. Urush natijasida Ukrainaning ayniqsa qishloq xo'jaligiga jiddiy ta'sir ko'rsatildi va ekologik zarar etkazdi.
Biologik xilma-xillik va an'anaviy urug'larni saqlash muhimligi tobora e'tirof etilayotgan bir paytda, bizning loyihamiz urug'larni o'ziga xoslik va madaniyat tashuvchisi sifatida saqlash va qadrlashga qaratilgan. Kiyev (Ukraina), Toshkent (O‘zbekiston), Tbilisi (Gruziya) va Olmaota (Qozog‘iston) shaharlaridagi Gyote-Institutlari bilan hamkorlikda biz muloqot va fikr almashinuv joylari sifatida urug‘lar kutubxonalarini tashkil etmoqdamiz.
Ushbu kutubxonalar nafaqat urug'larni yig'ish va saqlash, balki kutubxona foydalanuvchilari barqarorlik, biologik xilma-xillik va madaniy meros kabi mavzular bo'yicha fikr almashishlari mumkin bo'lgan joylarni yaratishga ham xizmat qiladi. Bundan tashqari, biz urug'lardan nihollar unib chiqishi jarayonini hujjatlashtirish uchun badiiy amaliyotlardan foydalanamiz va ko'rgazmalar va ijodiy loyihalar orqali urug'larning o'ziga xoslik va madaniyat tashuvchisi sifatidagi ahamiyatini ta'kidlaymiz.
