Bularning barchasi – oila! Sayyor ko´rgazma Urganchda

«Bularning barchasi oila!“ – Myunhen Xalqaro Yoshlar Kutubxonasining sayyor ko´rgazmasi endi Horazm vohasida!!!
Oila haqidagi ko´plab qiziqarli hikoyalar va rang-barang rasmlardan iborat kitoblari bilan, nafaqat nemis tilini o´rganuvchilari uchun balki har bir kitob ihlosmandi uchun ushbu ko´rgazma ayni muddao.
2022-yil 14-15-aprel kunlari 19-sonli PASCH maktabi nemis tili A1+ va B1 darajasidagi o‘quvchilari bilan Urganch shahridagi Gyote Institutining hamkor kutubxonasida “Bularning barchasi oila” ko‘rgazmasiga tashrif buyurdi. O´quvchilarga ko‘rgazma taqdim etilib, ular bu borada ma’lumotlarga ega bo‘lgan qisqa ekskursiyadan so‘ng “Bularning barchasi oila!” ko‘rgazmasi doirasida qiziqarli mahorat darslari boshlandi.
Ayniqsa, guruhlarga bo´linib bajarilgan so‘nggi topshiriq qiziqarli bo‘ldi, bunda o‘quvchilar 10 daqiqa ichida kitob tanlashlari, o‘z tanlovlarini asosida kichkina mavzuda rollar ijro etishlari kerak edi.
Shundan keyin yana 10 daqiqa mobaynida rollarga bo´linib o'yinlar namoyish etildi.
Mahorat darslari yakunida ko‘rgazma birinchi navbatda kimga va nima uchun mo‘ljallanganligi, uning foydali tomonlari, tinglovchilarga ayniqsa qaysi kitoblarni tavfsiya etish joyiz degan 10 daqiqalik savol-javoblar bilan o´tdi.
O´quvchilar nemis tilidagi adabiyotlarni mutolaa qilish bilan birga, oila tushunchasi, ota-ona va farzand munosabatlari, tarbiyasi kabi ko´plab qiziqarli mavzularda bahs-munozara qilishdi. Ko´rgazma doirasida tashkillashtirilgan mahorat darslari o´quvchilarda katta taassurot qoldirdi.

Myunhen Halqaro Yoshlar Kutubxonasi va Toshkent Goethe instituti tomonidan tashkillashtirilgan ushbu ko´rgazma may oyining o´rtalarigacha sizga hamkor kutubxonamizga kelib, kitoblarni oilangiz bilan birga mutolaa qilish imkonini beradi.

  • 1. Alles Familie - Urganchda © Goethe-Institut Usbekistan

  • 2. Alles Familie - Urganchda © Goethe-Institut Usbekistan

  • 3. Alles Familie - Urganchda © Goethe-Institut Usbekistan

  • 4. Alles Familie - Urganchda © Goethe-Institut Usbekistan