Shum bola | 01.-05.06.2022

Shum bola 2022 © Goethe-Institut Usbekistan

Gyote-Instituti, Shveytsariyaning O‘zbekistondagi elchixonasi hamda „Shlingel“ xalqaro kinofestivali (Xemnits, Germaniya) bilan hamkorlikda Toshkent shahrida “Shum bola 2022” IX Bolalar va o’smirlar kinofestivalini o‘tkazmoqda.

„Xalqaro bolalarni himoya qilish kuni“ munosabati bilan, 1 iyundan – 5 Iyunga qadar, Gyote-Institutida bolalar va oʻsmirlar kino sanoatining eng soʻnggi xalqaro mahsulotlarini taqdim etuvchi „Schlingel“ kinofestivalining dasturidan o’rin olgan filmlar namoyish etiladi.

“Shum bola” kinofestivali Toshkentdagi Gyote-Instituti tashabbusi bilan 2013-yilda tashkil etilgan bo’lib har yili O‘zbekiston poytaxtida o‘tkaziladi. Ushbu loyihani kelgusida viloyatlarda ham o’tkazish rejalashtirilgan.
 
“Shum bola 2022” joriy yilgi dasturidan yettita film joy olgan: “Petyaning oydagi sarguzashti”, “Mening dadam kolbasa”, “Orzular yirtqich yo‘lbarslarga o'xshaydi”, “Raqsga tush”, “Osmondan yulduz tushganda" , "Sami, Jo va men", "Ulya Funk missiyasi"

Tadbirga Shveysariya, Germaniya davlatlaridan kinorejissyor va prodyuserlar shuningdek, „Shlingel“ xalqaro kinofestivali direktori Mixail Xarbauerlarning tashrifi kutilmoqda.

Tomoshabinlar namoyishdan so‘ng o’zlarini qiziqtirgan savollarga javob olishlari, hamda mehmonlar bilan fikr almashishlari mumkin.
Festivalga tashrif buyurgan yosh tomoshabinlar uchun turli ko'ngilochar tadbirlarning o'tkazilishi rejalashtirilgan.

Filmlar o‘zbek va rus tillarida namoyish etiladi.

Kirish: telegram-bot orqali oldindan ro’yxatdan o’tish so‘raladi: @GoetheUzBot
Manzil: Toshkent, Аmir Temur ko‘chasi, 42.
Joylar soni chegaralangan.

Dasturni yuklash Shum bola - 2022 | Dastur