"Yashil Institut" dasturining tamoyillari

REDUCE - Resurs iste'molini kamaytirish
REUSE - Qayta foydalanish  
RECYCLE - Qayta ishlash 

"REDUCE" Resurs iste'molini kamaytirish	Ushbu bosqichda biz ortiqcha narsalarni yo'q qilishni va resurslarga ko'proq e'tibor berishni o'rganmoqdamiz. "Yashil Institut dasturi doirasida biz elektr energiyasi, suv va qog‘oz sarfini kamaytirish bo‘yicha har kuni qadamlar tashlamoqdamiz, bir martalik ruchkalardan voz kechib, ekologik toza tozalash vositalariga o‘tishni rejalashtirmoqdamiz. Gyote-Institutining 1-qavatidagi qahvaxonada bir martalik stakanlar, idishlar, plastik idishlar va nam salfetkalardan foydalanishdan butunlay voz kechildi. Institutning 2- va 3-qavatlarida institut xodimlari va talabalari uchun ichimlik suvi quvurida filtrlar o‘rnatildi. Sentyabrdan dekabrgacha Gyote-Institut 1520 litr suv va 130 kg CO2 ni tejadi.
"REUSE" Qayta foydalanish	Dasturning ushbu bosqichida biz narsalarni qayta ishlatishga va yangi tovar va mahsulotlarni sotib olishni kamaytirishga harakat qilamiz. Masalan, foydalanilmayotgan kitob va daftarlarni qaytarish aksiyasini yo‘lga qo‘yishni rejalashtirganmiz, unda talabalar foydalanmaydigan kitoblarini qaytarib berishlari va bu kitoblardan foydalanishga boshqalarga imkoniyat berishlari mumkin. Bundan tashqari, Gyote-Institutining 1-qavatidagi qahvaxonada omonat krujkalar tizimi ishga tushirildi, unda ichimlik idishi uchun omonat qoldirib, idish bo'shagandan keyin, uni qahvaxonaga qaytarib, omonatni olib ketish mumkin.
"RECYCLE"  Qayta ishlash	Dastur doirasida biz institutda chiqindilarni saralashni joriy etdik. Institutning barcha qavatlarida plastmassa va qog‘ozlarni, batareyalarni yig‘ish uchun alohida qutilar o‘rnatilib, chiqindilarni saralash bo‘yicha yo‘riqnomalar ishlab chiqildi. Xodimlar va tinglovchilarga ekologik madaniyatni oshirish bo‘yicha treninglar o'tkazildi va ularga dasturning asosiy tamoyillari o‘rgatildi. Barcha yig'ilgan, takroran ishlanadigan mahsulotlar qayta ishlanadi va ikkinchi hayotga ega bo'ladi; ularni sotishdan tushgan barcha mablag'lar xayriya ishlariga yuboriladi. 2021-yilning martidan 2022-yilning yanvarigacha Gyote-Institut 173 kg plastmassa va 556 kg chiqindi qog‘ozni qayta ishlashga topshirdi.