Logo Goethe-Institut

O'zbekiston

APAL: Germaniyada dual kasbiy ta’lim

Germaniyada kasbiy ta’lim olishni xohlaysizmi?
Germaniyaning Federal mehnat agentligi va Germaniya tashkilotlari bilan hamkorlikda O’zbekistondagi Gyote-Instituti Sizga nemis tili va madaniyatlararo tayyorgarlikdan o‘tish imkoniyatini taqdim etadi. Bu orqali Siz “Osiyo va Lotin Amerikasida kasbiy ta’lim bo‘yicha hamkorliklar” (APAL) dasturida ishtirok etishingiz mumkin.

Germaniyada dual ta'lim © Goethe-Institut

Video: Germaniyada APAL bilan dual kasbiy ta'lim

Dastur nimalarni taklif qiladi?

  • Germaniyada bepul kasbiy ta’lim;
  • Shartnoma asosida kafolatlangan oylik ish haqi;
  • Stipendiya tarkibiga kiradi: O‘zbekistondagi Gyote-Instituti tomonidan nemis tili kurslari;
  • Viza uchun hujjatlarni tarjima qilishda yordam va aviachiptalar uchun bir martalik yo‘l xarajatlari kompensatsiyasi;
  • Germaniyada: uy-joyni jihozlash uchun boshlang‘ich yordam, birinchi oy bepul yashash va ijara uchun depozitni to‘lab berish;
  • Germaniyada: O‘quv davri davomida vatanga bir martalik borib‑kelish parvoziga ruxsat beriladi (bagaj bilan birga).

Hozirda qaysi kasblar mavjud?

2027 yil uchun mavjud bo‘ladigan kasblar haqida ma’lumotni 2026 yil yozining oxiridan boshlab shu yerda topishingiz mumkin.
 

Dual kasbiy ta’lim qayerda o‘tkaziladi?

Germaniyada dual kasbiy ta’lim: bir tomondan, kasb-hunar maktabida (Berufsschule) o‘tkaziladi, bu yerda nazariy bilimlar beriladi; ikkinchi tomondan, korxona yoki o‘quv markazida, ya’ni amaliy mashg‘ulotlar orqali amalga oshiriladi. Tanlov e’loni va axborot tadbirlarida Siz korxona va kasblar, shuningdek ularning Germaniya hududlaridagi joylashuvini bilib olasiz.
 

Qanday talablar qo'yiladi?

  • Ta’lim boshlanishida yoki Germaniyaga jo‘nab ketish vaqtida kamida 18 yoshda bo‘lishingiz;
  • O‘zbekiston maktabini (11 sinf) tamomlagan bo‘lishingiz;
  • Nemis tilini o‘rganishga yuqori motivatsiyaga ega bo‘lishingiz va nemis madaniyatiga qiziqishingiz;
  • Tanlangan kasbiy yo‘nalishga katta qiziqish;
  • Nemis tili bo‘yicha rasmiy A2 darajadagi sertifikat (12 oydan eski bo‘lmagan) yoki undan yuqori daraja.

Dastur qanday amalga oshiriladi?

  • Siz dasturda ishtirok etish uchun ariza topshirasiz;
  • O‘zbekistondagi Gyote-Institutida nemis tilini B1 darajasigacha o‘rganasiz;
  • Kerakli hujjatlarni tayyorlaysiz va viza hamda diplomni tan olish jarayoniga topshirasiz;
  • Germaniyaga yo‘l olasiz;
  • Germaniyada kasbiy ta’limni boshlaysiz.

Ariza topshirish uchun qanday hujjatlar kerak?

  • Germaniya Federal mehnat agentligining to‘ldirilgan ariza shakli;
  • O‘rta ta’lim to‘g‘risidagi attestat nusxasi yoki oxirgi 3 yildagi baholari ko‘rsatilgan vaqtinchalik attestat;
  • Amaldagi shaxsni tasdiqlovchi hujjat nusxasi;
  • Yevropa standarti bo‘yicha A2 yoki undan yuqori darajadagi nemis tili sertifikati (12 oydan eski bo‘lmagan).

Arizalar

APAL 2027 dasturi uchun ariza topshirish bosqichi 2026 yil oktabr oyida boshlanishi kutilmoqda.

Aloqa

Bizni kuzatib boring