PASCH-o'qituvchilari uchun PASCH-stipendiyalar
Gyote Instituti tomonidan tashkil etilgan onlayn kurslar shu yilning 25-may kunida boshlangan. Men yaxshi boshladim, lekin afsuski, texnik nosozlik sababiga ko'ra kursni tugata olmadim. Ammo men kerakli ball to'pla oldim. Bu kurs qiziqarli edi, lekin seminar Berlindagi chet ellik hamkasblar doirasida o'tkazilganida yanada yaxshi bo'lardi. - Akmaljon Ortiqov, Andijon shahridagi 23-sonli PASCH maktabi nemis tili o'qituvchisi.
Mening ismim Malika Rahimova, men Urganch shahridagi 19-sonli PASCH-maktabining nemis tili o'qituvchisiman. Bu yil Gyote Instituti stipendiyasini yutib oldim va 6-iyuldan 5-avgustgacha onlayn til kursida o'qidim. Men ushbu kursdan katta foyda oldim va shaxsiy va professional ko'nikmalarimni rivojlantira oldim. Bundan tashqari, men dunyoning turli burchaklaridan kelgan ishtirokchilar bilan tanishdim, ular bilan samarali va muvaffaqiyatli bilim va tajriba almashdik. O'qituvchimiz onlayn kursni qanday o'qitgani ham menga juda yoqdi. Deyarli har kuni men yangi narsalarni o'rgandim, bu menga katta motivatsiya berdi. Bu imkoniyat uchun Gyote Instituti va PASCH proyektidan juda minnatdorman. - Malika Rahimova, Urganch shahridagi 19-sonli PASCH-maktabi nemis tili o'qituvchisi.
Men yaqinda onlayn malaka oshirish kursini tamomladim. Men B2.1 kursini a'lo baholar bilan tamomladim va juda ko'p taassurotlar oldim. Onlayn til kursi juda yaxshi tashkil etilgan edi. Menga eng yoqqan narsa - o'qituvchilarning o’quvchilarga individual yordami. Onlayn uchrashuvlar juda qiziqarli va ma'lumotga boy bo'lib o‘tdi, biz ko'plab interaktiv mashqlarni bajardik. Bu kursning eng katta afzalliklaridan biri joy va vaqt masalasida moslashuvligi deb o‘ylayman. - Nozima Mirzaeva, Andijon shahridagi 4-sonli PASCH-maktabining nemis tili o'qituvchisi.
Bir hafta oldin men Gyote Institutining "Germaniyada malaka oshirish: til, o’lkashunoslik va madaniyat" seminarida qatnashgan edim va u menda katta taassurot qoldirdi, men sizlar bilan baham ko'rmoqchiman. Bu seminar men uchun juda foydali bo'ldi. U ikki qisimdan iborat edi: yozma va og'zaki, men bu haqda qisqacha aytib bermoqchiman.
Seminarda 15-ta nemis tili o'qituvchilari qatnashdilar, ular orasida faqat men nemis tili o'qituvchimas edim. Men O'zbekistondagi Qarshi shahridagi PASCH-litseyining direktoriman. Dastlab seminar men uchun biroz qiyin kechdi, lekin ikki kundan keyin hamma narsa o'z holatiga qaytdi, chunki men bunga ko'nikdim.
Boshida biz seminarni yozma qismini o’tdik. Bu juda qiziq edi. Moderatorimiz bizga qiziqarli vazifalarni bajarishga berdi. Biz individual vazifalarni ham, sheriklarimiz bilan ham, guruhda ham bajardik. Bu topshiriqlar orqali men ko'p o'qitish usullarini o'rgandim va nemis tili, o’lkashunoslik va madaniyati haqidagi bilimimni oshirdim.
Og'zaki qism Zoom platformasida tashkil etilgan edi. Nihoyat, biz yolg'iz gaplashish va bir -birimiz bilan shaxsan tanishish imkoniyatiga ega bo’ldik. Seminarning ikkinchi qismida biz nemislarning o'ziga xos xususiyatlari va Germaniya shaharlari madaniyati bilan tanishdik. Har bir topshiriq oxirida biz ikki -uchtadan taqdimot berardik. Taqdimotlarni tayyorlashda bizning fikrlarimiz bir biridan farqlanar edi, chunki biz hammamiz turli mamlakatlardanmiz, mentalitetimiz va madaniyatimiz turlicha, lekin bu bizni hech qanday bezovta qilmadi va biz barcha vazifalarni yaxshi va to'liq bajardik.
Xulosa qilib aytmoqchimanki, bunday seminarlar bizga nemis tili bo'yicha bilimimizni chuqurlashtirish imkoniyatini beradi va agar ular tez -tez o'tkazilsa juda xursand bo'lardim. Noyabr oyida seminarning uchinchi qismi o'tkaziladi, men bundan juda xursandman. Men seminarning davomini orziqib kutaman va unda qatnashish uchun vaqt va imkoniyat bo'ladi deb umid qilaman. - Akmaljon Qudratov, Qarshi shahridagi PASCH-litsey direktori.