Nemis tili va Schwebisch Hallda amaliyot
2022-yil iyul oyida Germaniyada birinchi marotaba "Nemis tili va amaliyot" formatida kurs bo'lib o'tdi. Ushbu kurs jami uch haftani o'z ichiga olib, ulardan ikki haftasi Shvebish Halldagi Gyote-Instituti tomonidan taqdim etilgan til kurslari va jahon bozori yetakchilarining eng ko'p yig'ilgan Haylbronn-Franken hududidagi kompaniyada bir haftalik amaliyotni o'tish uchun mo'ljallangandir.
Dastlabki ikki hafta nemis tili darslaridan iborat bo'lib, asosiy e'tibor "nemis tili va amaliyot" mavzusiga bag'ishlangan. Ushbu yoshlar kursidagi til darslari kundalik hayotda foydalanish va talabalarni ish joyida tilga bo'lgan talablar bilan tanishtirish uchun mo'ljallangan. Ishda muhim rol o'ynaydigan va amaliyot davomida maxsus sinovdan o'tgan muloqot qobiliyatlari chuqurlashtirildi: faol tinglash, qiziqtirgan savollar, ma'lumotlarni tizimlashtirish va umumlashtirish, suhbatni davom ettirish.
Shundan so‘ng viloyatdagi korxonada amaliyot o‘tashdi. Bir haftalik kasbiy yo‘nalish talabalarga o‘zlarini va o'z qobiliyatlarini yaxshiroq baholash va ularni yangi muhitda o‘rganish imkoniyatini berdi. Kurs ishtirokchilari o'zlarining kelajakdagi xizmat darajalarida, o'qish tanlovlarida va tegishli ariza berish tartiblarida juda foydali bo'lishi mumkin bo'lgan aloqalarni o'rnatdilar.
Mening ismim Bibixonim va men birinchilardan bo‘lib professional yoshlar kurslarida qatnashdim. Hamma narsa juda g'ayrioddiy va unutilmas edi! Yozgi ta’tillarim boshqalarga qaraganda mazmunliroq o‘tdi. Buning sababi Germaniyada ko'plab do'stlar orttirganimdir. Men va 24 mamlakatdan kelgan 31 nafar o‘smirlar qiziqarli mashg‘ulotlar bilan shug‘ullanibgina qolmay, balki Shtutgart, Haydelberg, Frayburg, Lyudvigsburg, Frankfurt, Haylbronn va Shvebisch Hall kabi ko‘plab shaharlarga ajoyib sayohatlar qildik. Dastlabki ikki hafta kursdan iborat edi, bir hafta amaliyot edi, lekin bu uch hafta juda tez o'tib ketdi. O'qituvchilar yaxshi edi va biz ko'p narsalarni o'rgandik, darslarda biz turli mavzularda suhbatlashdik, masalan, mamlakatlar o'rtasidagi farqlar, mentalitet va an'analar. Men amaliyot o‘tagan kompaniya Bechtle AG deb ataladi. Germaniyaning eng yirik IT tizimlari ishlab chiqaruvchisi Bechtle barqaror IT arxitekturalari uchun kuchli hamkor hisoblanadi. Ushbu kompaniyada siz IT bilan bog'liq hamma narsani ko'rishingiz mumkin. Amaliyot davomida tajriba almashdim, chunki biz kompyuterlar tuzilishi va mobil telefonlarni ro‘yxatdan o‘tkazishni o‘rgandik. Bundan tashqari, men JavaScript va PYTHON dasturlash tili haqida ma'lumot oldim. Amaliyot yakunida ish beruvchi bizga ushbu kompaniyada amaliyot o‘tashni taklif qildi, men Germaniyadagi universitet yoki kasb-hunar maktabida o‘qish niyatim borligidan juda xursand bo‘ldim. Shuningdek, ko‘plab universitetlarga tashrif buyurdik va Germaniyada qanday o‘qish va tadqiqot olib borishni tushuntirib bergan professorlar bilan uchrashdik. Shunda men albatta Germaniyada o'qishga qaror qildim.
