Nemis tili o'qituvchilari uchun "YASHIL DIPLOM" ta'lim dasturi

Grünes Diplom © Goethe-Institut

 

2022-2024 YILLAR UCHUN QABUL


Gruziya, Qozogʻiston, Rossiya, Oʻzbekiston va Ukrainadagi Gyote Institutlari turli mamlakatlar Gyote Institutlarida nemis tilini chet tili sifatida malakali oʻqitish maqsadida, yuqori motivatsiyaga ega nemis tili oʻqituvchilari uchun oʻquv dasturini taklif etadi.

Ta‘lim taxminan 1,5 yil davom etadi, 2022 yil iyunidan 2024 yil yanvarigacha.

Ta‘lim davomida siz nazariy va amaliy o'quv modullarida nemis tilini chet tili sifatida o'qitishning eng zamonaviy didaktik usullari bilan tanishasiz.
Siz oʻquv platformasidan foydalangan holda yakka tartibda va guruhda ta’lim olayotgan Institutingizda hamrohlik qiluvchi tajribali oʻqituvchilar nazorati ostida ta’lim olasiz va Sharqiy Yevropa/Markaziy Osiyo yoki Germaniyadagi Institutlarda xalqaro seminarlarda bilim va koʻnikmalaringizni oshirasiz (an’anaviy tarzda yoki onlayn).
Ta’limni muvaffaqiyatli tugatganingizdan so'ng, Siz "Grünes Diplom" olasiz va sizga Gyote institutida to'lov asosida o'qituvchi sifatida ishlash imkoniyati beriladi.
 

Ta’lim taxminan 1,5 yil davom etadi, ya'ni 2022 yil iyunidan 2024 yil yanvarigacha. Bu vaqt davomida ta’lim olayotgan joyda bo'lishingiz talab etiladi.

O'quv dasturi to'rt qismdan iborat:
  • malakali o'qituvchilar ko'magida "Nemis tilini o'qitishni o'rganish" (DLL) ta'lim dasturi doirasida 4 ta modulni onlayn o'rganish va 2 ta DLL modulini mustaqil o'rganish (9/2022-11/2023)
  • shuningdek mashg'ulotlarda qatnashish va onlayn formatda va / yoki ta’lim olayotgan Institutda mustaqil dars o‘tish
  • Gyote-Institutining o'quv (onlayn) seminarlarida ishtirok etish
  • 2023 yil yozida Germaniyada mintaqashunoslik bo'yicha an‘anaviy seminarda ishtirok etish (onlayn formatda ham mumkin)
Dasturni muvaffaqiyatli yakunlash va diplom olish uchun sizga quyidagilar kerak bo‘ladi:
  • amaliyot o'tkaziladigan Gyote Institutida ekspertlar tomonidan baholanadigan ikkita ochiq dars o'tkazish;
  • onlayn kirish seminarida faol ishtirok etish;
  • 4 ta DLL modullarini onlayn, amaliy tadqiqot loyihalari bilan, shuningdek, mamlakatshunoslik va madaniyatlararo ta’lim bo'yicha modullardan o'tishda faol ishtirok etish;
  • 1 - 6 DLL modullari uchun yakuniy testdan muvaffaqiyatli o'tish;
  • Gyote-Institutining nemis tilini C2 darajasida bilishni tasdiqlovchi sertifikatini olish (o'qishni tugatgandan keyin 12 oydan kechiktirmay);
  • A1-B1 darajadagi imtihonlarni qabul qilish uchun Gyote Institutidan imtihon qabul qiluvchi sertifikatini olish (o'qish davrida yoki o'qishni tugatgandan keyin 12 oydan kechiktirmay).
Gyote-Instituti ushbu dasturda ishtirok etganlik uchun toʻlov olmaydi. Ta’lim uchun sarflagan vaqtingiz uchun tovon to‘lanmaydi.

Bir nomzodni 1,5 yil davomida tayyorlash uchun Gyote Instituti taxminan 5000 Yevro sarflaydi.  Ta’limni muvaffaqiyatli tugatganingizdan so'ng, Siz Gyote-Institutida kamida 2 yil o'qituvchi bo'lib ishlash majburiyatini olasiz. Ushbu shart mashg'ulot boshlanishidan oldin tuzilgan shartnoma bilan belgilanadi.

O'quv dasturi to'liq yoki qisman bajarilmagan taqdirda, shartnomani muddatidan oldin bekor qilish huquqini Gyote-Instituti o'zida saqlab qoladi.

O'qish jarayonida, muvaffaqiyatli oraliq natijalar bilan Siz sinov muddatida mustaqil ravishda kurslarda dars berishingiz mumkin. Biroq, o'qituvchi sifatida ish faoliyatini yurgizishni talab qilish sizning qonuniy huquqingiz emas.

O'qishni tugatgandan keyin 12 oydan kechiktirmay, barcha bitiruvchilar  Goethe-Zertifikat C2: Großes Deutsches Sprachdiplom til imtihonini topshirishlari shart.
 

Nomzodlardan quyidagilar talab etiladi:
  • O'zbekiston fuqarosi bo’lishi;
  • nemis tilini yaxshi bilishni tasdiqlovchi sertifikat (kamida B2 darajada, GeR);
  • oliy ta'lim muassasasini nemis tili yoki Germanistika yo’nalishini tamomlagan bo‘lishi, shu jumladan didaktik komponent bo'yicha nemis tilini chet tili sifatida o'qitish tajribasi.
Ariza topshirishning oxirgi muddati – 2022-yil 30-mart

Hujjatlarni (jadval ko'rinishidagi avtobiografiya, motivatsiya xati, tilni bilish to'g'risidagi hujjat, tegishli sertifikatlar) elektron shaklda Toshkentdagi Gyote-Institutiga, Olesya Melibaevaga elektron pochta orqali yuboring:
  olesya.melibaeva@goethe.de